Exodo 34:1 - Ti Biblia (1973)

¹ Ket ni Jehova kinunana ken Moises, Mangdalumpinasca cadagiti dua a tapi a bato a cas cadagiti immuna: ket isuratconto cadagiti taptapi a bato dagiti sasao a nailugan cadagiti immuna a taptapi a binoongmo.

Ti Baro a Naimbag a Damag Biblia

¹ Kinuna ni Yahweh ken ni Moises, “Mangaramidka iti dua a tapi ti bato a kas kadagidi immuna ket isuratkonto kadagitoy dagiti naisurat kadagidi tapi a binurakmo.

Exodo 34:1 Iomraidhean Croise

Dagiti Salmo 119:89

Agnanayon, O Jehova, a ti saom sitatalinaed sadi langit.

Exodo 24:12

Ket ni Jehova kinunana ken Moises, Dumanonca caniac iti bantay, ket agyanca idiay: ket itdecto kenca dagiti taptapi a bato, ken ti linteg ken ti bilin, a sinuratac, tapno isuda ti isurom.

Exodo 31:18

Ket intedna ken Moises idi a nalpas ti pannakisaona kencuana idiay rabaw ti bantay Sinai, dagiti dua a taptapi ti pamanecnec, a tapi a bato, a sinuratan ti ramay ti Dios.

Exodo 32:16

Ket dagiti taptapi a bato inaramid ida ti Dios, ket ti suratda sinuratan ti Dios, a naikitikit cadagiti taptapi a bato.

Exodo 32:19

Ket naaramid nga idi nga immasideg iti pacarso nakitana ti sinan-urbon a vaca ken dagiti salsala: ket ti pungtot ni Moises bimmara, intupacna dagidi taptapi nga addada idi cadagiti im-imana ket imboongna ida iti arisadsad ti bantay.

Exodo 34:28

Ket isu nakipagyan idiay ken Jehova cadagiti uppat a pulo nga aldaw ken uppat a pulo a rabii; saan a nangnangan iti tinapay wenno im-mininum iti danum. Ket insuratna cadagiti taptapi a bato dagiti sasao ti tulag dagiti sangapulo a bilin.

Exodo 34:4

Ket ni Moises dinalumpinasna dagiti dua a taptapi a bato a capada dagiti immuna; ket ni Moises bimmangon a nasapa iti bigat, ket simmang-at iti bantay Sinai, cas imbilin ni Jehova kencuana, ket iniggamanna dagiti dua a taptapi a bato.

Jeremias 36:32

Iti casta innala ni Jeremias ti sabali a lucot, ket intedna ken Baruc nga escriba nga anac ni Nerias, isu a nangisurat kencuana cadagiti amin a sasao ti libro, a naggapu iti ngiwat ni Jeremias, isu a ni Joakim nga ari ti Juda pinuuranna iti apuy; ket nainayon pay cadacuada dagiti adu a sasao nga umas-asping.

Deuteronomio 4:13

Ket impalawagna cadacayo ti tulagna nga imbilinna cadacayo nga aramiden, a dagiti met laeng sangapulo a bilbilinna; ket insuratna ida iti rabaw ti dua a taptapi a bato.