Exodo 23:6 - Ti Biblia (1973)

⁶ Dica caniwasen ti calintegan ti napanglawmo iti ringgorna.

Ti Baro a Naimbag a Damag Biblia

⁶ “No maisaklang ti napanglaw, diyo ipaidam ti hustisia kenkuana.

Exodo 23:6 Iomraidhean Croise

2 Cronicas 19:7

Ita ngarud adda coma cadacayo ti buteng ken Jehova; aluadanyo ket aramidenyo, ta awan ti kinadangkes ken Jehova a Diostayo, wenno panangidaduma iti kinatao, wenno panangawat iti panocsoc.

Ti Libro ni Job 31:13

No diac impateg ti panggep ti adipenco a lalaki wenno babai, idi nakisinnurtoanda caniac;

Dagiti Proverbio 18:5

Ti pammadayaw iti kinatao ti nadangkes saan a nasayaat, uray ti panangkillo iti nalinteg iti panangocom.

Dagiti Proverbio 22:22

Dica tacawan ti napanglaw, gapu ta napanglaw; dica met parigaten ti sililiday iti ruangan:

Dagiti Proverbio 31:5

Di la ket ta uminumda, ket malipatanda ti linteg, ket killoenda ti kinajusticia iti siasinoman a mapaldaangan.

Eclesiastes 5:8

No makitam ti pannacaparigat ti napanglaw, ken ti maipapilit a pannacaiccat ti kinajusticia ken kinalinteg iti maysa a provincia, dica masdaaw iti maaramid; ta maysa a nangatngato ngem iti ngato ti mangicancano; ket adda dagiti nangatngato ngem dagidiay.

Isaias 5:23

A mangjustificar iti maysa a managdacdakes a gapu iti maysa a pannocsoc, ket pucawenda ti kinalinteg iti nalinteg.

Jeremias 5:28

Limmucmegda, agsilnagda; wen, isuda aglabesda cadagiti aramid ti kinadakes; saanda a salaysayen ti panggep, ti panggep ti ulila, tapno rumang-ayda coma; ket ti calintegan dagiti nacacaasi saanda nga ocomen.

Jeremias 6:28

Isuda amin nasukirda unay, agpasiarda a mamarpardaya; isuda dagiti suer ken landoc; isuda amin manangallilawda.

Jeremias 7:6

No saanyo nga irurumen ti gangannaet, ti ulila, ken ti balo, ken dicayo mangiparucpuc ti awan basolna a dara iti daytoy a disso, ket dicayo met sumurot cadagiti sabali a diosen nga agpaay a pacaranggasanyo met laeng;

Levitico 19:15

Dicayto aramiden ti kinakillo iti panangocom: dicanto idumduma ti kinatao ti napanglaw, wenno bigbigen ti kinatao ti mannacabalin; ngem iti naincalintegan ti pangocommo iti padam a tao.

Malakias 3:5

Ket siac umasidegacto cadacayo iti panangocom; ket nasiglatacto a sacsi a maibusor cadagiti managanito, ken maibusor cadagiti mannakicamalala, ken maibusor cadagiti naulbod a managsapata, ken maibusor cadagiti mangilupit cadagiti mangmangged cadagiti tangdanda, iti balo a babai, ken cadagiti ul-ulila, ken mangballicug iti gangannaet iti calinteganna, ken saan nga agbuteng caniac, cuna ni Jehova dagiti buybuyot.

Deuteronomio 16:19

Dicanto kilkilloen ti justicia: dicanto pagdudumaen dagiti tattao: dicanto met awaten ti panocsoc; ta ti pangsocsoc bulsekenna dagiti mata ti masirib, ket ballicugenna dagiti sasao dagiti nalinteg.

Deuteronomio 27:19

Mailunod ti mangipakillo iti calintegan ti gangannaet, ti ulila, ken ti balo a babai. Ket amin a tattao cunadanto, Sapay coma.

1 Samuel 8:3

Ket dagiti annacna saanda idi a nagna cadagiti daldalanna, no di ket simmiasida a siaannurot iti kinaagum, ket nagalada cadagiti pannocsoc, ket kinilloda ti kinajusticia.