Exodo 24:6 - Ti Biblia (1973)

⁶ Ket ni Moises innalana ti guddua ti dara, ket incabilna cadagiti palpalanggana; ket ti guddua di dara inwarisna iti rabaw ti altar.

Ti Baro a Naimbag a Damag Biblia

⁶ Inkabil ni Moises kadagiti palanggana ti kagudua ti dara dagiti napapatay nga animal ket insuyatna iti altar ti nabati.

Exodo 24:6 Iomraidhean Croise

2 Ar-ari 17:15

Ket linacsidda dagiti pagal-alagadanna, ken ti tulagna, nga inaramidna idi cadagidi ammada, ken dagiti panpanecnecna a pinangpasingkedna cadacuada; ket sinurotda ti kinaubbaw, ket nagbalinda a naubbaw, ket napanda a siaannurot cadagiti nasnacion nga adda idi iti aglicmut cadacuada, maipapan cadagidiay ni Jehova binilinna ida idi a dida agaramid coma a cas cadacuada.

Dagiti Salmo 99:6

Da Moises ken Aaron iti gimong dagiti papadina, ken ni Samuel iti nagtengngaan dagiti umawawag iti naganna; immawagda ken Jehova, ket isu sinungbatanna ida.

Exodo 12:22

Ket mangalacayo coma iti sangareppet nga hisopo, ket isawsawyo iti dara a nagyan iti batia, ket iwarsiyonto iti ngato ti ruangan ken dagiti agsumbangir a baotec, ti dara nga nagyan iti batea; ket awanto cadacayo ti rumuar iti ruangan ti balayna agingga iti bigat.

Exodo 12:7

Ket mangaladanto iti dara, ket icabildanto iti baotec nga agsumbangir ken ngatoen ti ruangan, cadagiti balbalay a panganandanto.

Exodo 24:8

Ket ni Moises innalana di dara, ket inwarisna cadagiti tattao, ket kinunana, Adtoy ti dara ti tulag nga inaramid ni Jehova cadacayo maipanggep cadagitoy amin a sasao.

Exodo 29:16

Ket patayemto ti carnero, ket alaemto ti darana, ket iwarsimto iti lawlaw ti rabaw ti altar.

Exodo 29:20

Iti casta patayemto ti carnero, ket mangalaca iti darana, ket icabilmo iti toctoc ti lapayag a canawan ni Aaron, ken iti toctoc ti lapayag a canawan dagiti annacna a lallaki, ken iti tangan dagiti im-imada a makincanawan, ken iti tangan ti sacada a makincanawan, ket iwarsimto ti dara iti lawlaw ti rabaw ti altar.

Jeremias 31:32

Saan a cas idi tulag nga inaramidco cadagiti ammada, idi aldaw a panangibinco tapno aonec ida iti daga nga Egipto; daydi a tulagco dinadaelda, nupay siac idi ti asawa a lalaki cadacuada, cuna ni Jehova.

Levitico 1:11

Ket patayennanto iti sibay ti altar iti amianan iti saclang ni Jehova; ket dagiti annac ni Aaron, dagiti papadi, iwarisdanto ti darana iti rabaw ti altar nga aglawlaw.

Levitico 1:5

Ket mangpatayto iti vaca a lalaki iti sango ni Jehova: ket dagiti annac a lallaki ni Aaron, dagiti papadi, idatagdanto ti dara, ket iwarisdanto ti dara iti lawlaw ti rabaw ti altar nga adda iti ruangan ti tolda ti gimong.

Levitico 3:2

Ket pataynanto ti imana iti rabaw ti olo ti idatonna, ket patayennanto iti ruangan ti tolda ti gimong: ket dagiti papadi nga annac ni Aaron iwarisdanto ti dara iti lawlaw ti rabaw ti altar.

Levitico 3:8

Ket ipataynanto ti imana iti rabaw ti olo ti datonna, ket patayennanto iti sango ti tolda ti gimong: ket dagiti annac a lallaki ni Aaron iwarisdanto ti darana iti lawlaw ti rabaw ti altar.

Levitico 4:6

Ket ti padi ibabasananto ti ramayna iti dara, ket iwarisnanto ti dara iti maminpito iti saclang ni Jehova iti sangoanan ti abbong ti santuario.

1 Taga-Corinto 11:25

Ket casta met, innalana ti copa, idi calpasan ti panangrabii, a kinunana: Daytoy a copa isu ti Baro a Tulag iti darac; aramidenyo daytoy, a masansan nga uminumcayo, a maipaay a panglaglagip caniac.

Taga-Colosas 1:20

Ket gapu kencuana maicappia kencuana met laeng dagiti isu-amin a banbanag, idinto nga inaramidna ti cappia a gapu iti darana iti cruz; gapu kencuana, cunac uray dagiti adda iti rabaw ti daga, uray dagiti adda sadi langit.

Hebreo 12:24

Ken ni Jesus, a mangibabaet iti baro a tulag, ken iti dara nga iwaris, nga agsao cadagiti nasaysayaat a banbanag ngem daydi ken Abel.

Hebreo 8:9

Saan a cas iti tulag nga inaramidco cadagidi ammada Idi aldaw a panangibinco cadacuada, tapno iruarco ida idiay daga ti Egipto: Ket gapu ta saanda a nagtalinaed iti tulagco, Binaybay-ac ida, cuna ti Apo.

Hebreo 9:18

Gapuna uray daydi immuna a tulag saan a naconsagrar nga awan dara.

Hebreo 9:19

Ta idinto a naiwarragawag ni Moises dagiti amin a bilbilin a mayannurot iti linteg cadagiti amin nga umili, innalana ti dara dagiti urbon a vaca a lalaki a napacuyogan ti danum ken dutdot a nalabaga ti carnero ken ti hisopo, ket winarsianna daydi pagbasaan met laeng ken dagidi isu-amin nga umili.

Hebreo 9:21

Casta met daydi tabernaculo ken dagidi isu-amin nga arruaten ti panagservi iti Dios, winarsianna met ida iti dara.

1 Pedro 1:19

No di ket gapu iti napateg a dara, daydi dara ni Cristo a cas dara ti maysa a cordero nga awan ti pagdacsanna ken tulawna:

1 Pedro 1:2

A napilida cas mayannurot iti sigud a pannacaammo iti Dios Ama, babaen ti pannacapagsantoda gapu iti Espiritu a maipaay iti panagtulnog ken pannacaiwarsi ti dara ni Jesu-Cristo: Parabur ken talna ti umadu coma cadacayo.