Exodo 3:16 - Ti Biblia (1973)

¹⁶ Inca, ket gimongem dagiti lallacay ti Israel, ken cunam cadacuada, Dios ni Abraham, ni Isaac, ken ni Jacob, nagparang caniac a kinunana, Kinapudnona a sinarungcarancayon, ket nakitac ti maaramid cadacayo iti Egipto:

Ti Baro a Naimbag a Damag Biblia

¹⁶ Inka ummongen dagiti pangulo ti Israel ket ibagam kadakuada a nagparang kenka ni Yahweh a Dios dagiti kapuonanyo, ti Dios da Abraham, Isaac ken Jacob. Ibagam a naimatanganna ti kasasaadyo ken ti ar-aramiden dagiti Egipcio kadakayo.

Exodo 3:16 Iomraidhean Croise

Genesis 1:7

Ket ti Dios inaramidna ti tangatang, ket insinana dagiti danum nga adda iti baba ti tangatang, cadagiti danum nga adda iti rabaw ti tangatang: ket naaramid a casta.

Genesis 21:1

Ket ni Jehova sinarungcaranna ni Sara cas nasaona idi, ket ni Jehova inaramidna, ken Sara cas ti incarina.

Genesis 28:13

Ket, adtoy, ni Jehova nagtacder iti rabawna ket isu kinunana, Siac ni Jehova, a Dios ni Abraham, nga amam, ken ti Dios ni Isaac: ti daga a nagiddaam itdecto kenca ken cadagiti caputotam;

Genesis 48:15

Ket binendicionanna ni Jose, ket kinunana, Ti Dios nga iti sangona nagnagnaanda dagiti dadackelco a ni Abraham ken ni Isaac, ti Dios a manaraon caniac iti amin a panagbiagco agingga itoy nga aldaw,

Genesis 50:24

Ket ni Jose kinunana cadagiti cacabsatna, Matayac; ngem ti Dios sarungcarannacayto a di bumurong, ket pasangatennacayto ditoy a daga a mapan iti daga nga incarina a sisasapata ken Abraham, ken Isaac, ken Jacob.

Dagiti Salmo 102:21

Tapno dagiti tattao maibunannagda idiay Sion, ti nagan ni Jehova ken ti pacaidaydayawanna idiay Jerusalem;

Dagiti Salmo 33:18

Kitaem, ti mata ni Jehova sisisiput cadagiti agbuteng kencuana, cadagiti manginanama iti kinamanagayatna;

Dagiti Salmo 8:4

Ania ti tao, tapno sipapanunutca kencuana? Ket ti anac ti tao, tapno sumarungcarca kencuana?

Exodo 1:8

Idi cuan nabangon ti baro nga ari sadiay Egipto, isu a di nangbigbig ken Jose.

Exodo 13:19

Ket ni Moises incuyogna dagiti tultulang ni Jose: ta pinagsapatana iti nainget idi dagiti annac ti Israel, a cunana, Ti Dios sarungcarannacayto a di agcurang; ket icuyogyonto dagiti tul-tulangco no agtalawcayo ditoy.

Exodo 15:14

Dagiti il-ili nangngegda, isuda agkintayegda: Dagiti ut-ut immocuocda cadagiti agnaed iti Filistia.

Exodo 17:5

Ket ni Jehova kinunana ken Moises, Inca iti sango dagiti tattao, ket icuyogmo ti dadduma cadagiti lallacay ti Israel; ket ti sarucodmo isu a pinangdidigram idi carayan, igganam, ket inca.

Exodo 18:12

Ket ni Jetro a catugangan ni Moises nangala iti daton a mapuuran ken cadagiti sacrificio a maipaay iti Dios: ket immay ni Aaron ken amin dagiti lallacay ti Israel a nakipangan iti tinapay ken catugangan ni Moises iti sango ti Dios.

Exodo 2:25

Ket ti Dios minatmatanna dagiti annac ti Israel, ket ti Dios linagipna ida.

Exodo 24:11

Ket cadagiti natan-oc cadagiti annac ti Israel saanna nga incabil ti imana: ket nakitada ti Dios, ket nanganda ket naginumda.

Exodo 3:2

Ket ti angel ni Jehova nagparang kencuana iti maysa a gilayab ti apuy iti tengnga ti maysa a cayo a bassit; ket minatmatanna, ket, adtoy a ti cayo a bassit dumardarang iti apuy, ket ti cayo a bassit saan idi a mauram.

Exodo 3:6

Maysa pay kinunana, Siac ti Dios ni amam, ti Dios ni Abraham, ti Dios ni Isaac, ken ti Dios ni Jacob. Ket ni Moises inapputna ti rupana; ta nagbuteng a kimmita iti Dios.

Exodo 4:1

Ket ni Moises simmungbat ket kinunana, Ngem, adtoy, didacto patien ket didanto imdengan ti timecco; ta cunadanto, ni Jehova, Saan a nagparang kenca.

Exodo 4:29

Ket da Moises ken Aaron napanda inummong amin a lallacay cadagiti annac ti Israel:

Exodo 4:31

Ket ti umili namatida: ket idi nangngegda a ni Jehova sinarungcaranna dagiti annac ti Israel, ket nakitanan ti pagelda, nagtamedda ket nagdaydayawda.

Exodo 4:5

Tapno patienda a ni Jehova a Dios dagiti ammada, ti Dios ni Abraham, ti Dios ni Isaac, ken Dios ni Jacob, nagparang kenca.

San Mateo 26:3

Idin dagiti panguloen dagiti sacerdote, ken dagiti panglacayen dagiti umili naggigimongda iti palacio ti cangatoan a padi, a managan Caifas;

San Lucas 1:68

Madaydayaw coma ti Apo, ti Dios ti Israel; Ta sinarungcaranna ken inaramidna ti pannacasubbut ti Ilina.

San Lucas 19:44

Ket rebbaendacanto agingga iti daga, sica ken dagiti annacmo nga adda iti unegmo, ket awanto ti matda a bato iti rabaw ti bato kenca agsipud ta dica binigbig ti aldaw ti pannacasucnalmo.

Dagiti Aramid 11:30

Isu met ti inaramidda, nagipawpaw-itda cadagidi panglacayen iti ima da Bernabe ken Saulo.

Dagiti Aramid 15:14

Ni Simon sinaritana no casano ti panangrugi ti Dios a nangsarungcar cadagiti Gentil, tapno mangala cadacuada ti tattao a maipaay iti naganna.

Dagiti Aramid 20:17

Ket manipud idiay Mileto, nangibaon sadi Efeso ti immayab cadagiti panglacayen ti Iglesia.

1 Pedro 2:12

A patacnengenyo coma ti panagbibiagyo iti tengnga dagiti Gentil; tapno dayta pagsao-anda iti dakes cadacayo, a cas la managaramid iti dakes, gapu cadagiti nasayaat nga aramidyo a makitada, dayawenda coma ti Dios iti aldaw ti pannacaocom.

1 Pedro 5:1

Dawatec ngarud cadagiti panglacayen, nga adda cadacayo, siac a panglacayen met, ken macasacsi cadagiti sinagaba ni Cristo, siac a mairaman met iti dayag a maiparangarangto:

Ruth 1:6

Idin isu timmacder agraman cadagiti manugangna a babbai, tapno agsubli coma manipud iti daga ti Moab: ta nangngegna idiay daga ti Moab no casano ti panangsarungcar ni Jehova iti ilina iti panangtedna cadacuada iti taraon.