Exodo 3:1 - Ti Biblia (1973)

¹ Ni Moises agay-aywan idi cadagiti an-animal ni Jetro a catuganganna a lalaki a padi idiay Madian: ket impanna ti arban iti malicudan ti let-ang, ket dimmanon iti bantay ti Dios agingga iti Horeb.

Ti Baro a Naimbag a Damag Biblia

¹ Ay-aywanan idi ni Moises dagiti karnero ken kalding ni Jetro a katuganganna a padi ti Midian. Impanna ti arban iti labes ti let-ang ket dimteng idiay Horeb a bantay ti Dios.

Exodo 3:1 Iomraidhean Croise

1 Ar-ari 19:19

Iti casta isu pimmanaw sadiay, ket nasaracanna ni Eliseo nga anac ni Safat, nga adda nga agararado, nga adda sangapulo ket dua a casangol dagiti vacana iti sangona, ket isu kimmuyog iti maicasangapulo ket dua: Ket ni Elias limmabas kencuana, ket imbacalna ti cagayna kencuana.

1 Ar-ari 19:8

Ket isu timmacder, ket nangan ken imminum, ket napan iti pigsa dayta a taraon iti uppat a pulo nga aldaw ken uppat a pulo a rabii sadi Horeb a bantay ti Dios.

Dagiti Salmo 106:19

Nangaramidda iti urbon a vaca idiay Horeb, ket nagdaydayawda iti sinucog a ladawan.

Exodo 17:6

Adtoy, addaacto iti sangoanam idiay iti rabaw ti bato sadi Horeb; ket ibaotmonto iti bato, ket rumuarto idiay ti danum, tapno uminum dagiti tattao. Ket ni Moises inaramidna ti casta iti imatang dagiti lallacay ti Israel.

Exodo 18:12

Ket ni Jetro a catugangan ni Moises nangala iti daton a mapuuran ken cadagiti sacrificio a maipaay iti Dios: ket immay ni Aaron ken amin dagiti lallacay ti Israel a nakipangan iti tinapay ken catugangan ni Moises iti sango ti Dios.

Exodo 19:11

Ket sisasaganada coma a maipaay iti maicatlo nga aldaw; ta intono maicatlo nga aldaw ni Jehova bumabanto iti imatang dagiti amin a tattao iti rabaw ti bantay Sinai.

Exodo 19:2

Ket idi pimmanaoda idiay Refidim, ket dimtengda iti let-ang ti Sinai, nagsardengda iti let-ang ket idiay nagyan ti Israel ti sanngo ti bantay.

Exodo 19:3

Ket ni Moises napan iti Dios, ket ni Jehova inayabanna nanipud iti bantay, a cunana, Castoy ti saoemto cadagiti putot ni Jacob, ket ibagamto cadagiti annac ti Israel:

Exodo 2:16

Ti padi sadi Madian adda pito nga annacna a babai: ket isuda immayda agsacdu, ket pinunnoda dagiti colcolloong a pamainumanda iti pangen ni amada.

Exodo 2:18

Ket idi nga simmangpetda ken Raquel nga amada, isu kinunana, Ania ti gapuna a nagsublicayo iti castoy a cabiitna ita nga aldaw?

Exodo 2:21

Ket ni Moises immannugot a nakipagnaed iti lalaki, ket isu intedna ken Moises ti anacna a babai a Sefora.

Exodo 24:13

Ket ni Moises timmacder, ken ni Josue a ministrona: ket ni Moises simmang-at iti bantay ti Dios.

Exodo 3:12

Ket kinunana, kinapudnona nga addaacto kenca; ket daytoyto ti pagilasinan kenca a siac imbaonca; Calpasanto ti panangalam iti ili sadi Egipto, agdaydayawcayo iti Dios iti rabaw daytoy a bantay.

Exodo 3:5

Ket kinunana, Dica umasideg ditoy: iccatem dagiti zapatosmo cadagita sacsacam, ta ti disso a yanmo daga a nasantoan.

