Exodo 32:16 - Ti Biblia (1973)

¹⁶ Ket dagiti taptapi a bato inaramid ida ti Dios, ket ti suratda sinuratan ti Dios, a naikitikit cadagiti taptapi a bato.

Ti Baro a Naimbag a Damag Biblia

¹⁶ Mismo a ti Dios ti nangaramid kadagiti tapi ket inkitikitna dagiti bilin iti agsumbangirda.

Exodo 32:16 Iomraidhean Croise

Ti Libro ni Job 19:24

Sapay coma ta iti pluma a landoc ken buli maikitikitda iti bato iti agnanayon.

Exodo 31:18

Ket intedna ken Moises idi a nalpas ti pannakisaona kencuana idiay rabaw ti bantay Sinai, dagiti dua a taptapi ti pamanecnec, a tapi a bato, a sinuratan ti ramay ti Dios.

Exodo 32:15

Ket ni Moises nagsubli, ket simmalog iti bantay, a siiggem cadagiti dua a taptapi a bato ti pamanecnec; taptapi a bato a nasuratanda nga agsumbangir; nasuratanda iti maysa a bangir ken iti casumbangirna.

Exodo 32:17

Ket ni Josue idi maal-alingagna ti uni dagiti tattao nga agpucaaw, kinunana ken Moises, Idiay pacarso adda daranudor ti gubat.

Exodo 34:1

Ket ni Jehova kinunana ken Moises, Mangdalumpinasca cadagiti dua a tapi a bato a cas cadagiti immuna: ket isuratconto cadagiti taptapi a bato dagiti sasao a nailugan cadagiti immuna a taptapi a binoongmo.

Exodo 34:4

Ket ni Moises dinalumpinasna dagiti dua a taptapi a bato a capada dagiti immuna; ket ni Moises bimmangon a nasapa iti bigat, ket simmang-at iti bantay Sinai, cas imbilin ni Jehova kencuana, ket iniggamanna dagiti dua a taptapi a bato.

2 Taga-Corinto 3:3

Maiparangarang a dacayo ti maysa a surat ni Cristo, nga inaywananmi, a nasuratan saan nga iti tinta, no di ket iti Espiritu ti Dios a sibibiag, saan a cadagiti taptapi a bato, no di ket cadagiti taptapi a puspuso a naglasag.

2 Taga-Corinto 3:7

Ngem no ti kinaministro ti patay, a naisurat ken naikitikit cadagiti batbato, immay a sidadayag, ta uray pay dagidi annac ti Israel saanda idi a mabalin nga iperreng ti matada iti langa ni Moises gapu iti dayag ti rupana, isu nga mapucpucaw idi:

Deuteronomio 10:1

Iti daydi nga aldaw kinuna ni Jehova caniac, Mangdalumpinasca iti dua a taptapi a bato, a capada dagidi immuna ket sumang-atca caniac iti bantay, ket mangaramidca iti maysa a lacasa a cayo.

Deuteronomio 9:15

Casta ti nagsubliac ken simmalogac idi bantay, ket di bantay sumsumged iti apuy: ket dagiti dua a tapi ti tulag addada idi cadagiti dua nga im-imac.

Hebreo 8:10

Ta daytoy ti tulag nga aramidecto iti balay ni Israel Inton malpas dagidiay nga aldaw, cuna ti Apo; Icabilconto dagiti linlintegco iti isipda, Ket isuratconto met ida iti pusoda; Ket siacto ti Diosda, Ket isudanto ti ilic: