Exodo 3:14 - Ti Biblia (1973)

¹⁴ Ket ti Dios kinunana ken Moises, SIAC TI SIAC: ket kinunana, castoy ti saoemto cadagiti annac ti Israel NI SIAC ti nangibaon caniac cadacayo.

Ti Baro a Naimbag a Damag Biblia

¹⁴ Kinuna ti Dios, “Siak ti siak. Daytoy ti ibagamto kadagiti Israelita, ‘Imbaonnak ti mangawag iti bagina iti SIAK.’

Exodo 3:14 Iomraidhean Croise

Ti Libro ni Job 11:7

Gapu iti panangbukibuc masaracam aya iti Dios? Masaracam aya a naan-anay ti Mannacabalin?

Dagiti Salmo 68:4

Cantaanyo ti Dios, icantayo ti panangidaydayaw iti naganna: iyaramidanyo iti calzada a maipaay kencuana nga agsacay a lumasat cadagiti let-ang; ti naganna Jehova; ket agragrag-ocayo iti sangona.

Dagiti Salmo 90:2

Idi casacbayan ti pannacapataud dagiti banbantay, wenno idi pay la pinaltuadmo ti daga ken ti lubong, ken manipud pay ketdi idi kinaagnanayon agingga iti kinaagnanayon, sica ti Dios.

Exodo 15:3

Ni Jehova isu ti mananggubat: Jehova isu ti naganna.

Exodo 23:21

Agannadcayo iti sangona, ket ipangagyo ti timecna; dicayo pagpungtoten; ta dinanto pacawanen ti salungasingyo: ta ti naganco adda kencuana.

Exodo 3:13

Ket ni Moises kinunana iti Dios, Adtoy no dumtengac cadagiti annac ti Israel, ket cunacto cadacuada, Ti Dios dagiti ammayo imbaonnac cadacayo, ket no isuda ta saludsudenda caniac, Asino ti naganna? ania ti isungbatconto cadacuada?

Exodo 6:2

Ket ti Dios nakisao ken Moises, ket kinunana kencuana, Siac ni Jehova:

Exodo 6:3

Ket siac nagparangac ken Abraham, ken Isaac ken Jacob, cas Dios a Mannacabalin amin; ngem iti naganco a Jehova saandac a naammoan.

Isaias 42:8

Siac ni Jehova, dayta ti naganco; ket ti dayagco diacto ited iti sabali, ket diac met ited ti dayawco cadagiti kinitikitan a ladladawan.

Isaias 44:6

Castoy ti cuna ni Jehova, nga ari ti Israel ken Mannubbot kencuana, Jehova dagiti buybuyot: Siac ti immuna ken ti camaudianan; ket awan ti Dios no di la sisiac.

San Mateo 18:20

Ta no adino ti naguurnongan ti dua wenno tal-lo gapu iti naganco, addaac idiay iti nagtengngaanda.

San Mateo 28:20

Nga insursuroyo cadacuada nga aywananda dagiti isu-amin a banag nga inbilinco cadacayo: Ket adtoy, addaac cadacayo nga agnanayon agingga iti panungpalan ti lubong.

San Juan 8:24

Kinunac ngarud cadacayo a mataycayo cadagiti basbasolyo; ta no dicayo patien a siac daydi, cadagiti basbasolyo mataycayto.

San Juan 8:28

Kinuna ngarud ni Jesus: Inton maibayogyon ti Anac ti tao, isunto ti pannacaammoyo a siac daydi ken awan ti aramidec a sisiac; no di ket cas iti insuro caniac ni Ama, dagitoy ti saoec.

San Juan 8:58

Kinuna cadacuada ni Jesus: Pudno, pudno, cunac cadacayo, idi casangoanan ti pannacayanac ni Abraham, addaacon.

2 Taga-Corinto 1:20

Ta uray no casano caadu dagiti cari ti Dios, adda Kencuana ti Wen, gapuna a kencuana adda met ti Amen, a maipaay iti dayaw ti Dios gapu iti pannacaaramatmi.

Hebreo 13:8

Ni Jesu-Cristo isu met laeng idi calman, ken ita, ken iti agnanayon.

Paltiing 1:17

Ket idi nakitac, napasagac cadagiti sacsacana a cas la natay; ket impatayna daydi macanawanna caniac, a kinunana: Dica agbuteng siac ti umuna ken ti camaudianan,

Paltiing 1:4

Ni Juan isuratna cadagiti pito nga Iglesia nga addada iti Asia: Parabur cadacayo ken talna nga aggapu iti daydiay nga adda ita ket adda idi, ken umayto; ken aggapu cadagiti pito nga Espiritu nga addada iti sangoanan ti tronona;

Paltiing 1:8

Siac ti Alfa ken ti Omega, cuna ni Apo Dios, ti adda ita, ken ti adda idi ken ti umayto, ti Mannacabalin-amin.

Paltiing 4:8

Ket dagidi uppat a parsua a sibibiag, tunggal maysa cadacuada adda innem a payacna ket napnoda cadagiti matmata iti aglawlaw ken iti uneg; ket dida umingga iti aldaw ken rabii a cuncunada: Santo, santo, ni Apo Dios, ti Mannacabalin-amin, isu nga adda idi, ken adda ita, ken umayto.