Exodo 26:19 - Ti Biblia (1973)

¹⁹ Ket mangaramidcanto iti uppat a pulo a batbatay a pirac iti baba dagiti duapulo a tabtabla; dua a batbatay iti baba ti maysa a tabla a pagsaadan dagiti dua nga pallaupo, ken dua a batbatay iti baba ti sabali a tabla a pagsaadan dagiti dua nga pallaupona:

Ti Baro a Naimbag a Damag Biblia

¹⁹ Mangaramidka met iti 40 a pirak a pagbatayan dagiti bastidor; dua a pagbatayan ti tunggal bastidor ket dagitoy ti pagsaadan dagiti suntana.

Exodo 26:19 Iomraidhean Croise

Exodo 26:17

Dua nga pallaupo iti tunggal tabla, agsangalto ti maysa ken maysa: casta ti aramidemto cadagiti amin a tabtabla ti tabernaculo.

Exodo 26:18

Ket aramidemto dagiti tabtabla ti tabernaculo, duapulo a tabtabla a maipan iti bangirna iti abagatan, agpaabagatan.

Exodo 26:20

Ket iti maicadua a bangir ti tabernaculo, nga bangirna iti amianan, duapulo a tabtabla.

Exodo 26:25

Ket addanto walo a tabtabla, ken dagiti batbatayda a pirac, sangapulo ket innem a batbatay; dua a batbatay iti babaen ti maysa a tabla, ken dua a batbatay iti babaen ti sabali a tabla.

Exodo 26:37

Ket yaramidamto ti cortina cadagiti lima nga adadigi nga cayo ti acacia ket calupcupamto ida iti balitoc; dagiti sasab-itanda balitocdanto: ket mangpandaycanto cadagiti lima a batbatayda a suer.

Exodo 27:10

Ket duapulonto dagiti adadigina, ket dagiti batbatayda duapulo, a suer; dagiti calcallawit dagiti adadigi ken dagiti putputiputda piracdanto.

Exodo 38:27

Ket dagiti sangagasut a talento a pirac isuda ti napanday a batbatay ti santuario, ken batbatay ti abbong; sangagasut a batbatay dagiti sangagasut a talento, maysa a talento ti maysa a batay.

Exodo 40:18

Ket ni Moises binangonna ti tabernaculo, ket indissona dagiti batbatayna, ket impatacderna dagiti tabtablana, ket inyusocna dagiti balbalunetna, ket impatacderna dagiti adadigina.

Kanta ni Solomon 5:15

Dagiti luppona cas la cadagiti adigi a marmol, a naisaad iti rabaw dagiti batay a balitoc a nasudi: ti langana umasping iti Libano, a nadayag a cas cadagiti cantingen.

Numero 3:36

Ket ti natuding nga aywanan dagiti annac ni Merari isunto dagiti tabtabla ti tabernaculo, ken dagiti balbalunetna, ken dagiti adadigina, ken dagiti batbatayna, ken amin nga ar-aruatna, ken amin nga iservi kencuana;