Exodo 3:6 - Ti Biblia (1973)

⁶ Maysa pay kinunana, Siac ti Dios ni amam, ti Dios ni Abraham, ti Dios ni Isaac, ken ti Dios ni Jacob. Ket ni Moises inapputna ti rupana; ta nagbuteng a kimmita iti Dios.

Ti Baro a Naimbag a Damag Biblia

⁶ Siak ti Dios ti amam—da Abraham, Isaac ken Jacob.” Liningdan ni Moises ti rupana ta mabuteng a kumita iti Dios.

Exodo 3:6 Iomraidhean Croise

Genesis 12:1

Ket ni Jehova kinunana ken Abram, Pumanawca iti dagam, ken cadagiti cabcabagiam, ken iti balay ni amam, ket mapanca iti daga nga ipakitacto kenca.

Genesis 12:7

Ket nagparang ni Jehova ken Abram, ket kinunana, Iti putotmo itedconto daytoy a daga: ket nangbangon idiay iti maysa nga altar ken Jehova, a nagparang kencuana idi.

Genesis 17:3

Ket ni Abram nagpacleb: ket ti Dios nagsao kencuana, a cunana,

Genesis 24:12

Ket kinunana, O Jehova a Dios ni apoc nga Abraham, ibaonmo cadi caniac, dawatec kenca, ti naimbag a gasat ita nga aldaw, ket itdem ti caasi ken apoc nga Abraham.

Genesis 26:24

Ket ni Jehova nagparang kencuana iti daydi met la a rabii, ket kinunana, Siac ti Dios ni Abraham nga amam: dica agbuteng, ta siac addaac kenca, ket bendicionancanto, ket paaduecto ti putotmo maipuon ken Abraham nga adipenco.

Genesis 28:13

Ket, adtoy, ni Jehova nagtacder iti rabawna ket isu kinunana, Siac ni Jehova, a Dios ni Abraham, nga amam, ken ti Dios ni Isaac: ti daga a nagiddaam itdecto kenca ken cadagiti caputotam;

Genesis 28:17

Ket nagbuteng, ket kinunana, Ania ketdin a nacaam-amac daytoy a disso! saan a sabali no di ti balay ti Dios, ket daytoy ti ruangan ti langit.

Genesis 31:42

No coma no ti Dios ni amac, ti Dios ni Abraham, ken ti Buteng ni Isaac, awan caniac idi, pudno ima-imaac coma a papanawem ita. Ti Dios nakitana ti rigatco ken ti bannog dagiti im-imac, ket tinubngarnaca idi rabii.

Genesis 32:9

Ket ni Jacob kinunana, O Dios ni amac nga Abraham, ken Dios ni amac nga Isaac, O Jehova a nagcuna caniac, Agsublica idiay dagam ken cadagiti cacabagiam ket aramidecto kenca ti naimbag:

1 Ar-ari 18:36

Ket naaramid iti tiempo ti panangidatag ti daton iti malem, a ni Elias a mammadto immasideg, ket kinunana, O Jehova, a Dios ni Abraham, ni Isaac, ken ni Israel, pabigbigca iti daytoy nga aldaw a sica ti Dios iti Israel, a siac ti adipenmo, ket siac inaramidco amin dagitoy a banbanag gapu iti saom.

1 Ar-ari 19:13

Ket casta idi, idi a ni Elias nangngegna, nga isu inabbonganna ti rupana idi cagayna, ket napan ket nagtacder iti pagsercan iti rukib. Ket, adtoy, immay ti maysa a timec kencuana, ket kinunana, Ania ti aramidem ditoy, Elias?

Nehemias 9:9

Ket kinitam ti pannacaparigat dagidi ammami idiay Egipto, ket impangagmo ti asugda iti denna ti Baybay a Nalabaga,

Ester 3:4

Naaramid idi a sinaoda kencuana nga inaldaw-aldaw, ket dina impangag ida, nga imbagada ken Aman, a kitaenda coma no ti panggep ni Mardokeo mataginayon: ta imbagana cadacuada nga isu maysa a Judio.

Dagiti Salmo 132:2

Anian a panagsapatana ken Jehova, ken panagcarina iti Mannacabalin a Dios ni Jacob:

Exodo 15:2

Ni Jehova isu ti pigsac ken ti daniwco, Ket isu ti nagbalin a salacanco: Daytoy isu ti Diosco ket idaydayawconto; Ti Dios ni Amac, ket itan-occonto.

Exodo 29:45

Ket agnaedacto iti tengnga dagiti annac ti Israel, ket siacto ti Diosda.

