Exodo 32:7 - Ti Biblia (1973)

⁷ Ket ni Jehova kinunana ken Moises, Inca, sumalogca; ta dagiti tattaom, nga impanawmo iti daga nga Egipto, minulitanda dagiti bagbagida:

Ti Baro a Naimbag a Damag Biblia

⁷ Kinuna ni Yahweh ken ni Moises, “Dagdagusem ti sumalog ta nagbasol dagiti tattaom nga inruarmo idiay Egipto ket tinallikudandak.

Exodo 32:7 Iomraidhean Croise

2 Cronicas 27:2

Ket inaramidna daydi a nalinteg cadagiti mata ni Jehova, a mayalubog iti amin nga inaramid idi ni amana nga Uzzias: nupay casta isu saan a simrec a nagbasol iti templo ni Jehova. Ket dagiti tattao nagbiagda pay laeng a sidadangkes.

Dagiti Salmo 78:36

Ngem isu inalaliugda babaen ti ngiwatda, nagulbodda kencuana, babaen ti dilada.

Exodo 19:24

Ket ni Jehova kinunana kencuana, Inca, sumalogca; ket sumang-atcanto, sica ken ni Aaron a cacuyogmo: ngem dagiti papadi ken dagiti tattao dida coma agliw-as a sumang-at ken Jehova, di la ket ta busorenna ida.

Exodo 32:1

Ket idi a dagiti tattao nakitada a ni Moises nagbayag idin a di sumalog iti bantay, dagiti tattao nagpupunipunda ken Aaron, ket kinunada kencuana, Ala, yaramidannacami cadagiti didiosen, a mapanto iti sangoananmi; ta daytoy a Moises a lalaki a nangipanaw cadacami iti daga nga Egipto, dicami ammo no ania ti napasamac kencuana.

Exodo 32:11

Ket ni Moises nagdawat ken Jehova a Diosna, ket kinunana, Jehova, apayapay a bumara ti pungtotmo iti ilim, a linapsutmo iti daga nga Egipto iti naindaclan a pigsa ken iti ima a mannacabalin?

Exodo 32:4

Ket inawatna cadagiti im-imada, ket sinucogna iti maysa a pagkitikit nga alicamen, ket inaramidna a sinan-urbon a vaca a nasucog: ket kinunada, Dagitoy dagiti didiosmo, O Israel, a nangaon kenca iti daga nga Egipto.

Exodo 33:1

Ket ni Jehova kinunana ken Moises, Inca, sumang-atca manipud ditoy, sica ken dagiti tattao a linapsutmo iti daga nga Egipto, a mapan iti daga nga insapatac ken Abraham, ken Isaac, ken Jacob, a kinunac, Isu ti itedconto cadagiti putotmo:

Isaias 1:4

Ay nacion a managbasol, umili a nagbaclay iti kinadakes, maysa a caputotan dagiti managdacdakes, annac nga agaramid a sibaballicug unay! Isuda naglicudanda ni Jehova, isuda inuyuyawda ti Santo ti Israel, pimmusayda a timmalicud.

Daniel 9:24

Pitopulo a lawas naikeddengda cadagiti tattaom ken iti nasantoan nga ilim a pangleppas iti salungasing, ken panangaramid iti panungpalan dagiti basbasol, ken panangaramid iti panagcacappia gapu iti kinadakes, ken mangyeg iti agnanayon a kinalinteg, ken pangselloan iti sirmata ken padto, ken mangpulot iti casantoan.

Oseas 9:9

Rinugitanda unay dagiti bagbagida met laeng, a cas cadagiti al-aldaw ti Gabaa: malagipnanto ti kinadakesda, sarungcarannanto dagiti basbasolda.

Deuteronomio 31:29

Ta ammoc a calpasan ti ipapatayco, agdakescayto a matalipupus, ket sumiasicayto ti dalan nga imbilinco cadacayo; ket ti dakes maaramidto cadacayo iti maud-udi nga aldaw gapu ta dacayo aramidenyonto ti dakes iti imatang ni Jehova, a panggargari kencuana tapno agpungtot gapu iti gapuanan dagiti im-imayo.

Deuteronomio 32:5

Dakes ti inaramidda kencuana, isuda saanna ida nga annac, dayta ti pilawda; isuda ti naindacsan ken nakillo a caputotan.

Deuteronomio 4:16

Di la ket ta agdakescayo ken agaramidcayo iti ladawan a kinitikitan a cakita ti uray ania a langa, a caasping ti lalaki wenno babai,

Deuteronomio 9:12

Ket ni Jehova kinunana caniac, Tumacderca ket sumalogca ditoy nga agdardaras; ta ti ilim nga impanawmo sadi Egipto dimmakesda; iti apagbiit unay naglisianda ti dalan nga imbilinco cadacuada; isuda inyaramidanda ti bagbagida iti sinucog a ladawan.

Deuteronomio 9:8

Casta met idiay Horeb, ginargariyo a nagpungtot ni Jehova ket ni Jehova nacaunget cadacayo, a dinadaelnacayo.

Uk-ukom 2:19

Ngem naaramid idi, a no matay ti ocom, isuda agsublida, ket adadda manen ti pannacadadaelda ngem cadagidi ammada, iti isusurotda cadagiti sabsabali a didios, agservida cadacuada ken agrucnoyda cadacuada; a dida nagpatingga iti aramidda, uray iti natagengteng a dalanda.