Exodo 3:12 - Ti Biblia (1973)

¹² Ket kinunana, kinapudnona nga addaacto kenca; ket daytoyto ti pagilasinan kenca a siac imbaonca; Calpasanto ti panangalam iti ili sadi Egipto, agdaydayawcayo iti Dios iti rabaw daytoy a bantay.

Ti Baro a Naimbag a Damag Biblia

¹² “Addaakto kenka,” insungbat ti Dios, “ket daytoyto ti pagilasinan a siak ti nangibaon kenka: Inton mairuarmo dagiti tattaok iti Egipto, agdaydayawkayto kaniak ditoy a bantay.”

Exodo 3:12 Iomraidhean Croise

Genesis 15:1

Calpasan dagitoy a banbanag immay ti sao ni Jehova ken Abram iti maysa a parparmata, a kinunana, Dica agbuteng, Abram: siac ti calasagmo ken ti gungonam a nawadwad unay.

Genesis 15:8

Ket isu kinunana, O Apo Jehova, Ania ti pacaammoacto nga agtawidacto iti dayta?

Genesis 26:3

Agnaedca iti daytoy a daga, ket siac addaacto kenca, ket bendicionancanto; ta kenca ken iti putotmo itedconto amin dagitoy a dagdaga, ket patalgedacto ti sapata nga insaptac ken Abraham nga amam;

Genesis 31:3

Ket ni Jehova kinunana ken Jacob, Agsublica iti daga dagiti dadackelmo, ken cadagiti cacabagiam; ket siaaddaacto kenca.

2 Ar-ari 19:29

Ket daytoyto ti pagilasinan kenca: itoy a tawen mangancayto iti daydiay a tumubo latta, ket iti maicadua tawen iti daydiay nga aggapunto kencuana met laeng; ket iti maicatlo a tawen agmulacayo, ket aganicayo, ket agmulacayo cadagiti cauvuvasan, ket mangancayo iti bungana.

1 Cronicas 9:20

Ket ni Finees nga anac a lalaki ni Eleazar isu idi ti agturay cadacuada idi nalabes a tiempo, ket ni Jehova adda idi kencuana.

Dagiti Salmo 86:17

Iparangannac iti tanda a pagimbagan, tapno dagiti gumurgura caniac makitada, coma ket mabainanda, ta sica, Jehova, binadangannac, ket liniwliwanac.

Exodo 18:5

Ket ni Jetro a catugangan a lalaki ni Moises, agraman, dagiti annac ken ti asawa ni Moises, napanda kencuana iti let-ang, a nagsardenganna, idiay bantay ti Dios:

Exodo 3:1

Ni Moises agay-aywan idi cadagiti an-animal ni Jetro a catuganganna a lalaki a padi idiay Madian: ket impanna ti arban iti malicudan ti let-ang, ket dimmanon iti bantay ti Dios agingga iti Horeb.

Exodo 3:13

Ket ni Moises kinunana iti Dios, Adtoy no dumtengac cadagiti annac ti Israel, ket cunacto cadacuada, Ti Dios dagiti ammayo imbaonnac cadacayo, ket no isuda ta saludsudenda caniac, Asino ti naganna? ania ti isungbatconto cadacuada?

Exodo 33:14

Ket ni Jehova kinunana, Ti panangimatangco cumuyogto kenca, ket siac paginanaencanto.

Exodo 4:12

Inca ngarud ita ta addaacto iti ngiwatmo ket isurocanto iti saoem.

Exodo 4:15

Ket saoemto kencuana, ket paisaomto kencuana dagiti sasao: ket addaacto iti ngiwatmo ken iti ngiwatna, ken isurocayto iti aramidenyonto.

Exodo 8:27

Tallo nga aldaw a magmagnacamto iti let-ang, ket mangidatoncamto ken Jehova a Diosmi, cas iti ibagananto cadacami.

Isaias 37:30

Ket daytoyto ti pagilasinan kenca: mangancayto itoy a tawen iti daydiay a tumubo lat ta, ket iti maicadua a tawen iti daydiay sagibona met laeng; ket iti maicatlo a tawen agmulacayo, ket aganicayo, ket agmulacayo cadagiti cauvasan, ket mangancayo iti bungana.

Isaias 41:10

Dica agbuteng, ta addaac kenca; dica agcullayaw, ta siac ti Diosmo; papigsaencanto; wen, tulongancanto: wen, tapayaencanto iti akincanawan nga ima ti kinalintegco.