Exodo 33:6

Ket dagiti annac ti Israel iniccatda dagiti saniatada, nanipud idiay bantay Horeb.

Exodo 4:18

Ket ni Moises napan nagsubli ken Jetro a catuganganna a lalaki, ket kinunana kencuana, dawatec kenca, Palubosannac, nga agsubli cadagiti cacabsatco nga addada sadi Egipto, bareng no addada pay a sibibiag. Ket ni Jetro kinunana ken Moises, Inca a sitatalna.

Exodo 4:27

Ket ni Jehova kinunana ken Aaron, Inca sabaten ni Moises idiay let-ang. Ket napan, ket sinabatna idiay bantay ti Dios, ket inagcanna.

Amos 1:1

Dagiti sasao ni Amos, isu nga adda idi cadagiti agpaspastor idiay Tecua, isuda a naimatanganna a maipapan iti Israel cadagiti al-aldaw ni Uzias, ari ti Juda, ken cadagiti al-aldaw ni Jeroboam nga anac ni Joas, ari ti Israel, iti dua a tawen iti casangoanan ti gingined.

Malakias 4:4

Lagipenyo ti linteg ni Moises nga adipenco, nga imbilinco kencuana idiay Horeb nga agpaay iti amin nga Israel, linlinteg met laeng ken bilbilin.

Numero 10:29

Ket ni Moises kinunana ken Hobab nga anac a lalaki ni Raguel a taga Madian, a catugangan ni Moises, Agbariw-ascami a mapan iti disso a sinao ni Jehova, Itedconto cadacayo: Umayca cadacami, ket naimbagto ti aramidenmi kenca: ta ni Jehova naimbag ti sinaona maipapan iti Israel.

Numero 10:33

Ket nagluasda nanipud iti bantay ni Jehova a nagnada iti tallo nga aldaw ket ti lacasa ti tulag ni Jehova immununa ngem isuda iti pagnaen ti tallo nga aldaw, nga agsapulda iti disso a paginanaanda.

San Lucas 2:8

Ket adda paspastor idi idiay met laeng a daga nga aggiyan iti away nga agay-aywan nga agpuyat iti rabii cadagiti animalda.

Dagiti Aramid 7:30

Ket idi naturpos ti uppat a pulo a tawen, nagparang kencuana ti maysa nga angel iti let-ang ti bantay Sinai iti maysa a gil-ayab ti apuy iti maysa a zarza.

Deuteronomio 1:2

Sangapulo ket maysa nga aldaw a panagbaliasat manipud Horeb a magna iti bantay Seir inggana iti Cades-barnea.

Deuteronomio 1:6

Ni Jehova a Diostayo nakisao cadatayo idiay Horeb, a kinunana, Dacayo nagnaedcayo iti umdas a cabayag iti daytoy a bantay:

Deuteronomio 4:10

Idi aldaw nga caaddayo iti sango ni Jehova a Diosmo idiay Horeb, idi ni Jehova kinunana caniac, Gimongem caniac ti ili, ta ipangngegco cadacuada dagiti sasaoc, tapno masursuroda ti agbuteng caniac iti amin nga al-aldaw ti panagbiagda iti rabaw ti daga, ken tapno maisuroda dagiti annacda.

Uk-ukom 4:11

Ket ni Heber a Cineo simmina idi cadagiti Cineos, a cadagiti met laeng annac ni Hobab a cayong ni Moises, ket insaadna ti toldana agingga iti cayo a lugo idiay Zaananim a nairaip iti Cedes.

1 Samuel 16:11

Ket ni Samuel kinunana ken Isai, Addadan ditoy dagiti isu-amin nga annacmo? Ket isu kinunana, Adda pay laeng ti caubingan, ket, adtoy, isu aywananna dagiti carcarnero. Ket ni Samuel kinunana ken Isai, Agbaonca, ket isu paalam; ta ditayto tumugaw agingga iti macaay ditoy.