Exodo 23:8 - Ti Biblia (1973)

⁸ Ket dica umawat iti sucsuc: ta ti sucsuc bulsekenna dagiti macakita, ket ballicugenna dagiti sasao ti nalinteg.

Ti Baro a Naimbag a Damag Biblia

⁸ Dikay umawat iti pasuksok, ta ti pasuksok pagbulsekenna ti tao ket dina makita ti nalinteg ken dadaelenna ti kalintegan dagiti awan basolna.

Exodo 23:8 Iomraidhean Croise

Dagiti Salmo 15:5

Dayta a saan nga agpaanac iti piracna, ket saanna nga awaten ti panucsoc a maibusor cadagiti nanengneng. Daydiay nga agaramid cadagitoy a banbanag saanto a maanano.

Dagiti Salmo 26:10

A cadagiti im-imada adda ti kinadangkes, ket ti canawan nga imada napno cadagiti pangsucsuc.

Dagiti Proverbio 15:27

Ti narawet iti gungunaen paringgorenna ti balayna met laeng; ngem ti manggura cadagiti pannucsuc, agbiagto.

Dagiti Proverbio 17:23

Ti nadangkes a tao awatenna ti pannocsoc nga aggapu iti barucong, a mangkillo cadagiti daldalan ti kinajusticia.

Dagiti Proverbio 17:8

Ti pannocsoc cas napateg a bato cadagiti matmata ti tao nga agicut; uray sadinoman a turongenna, rumang-ay.

Dagiti Proverbio 19:4

Ti sanicua paaduenna dagiti gagayyem; ngem ti napanglaw maisina iti gayyemna.

Eclesiastes 7:7

Pudno a ti panaggamsaw pagmaagenna ti masirib a tao; ket ti pannocsoc dadaelenna ti panagawat.

Isaias 1:13

Dicay mangyegen cadagiti datdaton nga ubbaw; ti incienso maysa a macarimon caniac; ti lutuad ken aldaw a panaginana, ti panaguurnong cadagiti gimgimong, diac maanusan ti kinadangkes ken nadaeg a gimong.

Isaias 1:23

Dagiti pangpanguloem managalsada, ken cadcadua ida dagiti mannanacaw; tunggal maysa cadacuada ayatenna ti panocsoc, ken surotsurotenna ti gunguna; dida icalintegan ti ul-ulila, ket di met dumanon cadacuada ti darum ti balo a babai.

Isaias 33:15

Daydiay magna a sililinteg, ken ti agsao a sipupudno; ti mangumsi iti sapul dagiti managparigat, ti mangiwagteng cadagiti im-imana ta dina cayat nga awaten ti pannocsoc, ti mangapput cadagiti lapayagna tapno di macangngeg iti dara, ken mangikidem cadagiti matana tapno saan a macakita iti dakes:

Isaias 5:22

Asi pay dagiti mamaingel nga aginum iti arac, ken tattao a napigsa a mamaglalaoc iti naingel nga inumen;

Isaias 5:23

A mangjustificar iti maysa a managdacdakes a gapu iti maysa a pannocsoc, ket pucawenda ti kinalinteg iti nalinteg.

Ezekiel 22:12

Kenca nangalada cadagiti panucsuc tapno agibuyatda iti dara; nangalaca iti paanac a nalabes, ket nagpatuboca a siagum cadagiti caarrubam gapu iti pammarparigat, ket sica linipatannac, cuna ni Apo Jehova.

Oseas 4:18

Ti inumenda nagbalin a naalsem; agbalangcantisda iti cancanayon; dagiti agturturayna ayatenda unay ti bain.

Amos 5:12

Ta ammoc dagiti nagcaadu a salungasingyo, ken dagiti nabantot a basbasolyo dacayo a mamagladingit cadagiti nalinteg, nga alaenyo ti panucsoc, ket ballicugenyo dagiti napanglaw iti calinteganda iti ruangan.

Mikias 7:3

Dagiti im-imada sigagagetda tapno aramidenda ti dakes; ti principe agdawat, iti sagut ket ti ocom sisasagana a masucsucan; ket ti dackel a tao, isawangna ti dakes a tarigagay ti cararuana; castoy ti panagtitinnulong ti panangabelda.

Deuteronomio 10:17

Ta ni Jehova a Diosyo isu ti Dios dagiti didios, ken Apo dagiti ap-appo, ti dackel a Dios, ti mannacabalin, ken nacabutbuteng, nga awan idadumana a tao, wenno di agala iti panocsoc.

Deuteronomio 16:19

Dicanto kilkilloen ti justicia: dicanto pagdudumaen dagiti tattao: dicanto met awaten ti panocsoc; ta ti pangsocsoc bulsekenna dagiti mata ti masirib, ket ballicugenna dagiti sasao dagiti nalinteg.

1 Samuel 12:3

Adtoyac: manacsicayo iti maibusor caniac iti sango ni Jehova, ken iti sango ti pinulotanna: innalac aya ti vaca ti uray siasinoman? wenno innalac aya ti vaca ti uray siasinoman? Wenno siasino ti sinuiticco idi? siasino ti pinagrigatco idi? Wenno iti ima ti siasino ti nangalaac ti panocsoc isu a nangbulsecac cadagiti matac? ket isu isublicto cadacayo.

1 Samuel 8:3

Ket dagiti annacna saanda idi a nagna cadagiti daldalanna, no di ket simmiasida a siaannurot iti kinaagum, ket nagalada cadagiti pannocsoc, ket kinilloda ti kinajusticia.