Exodo 3:8 - Ti Biblia (1973)

⁸ Ket bimmabaacon tapno ilisic ida iti ima dagiti Egipcios, ken tapno ipanawco ida idiay a daga nga ipan iti maysa a naimbag ken nalawa, iti maysa a daga a pagayusan ti gatas ken diro; iti yan ti Cananeo, ken ti Heteo, ken ti Amorreo, ken ti Perezeo, ken ti Heveo, ken ti Jebuseo.

Ti Baro a Naimbag a Damag Biblia

⁸ Bimmabaak tapno ispalek ida kadagiti Egipcio. Iruarko ida iti dayta a daga ket ipanko ida iti daga a nadam-eg ken nalawa. Nabaknang ken nabunga daytoy a daga a pagnanaedan ita dagiti Cananeo, Heteo, Amorreo, Perezeo, Heveo ken Jebuseo.

Exodo 3:8 Iomraidhean Croise

Genesis 11:5

Ket bimmaba ni Jehova tapno kitaenna ti ciudad ken ti torre a bangbangonen idi dagiti annac ti tao.

Genesis 11:7

Bumabatayo coma ket riribukentayo ti pagsasaoda sadiay tapno dida agkikinnaawatan iti pagsasaoda.

Genesis 15:13

Ket kinunana ken Abram, Pudno nga ammom a dagiti putotmo aggangannaetdanto iti daga a dida cucua, ket agservidanto cadacuada; ket parigatendanto ida cadagiti uppat a gasut a tawtawen;

Genesis 15:14

Ket dayta met a nacion a pagserviandanto, siac ocomecto: ket no malpas daytoy, pumanawdanto agraman adu a sanicua.

Genesis 18:21

Umulogacto ita, ket kitaecto no cas iti ariwawada a dimmanon caniac inaramidda laeng; ket no saan, ammocto.

Genesis 43:11

Ket ti amada nga Israel kinunana cadacuada, No casta ita, aramidenyo daytoy: icabilyo dagiti nasayaat a bungbunga ti daga cadagiti curcuributyo, ket alaenyo nga isagut iti daydiay a lalaki, ti bassit a resina, ken bassit a diro, recrecado ken mirra, pinones ken almendras;

Genesis 46:4

Cuyogencanto a sumalog sadi Egipto; ket pasang-atencanto manen a di bumurong: ket ni Jose isaadnanto ti imana cadagiti matam.

Genesis 50:24

Ket ni Jose kinunana cadagiti cacabsatna, Matayac; ngem ti Dios sarungcarannacayto a di bumurong, ket pasangatennacayto ditoy a daga a mapan iti daga nga incarina a sisasapata ken Abraham, ken Isaac, ken Jacob.

1 Cronicas 1:15

Ken ti Heveo, ti Araceo, ken ti Cineo,

Nehemias 9:8

Ket nasaracam ti pusona a matalec iti sangoanam, ket intulagmo kencuana nga itdem ti daga ti Cananeo, ti Jetteo, ti Amorreo, ken ti Ferezeo, ken ti Jebuseo, ken ti Gergeseo, tapno itdem iti putotna, ket tinungpalmo dagiti saom ta nalintegca.

Dagiti Salmo 12:5

Gapu iti pannacailuplupit ti napanglaw, gapu iti sasainnec ti macasapul, ita bumangonacto, cuna ni Jehova; isu isaadconto iti kinatalged a tontontonenna a sigagagar.

Dagiti Salmo 12:6

Dagiti sao ni Jehova nadalusda a sao; cas pirac a nalunag iti pagtunawan iti daga, naminpito a nadalusan.

Dagiti Salmo 34:8

O nanamenyo ket kitaenyo ta ni Jehova naimbag: nagasat ti tao a cumamang kencuana.

Dagiti Salmo 91:15

Isu awagannacto, ket siac sungbatacto; addaacto kencuana iti pagducotan: isu ispalecto ken idaydayawconto.

Exodo 12:41

Ket idi aggibus dagiti uppat a gasut ket tallopulo a tawen, daydi met laeng nga aldaw naaramid nga amin dagiti buybuyot ni Jehova pimmanawda iti daga nga Egipto.

Exodo 12:51

Ket naaramid iti daydi met laeng nga aldaw nga innala ni Jehova dagiti annac ti Israel idiay daga nga Egipto a binuyonbuyot.

Exodo 13:5

Ket maaramidto, a no ni Jehova iserrecnacanto iti daga ti Cananeo, ken ti Heteo, ken ti Amorreo, ken ti Hebeo, ken ti Jebuseo, isu a sinapataanna cadagiti dadackelmo nga itedna kenca, maysa a daga a pagayusan ti gatas ken diro, salimetmetamto daytoy nga annungen iti daytoy a bulan.

Exodo 3:17

Ket kinunacon, Alaencayto manipud iti pammarparigat ti Egipto a ipan sadiay daga ti Cananeo, ken ti Heteo, ken ti Amorreo, ken ti Perezeo, ken ti Heveo, ken ti Jebuseo, iti maysa a daga a pagayusan ti gatas ken diro.

Exodo 34:11

Tungpalem ti ibilinco kenca itoy nga aldaw: adtoy ta papanawec iti sangoanam ti Amorrheo, ken ti Cananeo, ken ti Hetteo, ken ti Perezeo, ken ti Heveo, ken ti Jebuseo.

Exodo 5:23

Ta nanipud idi dimmanonac ken Faraon nga agsao ti naganmo, pinarigatna dagitoy nga umili; ket sica dica met la inispal ti ilim iti uray ania.

Isaias 36:17

Agingga iti umayac ket ipancayo iti maysa a daga a cas iti dagayo, maysa a daga ti trigo ken baro nga arac, maysa a daga ti tinapay ken cauvasan.

