Exodo 3:18 - Ti Biblia (1973)

¹⁸ Ket ipangagdanto ti timecmo: ket incanto, sica ken dagiti lallacay ti Israel, iti ari ti Egipto, ket cunayonto kencuana, Ni Jehova a Dios dagiti Hebreos nasaracannacami: Ket ita palubosannacami, dawatenmi kenca, nga incami iti let-ang iti bayat dagiti tallo nga aldaw, tapno aramidenmi ti daton ken Jehova a Diosmi.

Ti Baro a Naimbag a Damag Biblia

¹⁸ “Ipangagto dagiti tattaok ti saom. Kalpasanna, kakuyogmonto dagiti pangulo ti Israel a mapan iti ari ti Egipto ket kunayonto kenkuana, ‘Nakisao kadakami ni Yahweh a Dios dagiti Hebreo. Palubosannakami koma a mapan idiay let-ang iti tallo nga aldaw tapno agidatagkami iti daton ken ni Yahweh a Diosmi.’

Exodo 3:18 Iomraidhean Croise

Genesis 12:1

Ket ni Jehova kinunana ken Abram, Pumanawca iti dagam, ken cadagiti cabcabagiam, ken iti balay ni amam, ket mapanca iti daga nga ipakitacto kenca.

Genesis 14:13

Ket immay ti maysa a nacatalaw, ket inyammona ken Abram nga Hebreo: daytoy nagnaed iti abay ti caroblean ni Mamre, nga Amorreo, cabsat a lalaki ni Escol, ken cabsat a lalaki ni Aner; ket dagitoy addada idi a sicacanapon ken Abram.

Genesis 15:1

Calpasan dagitoy a banbanag immay ti sao ni Jehova ken Abram iti maysa a parparmata, a kinunana, Dica agbuteng, Abram: siac ti calasagmo ken ti gungonam a nawadwad unay.

Genesis 17:1

Ket idi a ni Abram nagtawen iti siam a pulo ket siam, ni Jehova nagparang ken Abram, ket kinunana kencuana, Siac ti Dios a Mannacabalin amin; magnaca iti sangoc ket awan coma ti pagcurcurangam.

Genesis 48:3

Ket ni Jacob kinunana ken Jose, Ti Dios a Mannacabalin amin nagparang caniac idiay Luza, sadiay daga a Canaan, ket binendicionannac.

2 Cronicas 30:12

Casta met nga iti rabaw ti Juda immay ti ima ti Dios a nangipaay cadacuada a sangsangcanakem, tapno tungpalenda ti bilin ti ari ken dagiti pangpangoloen iti pannacaaramat ti sao ni Jehova.

Dagiti Salmo 110:3

Ti ilim itulnogna ti bagina a siaayat iti aldaw ti pannacabalinmo, iti nasantoan a pannakidangadang: nagtaud iti aanacan ti bigat addaanca iti linnaaw ti kinaagtutubom.

Exodo 10:3

Ket da Moises ken ni Aaron napanda ken Faraon, ket kinunada kencuana, Ni Jehova a Dios dagiti Hebreos castoy ti saona, Casano ti cabayagnanto ti dica panagpacumbaba iti saclangco? Bay-am a pumanaw ti ilic, tapno agdaydayawda caniac.

Exodo 17:5

Ket ni Jehova kinunana ken Moises, Inca iti sango dagiti tattao, ket icuyogmo ti dadduma cadagiti lallacay ti Israel; ket ti sarucodmo isu a pinangdidigram idi carayan, igganam, ket inca.

Exodo 19:1

Iti maicatlo a bulan a calpasan ti ipapanaw dagiti annac ti Israel idiay daga nga Egipto, daydi met la nga aldaw dimtengda iti let-ang ti Sinai.

Exodo 25:22

Ket idiay ti pangsaracacto kenca, ket manipud iti ngatoen ti tugaw ti caasi ti pakisaoacto kenca, manipud iti nagbaetan dagiti dua a querubin nga addada iti rabaw ti lacasa ti pamanecnec, cadagiti amin nga itedconto kenca nga ibilin cadagiti annac ti Israel.

Exodo 3:12

Ket kinunana, kinapudnona nga addaacto kenca; ket daytoyto ti pagilasinan kenca a siac imbaonca; Calpasanto ti panangalam iti ili sadi Egipto, agdaydayawcayo iti Dios iti rabaw daytoy a bantay.

Exodo 3:16

Inca, ket gimongem dagiti lallacay ti Israel, ken cunam cadacuada, Dios ni Abraham, ni Isaac, ken ni Jacob, nagparang caniac a kinunana, Kinapudnona a sinarungcarancayon, ket nakitac ti maaramid cadacayo iti Egipto:

Exodo 30:36

Ket mecmekemto a sagbabassit unay ti dadduma kencuana ket mangicabilca iti dayta iti sangoanan ti pamanecnec iti uneg ti tolda ti gimong, isu a pangsaracacto kenca: isunto kenca ti casantoan unay.

