Exodo 32:3 - Ti Biblia (1973)

³ Ket amin dagiti tattao kenettada dagiti ar-aritos a balitoc nga addada cadagiti laplapayagda, ket inyegda ida ken Aaron.

Ti Baro a Naimbag a Damag Biblia

³ Inikkat dagiti tattao dagiti aritosda sada impan ken ni Aaron.

Exodo 32:3 Iomraidhean Croise

Genesis 24:22

Ket naaramid nga, idi dagiti camello nalpasdan nga imminum, ti lalaki nangala iti maysa a singsing a balitoc a guddua ti siclo ti timbengna, ken dua a pulceras nga agservi cadagiti im-imana a sangapulo a siclo a balitoc ti timbengda,

Genesis 35:4

Ket inyawatda ken Jacob dagiti didiosen a sabsabali nga addada idi iti biangda, ken dagiti ar-aritos nga addada cadagiti laplapayagda idi; ket ni Jacob inlemmengna ida iti siroc ti cayo a lugo nga adda iti asideg ti Siquem.

Exodo 32:2

Ket ni Aaron kinunana cadacuada, Mangkettacayo cadagiti ar-aritos a balitoc nga addada cadagiti laplapayag dagita assawayo, dagita annacyo a lallaki, ken dagita annacyo a babbai, ket yegyo ida caniac.

Exodo 32:4

Ket inawatna cadagiti im-imada, ket sinucogna iti maysa a pagkitikit nga alicamen, ket inaramidna a sinan-urbon a vaca a nasucog: ket kinunada, Dagitoy dagiti didiosmo, O Israel, a nangaon kenca iti daga nga Egipto.

Exodo 33:6

Ket dagiti annac ti Israel iniccatda dagiti saniatada, nanipud idiay bantay Horeb.

Isaias 3:19

Dagiti pendientes, ken dagiti pulceras ken dagiti ababungot ti rupa;

Isaias 46:6

Cas cadagidiay nga agiruar a sibubuslon ti balitoc iti supot, ken timbengenda ti pirac iti cacatian, isuda manangdanda iti maysa a mammanday iti balitoc, ket aramidenna daydiay a maysa a dios: isuda agrucbabda, wen, agdaydayawda.

Jeremias 10:9

Adda pirac a napitpit a napaingpis isu a naiyeg manipud Tarsis, ken balitoc manipud Ufas, gapuanan ti mammaday ken dagiti im-ima ti agpanpanday ti balitoc; azul ken purpura ti cawesda; isuda amin aramid ida dagiti lallaki a nalaing.