Isaias 43:2

Intono ballasiwem dagiti dandanum, addaacto kenca; ket iti pannacaballasiw dagiti carcarayan didacanto layusen: intono magnaca a lumasat iti apuy, saancanto a mapuuran, ket dinaca met silmutan ti darang.

Isaias 7:14

Gapuna a ti Apo met laeng iccannacayonto iti maysa a pagilasinan: adtoy, a maysa a virgen agsicogto, ken mangipasngayto iti maysa nga anac a lalaki, ket maigaladto iti naganna nga Emmanuel.

Jeremias 1:8

Saanca nga agbuteng iti saclang dagidiay; ta addaac kenca tapno isalacanca, cuna ni Jehova.

Numero 16:28

Ket ni Moises kinunana, Gapu iti daytoy ammoenyo a ni Jehova imbaonnac a nangaramid cadagitoy a gapuanan; ta diac inaramid ida a nakemco laeng.

Numero 23:21

Isu dina naimatangan ken Jacob ti kinadakes; Di nacakita ti kinasukir iti Israel: Ni Jehova a Diosna siaadda kencuana, Ken ti ickis ti maysa nga ari adda cadacuada.

San Mateo 28:20

Nga insursuroyo cadacuada nga aywananda dagiti isu-amin a banag nga inbilinco cadacayo: Ket adtoy, addaac cadacayo nga agnanayon agingga iti panungpalan ti lubong.

San Marcos 16:20

Ket rimmuarda ket nangascasabada cadagiti isu-amin a disso, a ti Apo timmultulong cadacuada, ket pinanecnecanna ti sao cadagiti datdatlag a naipacuyog. Amen.

Dagiti Aramid 11:21

Ket ti tulong ti Apo adda cadacuada: ket dackel a bilang namatida ken nagsublida iti Apo.

Dagiti Aramid 7:7

Ngem siac ocomecto, kinuna ti Dios, ti nacion a pagserviandanto: ket iti calpasan daytoy, pumanawdanto ket agservidanto caniac itoy a disso.

Taga-Roma 8:31

Ania ngarud ti sao-entayonto cadagitoy a banbanag? no ti Dios adda a bumuyog cadatayo, siasino ti bumusor cadatayo?

Deuteronomio 31:23

Ket intedna ken Josue nga anac ni Nun ti maysa a bilin, ket kinunana, Pumigsaca, ken umingelca a naimbag; ta sica ti mangipanto cadagiti annac ti Israel iti daga nga insapatac cadacuada, ket addaacto kenca.

Hebreo 13:5

Ti panagbiagyo mayadayu coma iti kinaagum iti pirac; a mapneccayo coma iti adda cadacayo: ta isu met laeng kinunana; Saancanto a panawan, ket dicanto baybay-an.

Josue 1:5

Awan ti siasinoman a tao a macagawayto kenca cadagiti isu-amin nga al-aldaw ti panagbiagmo: cas iti caaddac idi ken ni Moises casta met ticaaddacto kenca; dicanto baybay-an ken dicanto met panawan.

Uk-ukom 6:12

Ket ti angel ni Jehova nagparang kencuana, ket kinunana kencuana, Ni Jehova adda kenca, sica lalaki a mannacabalin ken maingel.

Uk-ukom 6:16

Ket ni Jehova kinunana, kencuana Pudno a siac addaacto kenca, ket sica cabilemto dagiti Madianitas a casda la maymaysa a lalaki.

Uk-ukom 6:17

Ket isu kinunana kencuana, No nacasaracac ti parabur iti saclangmo, iccannac iti pagilasinan, a sica ti makisao caniac.

Uk-ukom 6:21

Idin ti angel ni Jehova impatayna ti murdong ti sarucodna nga adda idi iti imana, insukitna iti lasag ken cadagiti bibbibingca nga awan levadurada; ket rimmasoc ti apuy a naggapu iti bato, a nangrunaw iti lasag ken cadagiti bibbibingca nga awan levadurada; ket ti angel ni Jehova nagpucaw iti imatangna.

Uk-ukom 7:11

Ket sica mangegmonto no ania ti sasaoenda; ket iti calpasanna dagita imam pumigsadanto a sumalog iti pacarso. Idin simmalog a caduana ni Pura a tagabuna agingga iti akin-igid a paset dagiti tattao a siiigam nga addada iti pacarso.

1 Samuel 14:10

Ngem no saoendanto ti castoy, Sumang-atcayo cadacami, sumang-attanto ngarud; ta ni Jehova inyawatna ida cadagiti imimata: ket daytoy isunto ti pagilasinan cadata.