Exodo 32:12 - Ti Biblia (1973)

¹² Apayapay a saoendanto coma dagiti Egipcios, a cunada, Iti dakes ti nangaonanna cadacuada, tapno patayenna ida cadagiti banbantay, ken tapno ibusenna ida iti rabaw ti daga? Ibaw-ingmo ti rungsot ti pungtotmo, ket babawiem daytoy a dakes a maibusor iti ilim.

Ti Baro a Naimbag a Damag Biblia

¹² No dadaelem ida, kunanto dagiti Egipcio nga inruarmo dagiti Israelita idiay Egipto gapu ta panggepmo a pukawen ida iti kabambantayan. Pagbaawem ti pungtotmo ket dimo idissuor daytoy a didigra kadagiti tattaom.

Exodo 32:12 Iomraidhean Croise

Genesis 6:6

Ket napaladingit ni Jehova iti pinangaramidna iti tao iti daga, ket napasennaay ti pusona.

1 Ar-ari 8:51

(Ta isuda ti ilim ken ti tawidmo nga inaonmo sadi Egipto iti tengnga ti horno a landoc);

ESDRAS 10:14

Madutocan ita coma dagiti pangoloentayo a maipaay iti amin a gimong, ket umay coma amin dagiti adda cadagiti il-ilitayo a nangasawa cadagiti gangannaet a babbai cadagiti nadutucan a tiempo, ket caduada dagiti lallacay ti tunggal ili, ken dagiti oc-ocomda, agingga iti mailiclic cadatayo ti nacabutbuteng a pungtot ti Diostayo, agingga iti maiwacas daytoy a panggep.

Dagiti Salmo 106:45

Ket linagipna a maipaay cadacuada ti tulagna, ket nagbabawi cas mayalubog iti caadu dagiti kinamanangngaasina.

Dagiti Salmo 74:18

Lagipem daytoy, a ti cabusor nangumumsin, O Jehova, ken ti maysa a simamauyong nga umili nagtabbaawanda ta naganmo.

Dagiti Salmo 78:38

Ngem isu, idinto a manangngaasi, pinacawanna ti kinadakesda, ket saanna a pinucaw ida: wen, naminadu nga incalilisna ti pungtotna, ket saanna nga impapas amin a pungtotna.

Dagiti Salmo 85:3

Iniccatmo amin a pungtotmo; nagpanawam ti kinarungsot ti pungtotmo.

Dagiti Salmo 90:13

Agsublica cadi, O Jehova; caanonto? Ket pagbabawiam cadi ti maipaay cadagiti ad-adipenmo.

Exodo 32:14

Ket ni Jehova binabawina ti dakes nga aramidenna coma idi iti ilina.

Exodo 33:13

Ita ngarud, dawatec kenca, no nagunodcon ti parabur iti imatangmo, ipamatmatmo caniac dagiti daldalanmo, tapno maam-ammoca, tapno masaracac ti parabur iti imatangmo: ket panunutem a daytoy a nacion isu ti ilim.

Isaias 64:7

Ket awan ti umawag iti naganmo, nga agregget tapno cumpet kenca; ta sica inlemmengmo ta rupam cadacami, ken rinunawnacami babaen cadagiti kinadangkesmi.

Isaias 64:8

Ngem ita, O Jehova, sica ti Amami; dacami pilacami, ket sica ti agdamdamili; ket dacami amin gapuanannacami ta imam.

Jeremias 28:16

Gapuna a castoy ti cuna ni Jehova, Adtoy, papanawenca manipud iti rabaw ti daga: iti daytoy a tawen mataycanto, agsipud ta nagsaoca ti kinasukir a maicaniwas ken Jehova.

Ezekiel 20:14

Ngem nagaramidac gapu iti naganco, tapno saan coma a matabbaawan iti imatang dagiti nasnacion, nga iti imatangda inaonco ida.

Ezekiel 20:22

Nupay casta inawidco ti imac, ket nagaramidac gapu iti naganco, tapno di coma matabbaawan iti imatang dagiti nasnacion, nga iti imatangda inaonco ida.

Ezekiel 20:9

Ngem siac nagaramidac gapu iti naganco, tapno saan coma a mabassawangan iti imatang dagiti nasnacion, isu a nagnaedanda idi, nga iti imatangda nagpacaammoac cadacuada, iti panangaonco cadacuada iti daga ti Egipto.

Joel 2:17

Dagiti papadi, nga aganannong ken ni Jehova agsangitda coma iti nagbaetan ti duag ken ti altar, ket cunaenda coma, Ilacsidmo ti ilim, O Jehova, ket dica coma yawat ti patawidam iti pannacaibabain, tapno dagiti nasnacion agturayda coma cadacuada: ania ti gapu a cunaenda coma cadagiti il-ili, Sadino ti yan ti Diosda?

Amos 7:3

Imbabawi ni Jehova daytoy: Saanto a mapatuloy, cuna ni Jehova.

Amos 7:6

Imbabawi ni Jehova daytoy: Uray daytoy saanto a casta, cuna ni Apo Jehova.

Jonas 3:9

Siasino ti macaammo no ti Dios ibawingnanto ken ibabawinanto ti narungsot a pungtotna, tapno ditayto mapucaw?

Zacarias 8:14

Ta castoy ti cuna ni Jehova dagiti buybuyot: Cas idi pinanggepco ti mangaramid iti dakes cadacayo, idi a dagiti ammayo ginargaridac nga agpungtot, cuna ni Jehova dagiti buybuyot, ket diac imbabawi.

Numero 14:19

Pacawanem, dawatec, kenca, ti kinadakes daytoy nga ili, cas iti kinadakel ti caasim a naayat, ken mayannurot iti panangpacawanmo itoy nga ili, nanipud sadi Egipto agpapan ita.

Numero 16:21

Makilasincayo iti daytoy a gimong, tapno ibusec ida iti apagdaricmat.

Deuteronomio 13:17

Ket awanto ti dumket iti imam cadagita a naidatag; tapno ibabawi ni Jehova ti rungsot ti pungtotna, ket caasiannaca ken makipagricna kenca, ket paaduennaca, cas insapatana cadagiti ammam;

Deuteronomio 32:36

Ta ni Jehova ocomennanto ti ilina, ket agbabawinto gapu cadagiti ad-adipenna; no makitana a naibusen ti bilegda, ken awan ti matda a balud wenno agwayawaya.

Deuteronomio 9:28

Di la ket ta ti daga a nangaonam cadacami cunana, Gapu ta ni Jehova dina mabalin nga ipastrec ida iti daga nga incarina cadacuada ken gapu ta ginurana ida, inaonna ida tapno patayenna ida iti tay-ac.

Josue 7:26

Ket namatacderda iti rabawna iti dackel a gabsuon ti bato iti daydi nga aldaw; ket ni Jehova nagbaw-ing nanipud iti kinarungsot ti pungtotna. Gapuna a ti nagan daydiay a lugar nanaganan, Ti lobong ti Acor inggana ita nga aldaw.

Josue 7:9

Ta dagiti Cananeo ken isu-amin nga agnaed iti daga isu ti madamagdanto, ket alicubcubendacamto, ket iccatendanto ti naganmi iti daga: ket ania ti aramidemto a maipaay iti naindaclan a naganmo?

1 Samuel 12:22

Ta ni Jehova dinanto idian ti ilina gapu iti dackel a naganna, agsipud ta isu ti nacaay-ayo ken Jehova ti panangaramidna cadacayo nga umili a maipaay kencuana met laeng.