Exodo 32:4 - Ti Biblia (1973)

⁴ Ket inawatna cadagiti im-imada, ket sinucogna iti maysa a pagkitikit nga alicamen, ket inaramidna a sinan-urbon a vaca a nasucog: ket kinunada, Dagitoy dagiti didiosmo, O Israel, a nangaon kenca iti daga nga Egipto.

Ti Baro a Naimbag a Damag Biblia

⁴ Linunag ni Aaron dagiti aritos sana imbukbok iti sukogan ket inaramidna a sinan-toro a baka. Kinuna dagiti tattao, “Israel, daytoy ti diostayo a nangiruar kadatayo idiay Egipto.”

Exodo 32:4 Iomraidhean Croise

1 Ar-ari 12:28

Gapuna a ti ari nakiuman, ket nangaramid ti dua a sinan-urbon a balitoc; ket isu kinunana cadacuada, Napalalo unay cadacayo ti isasang-at sadi Jerusalem: adtoy, dagiti didiosmo, O Israel, isuda a nangaon kenca iti daga ti Egipto.

1 Ar-ari 12:32

Ket ni Jeroboam nangornos iti maysa a fiesta iti maicawalo a bulan, iti maicasangapulo ket lima nga aldaw iti bulan, a cas iti fiesta nga adda iti Juda, ket isu simmang-at agingga iti altar; casta ti inaramidna sadi Bet-el, a nagdatdaton cadagiti sinan-urbon nga isu inaramidna: ket isu insaadna sadi Bet-el dagiti papadi dagiti nangato a disso nga inaramidna.

2 Ar-ari 10:20

Ket ni Jehu kinunana, Agngilincayo iti maysa a gimong a nadaeg ken ni Baal. Ket isu ti inwarragawagda.

2 Ar-ari 10:29

Nupay casta cadagiti basol ni Jeroboam nga anac ni Nabat, a pinamagbasolna iti Israel, ni Jehu saan a simmina iti isusurotna cadacuada, nga ammoen, dagiti sinan-urbon a vaca, a balitoc nga adda idi idiay Bet-el, ken adda idi idiay Dan.

2 Cronicas 11:15

Ket dinutucanna dagiti papadina a maipaay cadagiti nangato a disdisso, ken maipaay cadagiti sinan-calding a lallaki, ken maipaay cadagiti sinan-urbon a vacvaca, nga inaramidna.

2 Cronicas 13:8

Ket ita panunutenyo a sumcad ti pagarian ni Jehova iti ima dagiti annac a lallaki ni David; ket dacayo umariwecweccayo, ket adda cadacayo dagiti sinan-urbon a vacvaca a balitoc nga inaramid ni Jeroboam a maipaay a didiosyo.

Nehemias 9:18

Wen, idi inyaramidanda ida iti maysa a sinucog a sinan-urbon a vaca, ket kinunada, Daytoy ti Diosmo a nangaon kenca idiay Egipto, ket inaramidda dagiti dadackel a pananggargari;

Exodo 20:2

Siac ni Jehova a Diosmo, a nangaon kenca iti daga nga Egipto, iti balay a nacaadipnan.

Exodo 20:23

Dicayo agaramid cadagiti sabsabali a didios a pannacacadduac; didios a pirac, wenno didios a balitoc, dicayo agaramid a maipaay cadacayo.

Exodo 20:4

Dica mangaramid iti maipaay kenca a ladawan a kinitikitan, uray ania a catulad ti adda idiay ngato sadi langit, wenno ti adda iti baba ditoy daga, wenno ti adda iti danum iti uneg ti daga:

Exodo 28:11

Iti panangaramid ti maysa a mangkitikit iti bato, cas ti pannacailanad ti pagtandaanan, kitikitamto dagiti dua a batbato, cas mayannurot cadagiti nagnagan dagiti annac ti Israel: aramidemto ida a mabungon cadagiti calupcup a balitoc.

Exodo 28:9

Ket mangalacanto cadagiti dua a batbato nga onix, ket ikitikitmonto cadacuada dagiti nagnagan dagiti annac ti Israel.

Exodo 32:1

Ket idi a dagiti tattao nakitada a ni Moises nagbayag idin a di sumalog iti bantay, dagiti tattao nagpupunipunda ken Aaron, ket kinunada kencuana, Ala, yaramidannacami cadagiti didiosen, a mapanto iti sangoananmi; ta daytoy a Moises a lalaki a nangipanaw cadacami iti daga nga Egipto, dicami ammo no ania ti napasamac kencuana.

Exodo 32:24

Ket kinunac cadacuada, Siasinoman nga adda balitocna, iccatenda: iti casta intedda caniac; ket incabilco iti apuy, ket isu ti rinuaran daytoy sinan-urbon a vaca.

Exodo 32:3

Ket amin dagiti tattao kenettada dagiti ar-aritos a balitoc nga addada cadagiti laplapayagda, ket inyegda ida ken Aaron.

Exodo 32:35

Ket ni Jehova kinabilna dagiti tattao, gapu ta inaramidda ti sinan-urbon a vaca nga inaramid ni Aaron.

Exodo 32:5

Ket ni Aaron idi nakitana daytoy, namangon iti maysa nga altar iti sango ti sinan-urbon a vaca; ket ni Aaron inaramidna ti pacdaar, ket kinunana, Intono bigat isunto ti maysa a fiesta ken Jehova.

Exodo 32:7

Ket ni Jehova kinunana ken Moises, Inca, sumalogca; ta dagiti tattaom, nga impanawmo iti daga nga Egipto, minulitanda dagiti bagbagida:

Exodo 32:8

Nagbaw-ingda iti apagdaricmat iti dalan nga imbilinco cadacuada: inyaramidanda dagiti bagbagida iti maysa nga sinan-urbon a vaca a sinucog, ket isu ti nagdaydayawanda, ken nagidatonanda, ket kinunada, Dagitoy dagiti didiosmo, O Israel, a nangaon kenca iti daga nga Egipto.

Isaias 30:22

Ket rugitanyonto ti calupcup a pirac dagiti kinitikitan a ladladawan, ken ti naidigus a balitoc cadagiti sinocog a ladladawan: ibellengmonto ida a cas banag a narugit; cunaemto, Agtalawcayo ditoy.

Isaias 46:6

Cas cadagidiay nga agiruar a sibubuslon ti balitoc iti supot, ken timbengenda ti pirac iti cacatian, isuda manangdanda iti maysa a mammanday iti balitoc, ket aramidenna daydiay a maysa a dios: isuda agrucbabda, wen, agdaydayawda.

Ezekiel 23:8

Ket dina met binay-an dagiti kinabalangcantisna nanipud cadagiti al-aldaw ti Egipto; ta idi kinaagtutubona nakicaiddada kencuana, ket iniggamanda ti barucong ti kinavirgenna; ket imbuyatda kencuana ti kinabalangcantisda.

Oseas 10:5

Dagiti agnaed idiay Samaria mapabutengdanto gapu cadagiti urbon a vaca ti Beth-aven; ta dagiti tattaona agpanesdanto gapu kencuana, ken castamet dagiti papadina a nagragragsac kencuana gapu iti kinadayagna, agsipud ta isu naisina kencuana.

Oseas 13:2

Ket ita agbasolda ti umadu nga umadu, ket nagaramidda cadacuada cadagiti sinucog a ladladawan iti piracda, didiosen met laeng cas mainugot iti bucodda a pannacaawat, isuda amin gapuanan dagiti nalaing a managaramid: cunada a maipapan cadacuada, Dagiti lallaki nga agidaton agependa coma dagiti ur-urbon ti vaca.

Dagiti Aramid 17:29

Idinto ngarud a caputotannatayo ti Dios, ditay rebbeng a pagarupen a ti Dios umasping iti balitoc wenno iti pirac, wenno iti bato a kinitikitan nga parnuay ti laing ken ti isip ti tao.

Dagiti Aramid 7:41

Ket nangaramidda ti maysa a sinan urbon ti vaca, cadagidi nga aldaw, ket nangidayada ti daton iti ladawan a diosen ket nagayayatanda dagidi aramid dagiti imimada met laeng.

1 Taga-Corinto 10:7

Dicay met agrucbab cadagiti ladladawan a cas cadagidi dadduma cadacuada; cas adda a naisurat; Nagtugawda dagiti umili a mangan ken uminum, ket timmacderda a nagay-ayam.

Deuteronomio 9:16

Ket naimatangac, nga adtoy, nagbasolcayo iti maicaniwas ken Jehova a Diosyo; dacayo nagaramidcayo iti maysa a sinan-urbon a vaca a sinucog; dacayo naglisianyo daras ti dalan nga imbilin ni Jehova cadacayo.

Uk-ukom 8:24

Ket ni Gedeon kinunana cadacuada, Siac cayatco coma ti agdawat cadacayo, a ti tumunggal maysa cadacayo itedna coma caniac dagiti ar-aritos ti sinamsamna. (Agsipud ta agaritosda iti balitoc, ta Ismaelitasda.)

Uk-ukom 8:27

Ket ni Gedeon nangaramid cadagidiay iti maysa nga efod, ket isu ti incabilna idiay ilina, a iti met laeng Ofra: ket amin nga Israel nagbalangcantisda idiay a maipuon iti dayta; ket isu idi iti pacaitibcolan ken Gedeon, ken ti balayna.