Isaias 64:1

O no sica burburakem coma dagiti langlangit, ket umulogca coma, ket dagiti banbantay agkintayegda iti saclangmo,

Jeremias 11:5

Tapno patibkerec ti sapata, nga insapatac cadagiti ammayo, nga iccac ida iti daga a pagayayusan ti gatas ken diro, cas iti daytoy nga aldaw. Idin simmungbatac, ket kinunac, Sapay coma ta casta, O Jehova.

Jeremias 2:7

Ket inserreccayo iti daga a nabacnang, tapno canenyo ti bungana ken imbagna; ngem idi simreccayo, tinulawanyo ti dagac, ket inaramidyo ti tawidco a kinarimon.

Jeremias 32:22

Ket intedmo cadacuada daytoy a daga isu nga insapatam cadagiti ammada nga itedmo cadacuada, daga a pagay-ayusan ti gatas ken diro;

Ezekiel 20:6

Iti daydi nga aldaw insapatac cadacuada, nga aonec ida idiay daga nga Egipto nga ipan idiay daga a nabirucac a maipaay cadacuada, isu a pagayusan ti gatas ken diro, a pacaidayawan ti isu-amin a daga.

Levitico 20:24

Ngem kinunac cadacayo, tawidenyonto ti dagada, ket itedconto cadacayo a cucuayo, maysa a daga nga agay-ayus ti gatas ken diro: siac ni Jehova a Diosyo, a nangilasin cadacayo cadagiti tattao.

Amos 2:10

Ket castamet siac inaoncayo iti daga ti Egipto, ket indalancayo bayat iti uppat a pulo a tawen iti let-ang, tapno tagicuaenyo ti daga ti Amorreo.

Numero 13:18

Ket kitaenyo ti daga, no ania; ken no dagiti tattao nga agnaed idiay napigsada wenno nacapuyda, no bassitda wenno aduda;

Numero 13:19

Ken ania ti daga a pagtaenganda, no naimbag wenno dakes; ken ania dagiti il-ilida a pagnaedanda, no pacpacarso wenno nasarikedkedan;

Numero 13:27

Ket sinaritada kencuana, ket kinunada, Napancami iti daga a nangibaonam cadacami, ket pudno nga agayus ti gatas ken diro; ket daytoy ti bungana.

San Juan 3:13

Ket awan ti immuli sadi langit, no di ti bimmaba nanipud langit, ti Anac ti tao.

San Juan 6:38

Ta bimmabaac nanipud langit, saan a tapno aramidec ti pagayatac, no di ti pagayatan ti nangibaon caniac.

Deuteronomio 1:25

Ket nangalada iti bunga ti daga nga iniggamanda ket insalogda nga inyeg cadatayo, ket impadamagda cadatayo, ket kinunada, Nasayaat ti daga nga ited cadatayo ni Jehova a Diostayo.

Deuteronomio 1:7

Umacarcayo ket irubbuatyo ti pannagnayo, ket incayo iti caturodan dagiti Amorreo, ken agtungpal cadagiti amin a disdisso nga asideg idiay Araba, iti caturodan ken iti tanap, ken iti Abagatan, ken iti abay ti baybay, a daga dagiti Cananeo, ken Libano, agingga iti dackel a carayan, ti carayan a Eufrates.

Deuteronomio 27:3

Ket isuratmonto iti rabawda ti dagup dagiti sasao daytoy a linteg no macalasatca: tapno macastrecca iti daga a ni Jehova a Diosmo itedna kenca, daga nga agay-ayus iti gatas ken diro, cas incari kenca ni Jehova a Dios dagiti ammam.

Deuteronomio 28:11

Ket ni Jehova aramidennacanto nga aglaplapusanan iti imbag, iti bunga ti bagim, ken iti bunga dagiti an-animalmo, ken iti bunga ti dagam, iti daga a ni Jehova insapatana cadagiti ammam, nga ited kenca.

Deuteronomio 6:3

Denggem ngarud, O Israel, ket tungpalem nga aramiden; tapno agbalinca a naimbag ken umaduca iti casta unay, cas ni Jehova a Dios dagiti ammam incarina kenca, iti maysa a daga nga agayus ti gatas ken diro.

Deuteronomio 7:1

No yegnacanto ni Jehova a Diosmo iti daga papanam a tagicuaem, ket pagtalawennanto dagiti adu nga umili iti saclangmo, ti Jeteo, ken ti Gergeseo, ken ti Amorreo, ken ti Cananeo, ken ti Perezeo, ken ti Heveo, ken ti Jebuseo, pito nga il-ili a daddadackel ken manmannacabalin ngem sica;

Josue 5:6

Ta dagiti annac ti Israel nagnada bayat iti uppat a pulo a tawen idiay let-ang, agingga iti amin a nacion, a cadagiti tattao met laeng ti gubat a rimmuar idiay Egipto, naibusda, agsipud ta dida impangag ti timec ni Jehova; isuda a nangisapataan ni Jehova a dina palubosan ida a cumita iti daga isu a ni Jehova isapatana cadagiti ammada nga itedna coma cadacami, maysa a daga a pagayusan ti gatas ken diro.

Josue 9:1

Ket naaramid, nga idi nga isu-amin dagiti ar-ari nga addada idi iti ballasiw ti Jordan, iti caturodan, ken cadagiti tantanap, ken iti isu-amin nga igid ti dackel a taaw iti sango ti Libano, dagiti Heteos, Amorreos, Cananeos, Perezeos, Heveos, ken Jebuseos, nadamagda;

Josue 9:7

Ket dagiti tattao ti Israel kinunada idi cadagiti Heveos, Nalabit ngata nga agnaedcayo iti nagtengngaanmi; ket casano ngarud ti pannakinomomi cadacayo?