Exodo 3:11 - Ti Biblia (1973)

¹¹ Ket ni Moises kinunana iti Dios, Asinoac a mapan aya ken Faraon, ken mangipanaw iti Egipto cadagiti annac ti Israel?

Ti Baro a Naimbag a Damag Biblia

¹¹ Kinuna ni Moises iti Dios, “Nanumoak laeng a tao. Kasano a mapanak iti ari tapno iruarko dagiti Israelita iti Egipto?”

Exodo 3:11 Iomraidhean Croise

2 Samuel 7:18

Idin ni ari David simrec, ket nagtugaw iti sango ni Jehova; ket kinunana, O Apo Jehova, siasinoac aya, ken ania aya ti balayco, tapno inyegnac agingga ditoy?

1 Ar-ari 3:7

Ket ita, O Jehova a Diosco, sica inaramidmo ti adipenmo iti saad ni David nga amac; ket maysaac nga ubing laeng; diac ammo no casano ti iruruar wenno iseserrec.

1 Ar-ari 3:9

Iccam ngarud ti adipenmo iti maysa a mannacaawat a puso nga agocom iti ilim, tapno mabalinco nga ilasin ti naimbag ken ti dakes; ta siasino ti macabalin ita nga aldaw nga agocom iti daytoy dackel nga ilim?

1 Cronicas 29:14

Ngem asinoac, ken ania ti ilic, tapno cabaelanmi coma ti mangidaton iti sibubulos a cas iti daytoy a kita? ta naggapu amin a banbanag kenca, ket iti cucuan ti itdenmi kenca.

Exodo 6:12

Ket ni Moises nagsao ken Jehova a kinuna, Adtoy dagiti annac ti Israel didac met impangag idi; casano ngarud ti panangipangag, ni Faraon caniac, siac a dagiti bibbibigco saanda a nacugit.

Jeremias 1:6

Iti casta kinunac, O, Apo Jehova! Adtoy, saanco nga ammo ti agsao; ta ubingac.

2 Taga-Corinto 2:16

Cadagiti dadduma, dacami ti angot ni patay a maipaay iti patay; ket cadagiti sabsabali, dacami ti banglo ti biag a maipaay iti biag: Ket cadagitoy a banbanag siasino ti macaanay?

2 Taga-Corinto 3:5

Saancam a macaanay a dacdacami laeng, a mangpanunut iti aniaman a cas aggapu cadacam met laeng, no di ket ti pannacaan-anaymi agtaud iti Dios;

Uk-ukom 6:15

Ket isu kinunana kencuana, O, Apo, iti ania ti pangispalconto iti Israel? Adtoy a ti familiac isu ti capanglawan unay iti Manases, ket siac ti calap-itan iti balay ni amac.

1 Samuel 18:18

Ket ni David kinunana ken Saul, Asinoac aya? ken ania aya ti biagco, wenno ti familia ni amac iti Israel, tapno siac coma ti manugang a lalaki ti ari?