Exodo 3:9 - Ti Biblia (1973)

⁹ Ket ita, adtoy a ti unnoy dagiti annac ti Israel dimmanon caniac maysa pay nakitacon ti pammarparigat nga ipapaay cadacuada dagiti Egipcios.

Ti Baro a Naimbag a Damag Biblia

⁹ Wen, nangngegko ti asug dagiti tattaok ket makitak ti panangparparigat dagiti Egipcio kadakuada.

Exodo 3:9 Iomraidhean Croise

Genesis 16:11

Ket ti angel ni Jehova kinunana, Adtoy, sica masicugca, ket aganaccanto iti maysa a lalaki; ket panaganamto iti Ismael, ta nangngeg ni Jehova ti pagelmo.

Genesis 31:12

Ket kinunana, Itangadmo ita dagiti matam, ket kitaem: amin dagiti lallaki a cumalay-at cadagiti babbai isuda garitgaritan, labang, ken turicturicanda: ta siac nakitac idi amin nga aramiden ni Laban kenca.

2 Ar-ari 13:4

Ket ni Joacaz nagdawat ken ni Jehova, ket ni Jehova impangagna: ta kinitana ti pannacaparigat ti Israel, no casano ti panangparigat ti ari ti Siria cadacuada.

2 Ar-ari 20:5

Agsublica, ket cunaem ken ni Ezekias a pangulo ti ilic, Castoy ti cuna ni Jehova, a Dios ni David nga amam, Nangngegco ta cararagmo, nakitac dagita luluam: adtoy, a siac paimbagencanto; iti maicatlo nga aldaw umulicanto iti balay ni Jehova.

Nehemias 9:9

Ket kinitam ti pannacaparigat dagidi ammami idiay Egipto, ket impangagmo ti asugda iti denna ti Baybay a Nalabaga,

Dagiti Salmo 12:5

Gapu iti pannacailuplupit ti napanglaw, gapu iti sasainnec ti macasapul, ita bumangonacto, cuna ni Jehova; isu isaadconto iti kinatalged a tontontonenna a sigagagar.

Dagiti Salmo 9:14

Tapno maiparangarangco coma amin ti dayawmo. Cadagiti ruruangan ti anac a babai ti Sion. Agragragsacacto iti panangisalacanmo.

Exodo 1:11

Iti casta insaadda dagiti mangdagdag cadacuada a mamadagsen cadagiti awawitda. Ket imbangonanda ni Faraon cadagiti il-ili a pagipenpenan iti taraon, a Pitom ken Rameses.

Exodo 1:22

Ket imbilin ni Faraon cadagiti amin nga iturayanna, a cunana, Tunggal lalaki, nga anac a tumao, yanudyonto iti carayan, ket tunggal anac a babai biagenyonto.

Exodo 1:8

Idi cuan nabangon ti baro nga ari sadiay Egipto, isu a di nangbigbig ken Jose.

Exodo 2:23

Ket naaramid iti panaglasat dagidiay adu nga al-aldaw a natay ti ari ti Egipto: ket dagiti anac ti Israel nagasugda a gapu iti pannacaadipen, ket nagickisda, ket ti ickisda dimmanon iti Dios gapu iti pannaca-adipen.

Exodo 2:25

Ket ti Dios minatmatanna dagiti annac ti Israel, ket ti Dios linagipna ida.

Exodo 3:7

Ket ni Jehova kinunana, Pudno a nakitac ti ladingit ti ilic nga adda sadi Egipto, ket dinengngegco ti unnoyda gapu cadagiti managdagdag cadacuada ta ammoc dagiti leddaangda;

Eclesiastes 4:1

Idin nagbawingac ket nakitac amin a pammarigat a maaramid iti baba ti init; ket adtoy, dagiti lulua dagiti naparigat, ket isuda awananda iti mangliwliwa; ket iti biang dagiti mangparparigat cadacuada adda idi pannacabalin; ngem awan ti mangliwliwa cadacuada.

Eclesiastes 5:8

No makitam ti pannacaparigat ti napanglaw, ken ti maipapilit a pannacaiccat ti kinajusticia ken kinalinteg iti maysa a provincia, dica masdaaw iti maaramid; ta maysa a nangatngato ngem iti ngato ti mangicancano; ket adda dagiti nangatngato ngem dagidiay.

Amos 4:1

Denggenyo daytoy a sao, dacayo a vacvaca ti Basan, nga addacayo iti bantay ti Samaria, a parigatenyo ti napanglaw, a burakenyo ti macasapul, a cunada cadagiti appoda, Yegyo ta uminumtayo coma.

Deuteronomio 26:7

Ket immawagtayo ken Jehova a Dios dagiti ammatayo, ket ni Jehova dinengngegna ti timectayo, ket nakitana ti leddaangtayo, ken panagbannogtayo, ken pannacaparigattayo;

1 Samuel 9:16

Intono bigat iti daytoy met laeng nga horas ibaonconto kenca ti maysa a lalaki a naggapu iti daga ti Benjamin, ket sica pulotamto daydiay tapno isu ti pangulo iti ilic nga Israel; ket isu isalacannanto ti ilic iti ima dagiti Filisteos: ta siac kinitac ti ilic, agsipud ta ti asugda immay caniac.