Exodo 30:8 - Ti Biblia (1973)

⁸ Ket no ni Aaron seggedanna dagiti pagsaingan iti rumabii, puurannanto, maysa nga incienso a cancanayon iti sango ni Jehova iti bayat dagiti putputotyo.

Ti Baro a Naimbag a Damag Biblia

⁸ Kasta manen ti aramidenna iti sumipnget no gangtanna dagiti pagsilawan. Agtultuloyto nga agnanayon ti pannakapuor ti insenso.

Exodo 30:8 Iomraidhean Croise

2 Cronicas 26:18

Ket bimmusurda ken Uzzias nga ari, ket kinunada kencuana, Saanmo a biang, Uzzias, a puuran ti incienso ken Jehova, no di laeng dagiti lallaki a papadi nga annac ni Aaron, a naconsagrar tapno puuranda ti incienso: rumuarca iti santuario; ta sica nagsalungasingca; ket saanto met a maipaay a pacaidayawan ken Jehova a Dios.

Dagiti Salmo 141:2

Ti cararagco agtarus cadi a cas incienso dita sangoanam; ti panangitanggayac coma cadagitoy im-imac cas daton ti malem.

Exodo 12:6

Ket aywananyonto agingga iti maicasangapulo ket uppat nga aldaw iti dayta met laeng a bulan; ket isu partiento ti amin a gimong ti Israel, iti rabii.

Exodo 25:37

Ket mangaramidcanto cadagiti pagsainganna, pito: ket gangatandanto dagiti pagsainganna tapno lawaganna ti sangona.

Exodo 27:21

Iti uneg ti tolda ti gimong, iti ruar ti abbong nga adda iti sango ti pamanecnec, da Aaron ken dagiti annacna aywanandanto a sioornos manipud iti malem agingga iti bigat iti sango ni Jehova: isu ti maalagadto nga agnanayon cadagiti putputotda a maipaay cadagiti annac ti Israel.

Exodo 30:7

Ket ni Aaron puurannanto iti rabawna ti incienso dagiti nasayamusom nga recrecado: iti tunggal bigat no saganaenna dagiti pagsaingan, puurannanto.

Exodo 30:9

Dicayonto mangidaton iti sabali nga incienso iti rabawna uray daton a mapuuran, uray daton a bel-laay; ket dicayto ibuyat iti rabawna ti daton a inumen.

Taga-Roma 8:34

Siasino ti mangipatay iti dusa? Ni Cristo Jesus a natay; nangnangrona, ta isu napagungar cadagiti natay; isu nga adda iti makanawan ti Dios; a mangibabaet met cadatayo.

1 Taga-Tesalonica 5:17

Agcararagcayo a di agressat;

Hebreo 7:25

Gapuna, mabalinna met nga isalacan agingga iti awan pagcuranganna dagiti umasideg iti Dios gapu kencuana, ta isu agbiag nga agnanayon tapno ibabaetna ida.

Hebreo 9:24

Ta saan a simrec ni Cristo iti maysa a Santo a disso nga inaramid ti ima, nga isu ti catulad ti napudno, no di ket idiay langit met laeng, tapno agparang ita iti sangoanan ti Dios gapu cadatayo:

1 Samuel 2:28

Ket saan aya nga isu ti pinilic cadagiti isu-amin a capcaputotan ti Israel tapno isu coma ti padic, nga umuli iti altarco, a mangpuur iti incienso, a mangicawes iti maysa nga efod iti saclangco? Ket saanco aya nga inted iti balay ni amam dagiti amin a datdaton a maaramid iti apuy dagiti annac ti Israel?