Exodo 30:6

Ket icabilmonto iti sango ti abbong nga adda iti abay ti lacasa ti pamanecnec, iti sango ti tugaw ti caasi nga adda iti rabaw ti pamanecnec, a pangsaracacto kenca.

Exodo 4:1

Ket ni Moises simmungbat ket kinunana, Ngem, adtoy, didacto patien ket didanto imdengan ti timecco; ta cunadanto, ni Jehova, Saan a nagparang kenca.

Exodo 4:23

Ket siac kinunac kenca idi, Bayam a pumanaw ti anacco, tapno agdaydayaw caniac; ket dica kinayat a pinalubosan idi: adtoy a siac patayeecto ti anacmo, ti inauna nga anacmo.

Exodo 4:24

Ket naaramid iti dalan iti yan a pagsangsangbayan, ni Jehova sinaracna, ni Moises kinayatna a papatayen.

Exodo 4:31

Ket ti umili namatida: ket idi nangngegda a ni Jehova sinarungcaranna dagiti annac ti Israel, ket nakitanan ti pagelda, nagtamedda ket nagdaydayawda.

Exodo 5:1

Ket iti calpasanna da Moises ken Aaron dimmanonda ket kinunada ken Faraon, Castoy ti sao ni Jehova a Dios ti Israel, Bay-am a pumanaw ti umilic tapno inda rambacan ti maysa a fiesta caniac idiay let-ang.

Exodo 5:3

Ket isuda kinunada, Ti Dios dagiti Hebreos nasaracnacamin: dawatenmi kenca, palubosannacami, iti tallo nga al-aldaw a magmagna cami coma iti let-ang, ket agidatoncaminto ken Jehova a Diosmi; di la ket ta itinnagna cadacami ti angol wenno campilan.

Exodo 7:16

Ket saoemto kencuana, Ni Jehova a Dios dagiti Hebreos imbaonnac kenca, a cunana, Bay-am a pumanaw ti ilic, tapno agdaydayawda caniac idiay let-ang: ket, adtoy nga agpapan ita dica nangipangag.

Exodo 8:1

Ket ni Jehova kinunana ken Moises, Inca ken Faraon, ket cunam kencuana, Castoy ti cuna ni Jehova, Bayam a pumanaw ti ilic tapno agdaydayawda caniac.

Exodo 8:20

Ket ni Jehova kinunana ken Moises, Bumangonca a masapa no bigat ket sumangoca ken Faraon; adtoy, ta mapan iti danum; ket cunam kencuana, Ni Jehova castoy ti saona, Bay-am a pumanaw ti ilic tapno agdaydayawda caniac.

Exodo 8:23

Ket ilasinconto ti ilic iti iturayam: intono bigat addanto daytoy a pagilasinan.

Exodo 9:1

Idin ni Jehova kinunana ken Moises, Inca ken Faraon ket ibagam kencuana, Castoy ti cuna ni Jehova a Dios dagiti Hebreos, Bay-am a pumanaw ti ilic tapno agservida caniac.

Exodo 9:13

Ket ni Jehova kinunana ken Moises, Bumangonca a masapa no bigat, ket sumangoca ken Faraon, ket saoem kencuana, Ni Jehova a Dios dagiti Hebreos castoy ti cunana, Bay-am a pumanaw ti ilic tapno agservida caniac.

Isaias 64:5

Sica sabtem daydiay nga agrag-o ken agaramid iti kinalinteg, dagidiay a manglagip kenca cadagiti daldalanmo: adtoy, sica nagungetca, ket dacami nagbasolcami: nagtalinaedcami cadacuada iti nabayag a pannawen: ket maisalacancamto ngata?

Jeremias 2:2

Inca, ket ipuccawmo cadagiti lapayag ti Jerusalem, a cunam, Castoy ti cunana ni Jehova, Malagipca gapu iti kinaimbag ti kinaubingmo, ken gapu iti ayat dagiti pannakisinggalutmo; no casano ti isusurotmo iti licudac idiay let-ang, iti daga a saan a namulaan.

Jeremias 2:6

Ket saanda met a kinuna, Sadino ti yan ni Jehova nga inaonnacami iti daga ti Egipto, a nangidalan cadacami itilet-ang iti maysa a daga dagiti langalang ken bitbito, iti maysa a daga a namaga ken ti aniniwan ni patay, iti daga a saan a nagnaan, ken awan tinagnaed a tao.

Jeremias 26:5

Tapno ipangagyo dagiti sasao dagiti adipenco a mammadto, isuda nga ibaonco cadacayo, a bimmangonac met laeng a masapa ken imbaonco ida, ngem saancayo a nangipangag;

Numero 17:4

Ket idulinmonto ida iti tolda ti gimong iti sango ti pamanecnec a pangsaracac cadacayo.

Josue 1:17

Cas iti panangipangagmi idi ken ni Moises cadagiti isu-amin a banbanag, casta met ti panangipangagminto kenca: ni Jehova a Diosmo adda coma laeng kenca a cas iti kinaaddana idi ken ni Moises.