Exodo 3:19 - Ti Biblia (1973)

¹⁹ Ket ammoc a ti ari ti Egipto dinacayto palubosan a mapan, saan, saan a babaen iti napigsa nga ima.

Ti Baro a Naimbag a Damag Biblia

¹⁹ Ammok a dinakayto palubosan ti ari malaksid no mapilit.

Exodo 3:19 Iomraidhean Croise

Exodo 10:20

Ngem ni Jehova pinatangkenna ti puso ni Faraon, ket dina pinalubosan a mapan dagiti annac ti Israel.

Exodo 11:10

Ket da Moises ken ni Aaron inaramidda amin dagitoy a datdatlag iti sango ni Faraon: ket ni Jehova pinatangkenna ti puso ni Faraon, ket saanna a pinalubosan a nagtalaw iti dagana dagiti annac ti Israel.

Exodo 11:9

Ket ni Jehova kinunana ken Moises, Ni Faraon dinacayto ipangag; tapno dagiti datdatlagco umaduda iti daga nga Egipto.

Exodo 13:15

Ket naaramid a idi a sinukir ni Faraon ti panangpalubosna cadacami ni Jehova pinatayna sadiay daga nga Egipto amin nga annac a inauna, inaunaan man ti tao ken inaunaan ti animal: isu ti gapuna nga idatonco ken Jehova amin a manglucat iti aanacan, no lalaki; ngem amin nga inauna cadagiti annacco a lallaki subbotec.

Exodo 4:21

Ket ni Jehova kinunana ken Moises, Intono agsublica sadi Egipto, kitaem ta aramidem iti saclang ni Faraon amin dagiti datdatlag nga incabilco ita imam: ngem siac patangkenecto ti pusona, ket dinanto palubosan ti ili.

Exodo 5:2

Ket ni Faraon kinunana, Asino ni Jehova nga imdengac coma ti timecna tapno bay-ac a pumanaw ti Israel? Diac am-ammo ni Jehova, ket maysa pay diacto palubosan ti Israel.

Exodo 6:1

Ket ni Jehova kinunana ken Moises, Ita makitamto ti aramidecto ken Faraon: ta babaen iti napigsa nga ima bayannanto ida a pumanaw, ket iti napigsa nga ima papanawennanto ida iti dagana.

Exodo 8:28

Ket ni Faraon kinunana, Palobusan cayto a pumanaw tapno agdatoncayto ken Jehova a Diosyo iti let-ang; isuna laeng a dicayto umadadayo unay: idawdawatandac.

Exodo 9:35

Ket ti puso ni Faraon napatangken, ket dina pinalubosan a pumanaw dagiti annac ti Israel: a cas ni Jehova pinaibagana idi ken Moises.

Exodo 9:7

Ket ni Faraon pinakitana, ket adtoy a cadagiti an-animal dagiti Israelitas awan ti uray maysa a natay. Ngem ti puso ni Faraon nagmadi, ket dina pinalubosan ti umili.