Exodo 28:3 - Ti Biblia (1973)

³ Ket saoemto cadagiti amin a mamasirib ti pusoda isuda a pinunnoc ti espiritu ti kinasirib, tapno mangaramidda cadagiti cawcawes ni Aaron a mangsantificar kencuana, tapno isu ti aggannung caniac iti akem ti padi.

Ti Baro a Naimbag a Damag Biblia

³ Bilinem dagiti amin a dumadait nga inikkak iti laing nga agdait nga aramidenda dagiti kawes ni Aaron a maidaton nga agserbi kaniak a kas padi.

Exodo 28:3 Iomraidhean Croise

1 Ar-ari 7:14

Isu ti anac ti maysa a babai a balo iti caputotan ni Neftali, ket ti amana maysa a lalaki a taga Tiro, maysa a mammanday iti gambang; ket isu napno iti kinasirib ken pannacaawat ken kinalaing nga agaramid iti amin nga aramid iti gambang. Ket napan ken ari Salomon, ket inaramidna amin ti aramidna.

Exodo 35:10

Ket tunggal tao a nanacman ti pusona cadacayo umay coma ken agaramid iti amin nga imbilin ni Jehova:

Exodo 35:25

Ket amin dagiti babbai a nanacman dagiti puspusoda nagtibbida babaen cadagiti im-imada, ket inyegda dagiti natibbida, nga azul, ken purpura, ken escarlata, ken ti lienzo a nalapat.

Exodo 35:30

Ket ni Moises kinunana cadagiti annac ti Israel, Kitaenyo, ni Jehova annac a lalaki ni Uri, nga anac a inawaganna iti nagan ni Bezaleel nga lalaki ni Hur iti caputotan ni Juda.

Exodo 35:31

Ket pinunnona iti Espiritu ti Dios, iti sirib, iti pannacaawat, ken iti pannacaammo, ken iti amin a kita ti panangaramid;

Exodo 35:35

Cadagidiay napnoan iti saririt ti puso, tapno agtrabajoda coma iti amin a panangaramid, ti agkitkitikit, ken ti nalaing nga agaramid, ken ti agborborda iti azul, ken purpura, ken escarlata, ken lienzo a nalapat, ken ti agababel, castamet ti siasino man nga agar-aramid, ken ti agpatpataud iti nagdanonan sayaat nga aramid.

Exodo 36:1

Ket ni Bezaleel ken ni Aholiab agtrabajodanto ken amin a nanacman ti pusona a tao, a nangisaadan ni Jehova iti kinasirib ken kinamannacagawat nga umammo iti panagaramid iti isu-amin nga aramid a maicapet iti santuario, a mayannurot iti amin nga imbilin idi ni Jehova.

Exodo 36:2

Ket ni Moises inayabanna ni Bezaleel ken ni Aholiab, ken tunggal nanacman ti pusona a tao, nga iti pusoda insaad ni Jehova ti kinasirib, ken tunggal maysa a natignay ti pusona nga umay agtrabajo iti aramid:

Dagiti Proverbio 2:6

Ta ni Jehova mangted iti sirib; agtaud iti ngiwatna ti pannacaammo ken pannacaawat:

Isaias 11:2

Ket ti Espiritu ni Jehova agtaengto iti rabawna, ti espiritu ti kinasirib ken pannacaawat, ti espiritu ti pammatigmaan ken kinamaingel, ti espiritu ti pannacaammo ken ti panagbuteng ken ni Jehova.

Taga-Efeso 1:17

Tapno ti Dios ni Apotayo a Jesu-Cristo, ti Ama ti kinadayag, ipaayannacay coma ti maysa nga espiritu ti kinasirib ken paltiing iti pannacaammo kencuana;

Deuteronomio 34:9

Ket ni Josue nga anac ni Nun napno idi iti espiritu ti kinasirib; ta ni Moises impatayna kencuana dagiti im-imana: ket dagiti annac ti Israel impangagda ket inaramidda ti cas ni Jehova imbilinna ken Moises.

Santiago 1:17

Isu-amin a sagut a nasayaat ken isu-amin a sagut a naananay aggapuda iti ngato, bumaba nga aggapu iti Ama dagiti lawag, a kencuana awan ti aniaman a panagbalbaliw, wenno aniniwan ti panagbaliw ti turongen.