Exodo 3:16

Inca, ket gimongem dagiti lallacay ti Israel, ken cunam cadacuada, Dios ni Abraham, ni Isaac, ken ni Jacob, nagparang caniac a kinunana, Kinapudnona a sinarungcarancayon, ket nakitac ti maaramid cadacayo iti Egipto:

Exodo 33:20

Ket kinunana, Dica mabalin a kitaen ti rupac; ta awan ti tao a makita caniac ket agbiag.

Exodo 4:5

Tapno patienda a ni Jehova a Dios dagiti ammada, ti Dios ni Abraham, ti Dios ni Isaac, ken Dios ni Jacob, nagparang kenca.

Jeremias 24:7

Ket iccacto ida iti puso a mangbigbig caniac, a siac ni Jehova: ket isudanto ti ilic, ket siacto ti Diosda; ta agsublidanto caniac iti amin a pusoda.

Jeremias 31:33

Ngem daytoy ti tulag nga aramidecto iti balay ti Israel iti calpasan dagidiay nga aldaw, cuna ni Jehova; Isaadconto ti lintegco iti unegda, ken isuratconto iti pusoda; ket siacto ti Diosda, ket isudanto ti ilic.

Jeremias 32:38

Ket isudanto ti ilic, ket siacto ti Diosda:

Ezekiel 11:20

Tapno magnada coma cadagiti linlintegco, ket salimetmetanda dagiti bilbilinco, ket tungpalenda ida: ket isudanto ti ilic, ket siacto ti Diosda.

Zacarias 8:8

Ket yegconto ida, ket agnaeddanto iti nagtengngaan ti Jerusalem: Ket isudanto ti ilic, ket siacto ti Diosda, iti kinapudno ken iti kinalinteg.

San Mateo 17:6

Ket idi dagiti adalan, nangngegda daytoy nagpaclebda ket nagbutengda ti napalalo.

San Mateo 22:32

Siac ti Dios ni Abraham, ken ti Dios ni Isaac, ken ti Dios ni Jacob? Ti Dios saan a Dios dagiti natay, no di dagiti sibibiag.

San Marcos 12:26

Ngem no ti maipapan cadagiti natay, nga agungardanto, uray caano dicay aya nabasa idiay Libro ni Moises no casano ti panakisao ti Dios kencuana iti bassit a cayo a sumsumged a kinunana: Siac ti Dios ni Abraham, ken ti Dios ni Isaac, ken ti Dios ni Jacob?

San Lucas 20:37

Ngem, dayta panagungar dagiti natay, ni Moises imparangarangna idi iti denna ti Zarza, idi inawaganna ti Apo, ti Dios ni Abraham, ken Dios ni Isaac, ken Dios ni Jacob.

San Lucas 5:8

Ket idi makita daytoy ni Simon Pedro, nagparintumeng iti sangoanan ni Jesus, a kinunana: Adaywannac Apo, ta taoac a managbasol.

Dagiti Aramid 7:32

Siac ti Dios dagiti ammam, ti Dios ni Abraham ken ni Isaac ken ni Jacob. Nagpigerger ni Moises, ket dina naitured ti kimmita.

Dagiti Aramid 7:34

Naimatangac ti pannacaparigat dagiti tattaoc nga adda sadi Egipto ket dinengngegco ti asugda, ket bimmabaac tapno isalacanco ida. Ket ita, umayca, ibaoncanto sadi Egipto.

Deuteronomio 6:3

Denggem ngarud, O Israel, ket tungpalem nga aramiden; tapno agbalinca a naimbag ken umaduca iti casta unay, cas ni Jehova a Dios dagiti ammam incarina kenca, iti maysa a daga nga agayus ti gatas ken diro.

Hebreo 11:16

Ngem ita tarigagayanda ti nasaysayaat a pagnaedan cayatna a sao-en, ti nailangitan: gapuna ti Dios saanna ida nga ibain, nga isu awaganda a Dios da; ta insaganana cadacuada ti pagilian.

Hebreo 12:21

Ket nacaal-alinget idi daydi a buyaen, iti casta ni Moises kinunana; Makigtotac unay ken agtaytayegtegac;

Paltiing 1:17

Ket idi nakitac, napasagac cadagiti sacsacana a cas la natay; ket impatayna daydi macanawanna caniac, a kinunana: Dica agbuteng siac ti umuna ken ti camaudianan,

Uk-ukom 13:22

Ket kinuna ni Manoa ken ni asawana, Data pudno a mataytanto, ta nakitata ti Dios.