Exodo 32:10 - Ti Biblia (1973)

¹⁰ Isu ti gapuna ita nga bay-annac, tapno bumara ti pungtotco cadacuada, ken tapno ibusec ida: ket sica ti aramidecto a dackel a nacion.

Ti Baro a Naimbag a Damag Biblia

¹⁰ Ita, saanka a makibiang, ta gumilgil-ayab ti pungtotko kadakuada ket dadaelek ida. Ket sikanto ti pagtaudan ti maysa a dakkel a pagilian.”

Exodo 32:10 Iomraidhean Croise

Genesis 12:2

Ket aramidencanto a dackel a pagarian, ket bendicionancanto, ket padackelecto, ti naganmo, ket sicanto ti maysa a bendicion:

Dagiti Salmo 106:23

Gapuna isu kinunana a pucawenna coma ida, no ni Moises a pinilina saan coma a nagtacder iti saclangna idiay pagbettacanna, tapno icalilisna ti pungtotna, di la ket ta pucawenna ida.

Exodo 22:24

Ket ti pungtotco bumaranto, ket patayencayto iti campilan; ket dagiti asawayo a babai mabalodanto, ket dagiti annacyo mauliladanto iti ama.

Exodo 32:11

Ket ni Moises nagdawat ken Jehova a Diosna, ket kinunana, Jehova, apayapay a bumara ti pungtotmo iti ilim, a linapsutmo iti daga nga Egipto iti naindaclan a pigsa ken iti ima a mannacabalin?

Exodo 32:19

Ket naaramid nga idi nga immasideg iti pacarso nakitana ti sinan-urbon a vaca ken dagiti salsala: ket ti pungtot ni Moises bimmara, intupacna dagidi taptapi nga addada idi cadagiti im-imana ket imboongna ida iti arisadsad ti bantay.

Exodo 33:3

Iti maysa a daga a pagayusan ti gatas ken diro: ta diacto makipagsang-at cadacayo; ta dacayo ilicayo a natangken ti panagtelteltelyo; di la ket a pucawencayo iti dalan.

Jeremias 11:14

Gapuna saanmo nga idawatan daytoy nga ili, dica met umasug wenno agcararag a maipaay cadacuada; ta saanconto a timuden ida intono umawagda caniac, a gapu iti pacarigatanda.

Jeremias 14:11

Ket ni Jehova kinunana caniac, Dica icararagan daytoy nga umili nga agpaay iti pagimbaganda.

Jeremias 15:1

Idin kinuna ni Jehova caniac, Nupay da Moises ken ni Samuel nagtacderda iti sangoanac, uray casta ti isipco saan nga agturong iti daytoy nga umili: pagtalawem ida, iti sangoanac, ket bay-am ida a rumuar.

Jeremias 7:16

Ngarud saanmo nga icararagan daytoy nga umili, ket dica met agpuccaw wenno agcararag gapu cadacuada, ket dica met ibabaet ida caniac, ta saancanto a denggen.

Ezekiel 20:13

Ngem ti balay ti Israel simmukir caniac idiay let-ang; saanda a nagna cadagiti linlintegco, ket naglictadanda dagiti bilbilinco, a no salimetmetan ida ti tao, isuda ti pagbiagannanto; ket dagiti al-aldawco a panaginana binassawanganda unay. Iti casta kinunac nga ibuyatconto ti pungtotco cadacuada idiay let-ang, tapno ibusenna ida.

Numero 14:12

Didigraecto ida iti angol, ket diacto pagtawiden ida, ket aramidencanto a maysa a nacion a dacdackel ken manmannacabalin ngem isuda.

Numero 16:21

Makilasincayo iti daytoy a gimong, tapno ibusec ida iti apagdaricmat.

Numero 16:22

Ket nagpaclebda ket kinunada, O Dios, a Dios dagiti espiritu ti isu-amin a lasag, macabasolto ti maysa a tao, ket sica pagungtamto iti dagup ti gimong?

Deuteronomio 9:14

Bay-annac tapno dadaelec ida, ket punasec ti naganda iti babaen ti langit; ket aramidencanto a maysa a nacion a manmannacabalin ken dacdackel ngem isuda.

Deuteronomio 9:19

Ta kinabutengco idi ti unget ken bumarbara a lucsaw a nagpungtotan ni Jehova cadacayo tapno dadaelennacayo, ngem ni Jehova dinenngegnac met laeng idi nga aldaw.

Santiago 5:16

Ipudnoyo ngarud dagiti basbasolyo iti maysa ken maysa, ket icararagyo maysa ken maysa, tapno mapasalun-atcayo. Adu ti mabalin ti nasged a cararag ti nalinteg.