Exodo 27:3 - Ti Biblia (1973)

³ Ket mangaramidcanto cadagiti rangrangana a pagiccan cadagiti dapdapo, ken sopsopladna, ken bacbacana, ken cadagiti pagadaw iti lasag, ken cadagiti pagiccan cadagiti beggang: amin nga al-alicamenna aramidemto iti suer.

Ti Baro a Naimbag a Damag Biblia

³ Mangaramidka kadagiti bronse nga alikamen ti altar: dagiti palanggana a pagikkan kadagiti dapu ti napuoran a taba, dagiti pala, malukong, pagadaw ken pagikkan iti beggang.

Exodo 27:3 Iomraidhean Croise

1 Ar-ari 7:40

Ket ni Hiram inaramidna dagiti bacca, ken dagiti soplad, ken dagiti malocong. Casta ti panangleppas ni Hiram iti amin nga aramid nga inaramidna a maipaay ken ari Salomon iti balay ni Jehova:

1 Ar-ari 7:45

Ken dagiti banga, ken dagiti soplad, ken dagiti malocong: dagup amin dagitoy nga ar-aruaten, nga inaramid ni Hiram a maipaay ken ari Salomon, iti balay ni Jehova, isuda dagiti pinasileng a gambang.

1 Ar-ari 7:50

Ken dagiti tagayan, ken dagiti pangarsang, ken dagiti malocong, ken dagiti cuchara, ken dagiti pagiccan iti apuy a pulos a balitoc: ken dagiti bisagra a balitoc, a maipaay cadagiti rikep iti akinuneg a balay, iti disso a casantoan, ken maipaay cadagiti rikep ti balay, cayatna a saoen, ti templo.

2 Ar-ari 25:14

Ket dagiti caldero, ken dagiti soplad, ken dagiti pangarsang, ken dagiti cuchara, ken isu-amin dagiti al-alicamen a gambang a pagserservida idi, innalada.

2 Ar-ari 25:15

Ket dagiti pagiccan ti beggang, ken dagiti bacca, dagidi a balitoc, iti balitoc, ken dagidi a pirac, iti pirac; di capitan ti guardia impanna.

1 Cronicas 28:17

Ken dagiti pagadaw iti lasag, ken dagiti palangana, ken dagiti tagayan, a biig a balitoc; ken maipaay cadagiti binalitocan a malucong a tinimbeng a maipaay iti tunggal malucong; ken maipaay cadagiti malucong a pirac a tinimbeng a maipaay iti tunggal malucong;

2 Cronicas 4:11

Ket ni Huram inaramidna dagiti banga, ken dagiti soplad, ken dagiti palangana. Casta ti panangleppas ni Huram ti aramid nga inaramidna a maipaay ken ari Salomon iti balay ti Dios:

2 Cronicas 4:16

Dagiti banga met ken dagiti soplad, ken dagiti pagadaw iti lasag, ken amin nga al-alicamenna, inaramid ni Huram nga amana a gapu ken ari Salomon, a maipaay iti balay ni Jehova iti nasileng a gambang.

Exodo 24:6

Ket ni Moises innalana ti guddua ti dara, ket incabilna cadagiti palpalanggana; ket ti guddua di dara inwarisna iti rabaw ti altar.

Exodo 27:19

Dagup dagiti al-alicamen ti tabernaculo iti amin a pacaaramatanna, ken amin dagiti paspasocna ken amin dagiti paspasoc ti paraangan suerdanto.

Exodo 27:2

Ket mangaramidcanto iti sarsara ti altar iti rabaw dagiti uppat a sulsulina; dagiti sarana sangsangcapasetdanto kencuana: ket calupcupamto iti suer.

Exodo 27:4

Ket yaramidamto iti maysa a barandillas nga iniket a suer ket mangaramidcanto iti rabaw ti barandillas ti uppat a singsing a suer cadagiti uppat a sulsulina.

Exodo 38:3

Ket nangaramid cadagiti amin nga ar-aruaten ti altar, dagiti damdamili, ken dagiti sopsoplad, ken palangana dagiti pagadaw iti lasag, ken dagiti pagiccan iti benggang: dagiti amin nga ar-aruatenna inaramidna iti suer.

Levitico 16:12

Ket isu iggamannanto ti paginciensoan a napno iti beggang ti apuy nga aggapu iti altar iti saclang ni Jehova, ket ti imana a sipupunno iti nasayamusom nga incienso a natumtumec a sagbabassit, ket ipannanto iti uneg ti abbong:

Numero 4:14

Sada idissonto iti rabawna amin dagiti ar-aruatenna a pagservida idiay dagiti pagiccan iti beggang, ken dagiti pagadaw iti lasag, ken dagiti sopsoplad ken dagiti bacbacca, amin dagiti ar-aruat ti altar; ket yaplagdanto iti rabawna ti abbong a lalat ti foca, sada yusocto dagiti pagassiwan.