Exodo 32:5 - Ti Biblia (1973)

⁵ Ket ni Aaron idi nakitana daytoy, namangon iti maysa nga altar iti sango ti sinan-urbon a vaca; ket ni Aaron inaramidna ti pacdaar, ket kinunana, Intono bigat isunto ti maysa a fiesta ken Jehova.

Ti Baro a Naimbag a Damag Biblia

⁵ Kalpasanna, nangaramid ni Aaron iti altar iti sango ti balitok a sinan-toro a baka sana impakaammo, “Inton bigat, agfiestatayo a kas pammadayaw iti Apo.”

Exodo 32:5 Iomraidhean Croise

1 Ar-ari 21:9

Ket isu insuratna cadagiti sursurat, a kinunana, Iwarragawagyo ti maysa a panagayunar, ket icabilyo ni Nabot iti ngato iti tengnga dagiti tattao:

2 Ar-ari 10:20

Ket ni Jehu kinunana, Agngilincayo iti maysa a gimong a nadaeg ken ni Baal. Ket isu ti inwarragawagda.

2 Ar-ari 16:11

Ket ni Urias a padi nangbangon iti maysa nga altar: a mayalubog iti isu-amin a ni ari Acaz impaipanna idi nanipud Damasco, casta ti inaramid ni Urias a padi a maipaayto no dumteng ni ari Acaz nga aggapu iti Damasco.

2 Cronicas 30:5

Iti casta pinasingkedanda ti maysa a pangeddeng a mangiwarragawag iti amin nga Israel, manipud Beer-seba agingga met laeng iti Dan, nga umayda coma mangsalimetmet ti pascua ken Jehova, a Dios ti Israel, idiay Jerusalem: ta saanda idi a sinalimetmetan iti nabayagen iti cas ti wagas a cas adda a naisurat.

Exodo 10:9

Ket ni Moises kinunana, Dacami ti mapanto agraman dagiti agtutubomi ken lallacaymi; agraman dagiti annacmi a lallaki ken babai, ken dagiti an-animalmi a babassit ken an-animalmi a dadackel mapancaminto ta rebbengna nga agrambacami ken Jehova.

Exodo 12:14

Ket daytoy nga aldaw isunto cadacayo iti maysa a pacalaglagipan, ket salimetmetanyonto a fiesta ken Jehova: cadagiti caputotanyo salimetmetanyonto a fiesta a pagalagadan iti cancanayon.

Exodo 17:15

Ket ni Moises namangon iti maysa nga altar, ket ninaganna iti Jehova-nissi;

Exodo 32:4

Ket inawatna cadagiti im-imada, ket sinucogna iti maysa a pagkitikit nga alicamen, ket inaramidna a sinan-urbon a vaca a nasucog: ket kinunada, Dagitoy dagiti didiosmo, O Israel, a nangaon kenca iti daga nga Egipto.

Exodo 32:6

Ket isuda bimmangonda a nasapa iti bigat, ket nangirucbabda cadagiti datdaton a mapuuran, ket nangyegda iti datdaton ti cappia; ket dagiti tattao nagtugawda a nangan ken naginum, ket timmacderda a nagay-ayam.

Oseas 8:11

Agsipud ta pinaadu ti Efraim dagiti al-altar a pagbasolan, adda kencuana al-altar idi tapno pagbasolan.

Oseas 8:14

Ta ti Israel nalipatanna ti Namarsua kencuana, ket nangbangon cadagiti palacio; ket ti Juda pinaaduna dagiti ili a nasarikedkedan: ngem siac ipawitconto ti apuy cadagiti il-ilina, ket isu lamutennanto dagiti palacioda.

Levitico 23:2

Ibagam cadagiti annac ti Israel, ket saoem cadacuada, Dagiti natudingan a fifiesta ni Jehova, nga iwarragawagyonto tapno isuda dagiti nasantoan a pacagimongan, dagitoy met laeng ti matudingan a fifiestac,

Levitico 23:21

Ket aramidenyonto ti pacdaar iti dayta met laeng nga aldaw; addanto nasantoan a gimong cadacayo; dicayto agaramid ti trabajo a panggedan: isu daytoy ti alagaden nga agnanayon iti amin a balbalayyo cadagiti putputotyo iti casacbayan.

Levitico 23:37

Dagitoy dagiti natudingan a fifiesta ni Jehova, isuda nga ibunannagyo a nasantoan a gimgimong a panangidatagyo iti daton a maaramid iti apuy ken Jehova, daton a mapuuran, ken daton a macan, maysa a sacrificio, ken datdaton nga mainum, tunggal maysa iti aldawna;

Levitico 23:4

Dagitoy dagiti matudingan a fifiesta ni Jehova, a nasantoan a pacagimgimongan, nga iwarragawagyonto iti nadutocan a tiempona.

1 Taga-Corinto 5:8

Iti casta ngarud ngilinentayo ti fiestatayo; saan a buyugen ti baac a levadura, saan met nga iti levadura ti panagipato ti dakes ken ti kinadakes, no di ket iti awan levadurana a tinapay ti kinadalus ti nakem ken kinapudno.

1 Samuel 14:35

Ket ni Saul nangbangon iti maysa nga altar ken Jehova: isu met laeng ti immuna nga altar a binangonna ken Jehova.