Exodo 23:1 - Ti Biblia (1973)

¹ Dica anamungan ti naulbod a damag: dica icabil ti imam a bumuyog iti nadamca nga agbalinca a naulbud a sacsi.

Ti Baro a Naimbag a Damag Biblia

¹ “Dikay agiwaras iti sao nga awan kinapudnona. Dikay tulongan ti tao a nagbasol babaen iti panagsaksiyo iti ulbod.

Exodo 23:1 Iomraidhean Croise

Genesis 39:17

Ket nagsao kencuana cadagitoy cacastoy a sasao a kinunana, Daydi adipen nga Hebreo, nga inyegmo cadata, immay caniac tapno mangrabrabac caniac:

2 Samuel 16:3

Ket ti ari kinunana, Sadino ti yan ti anac ti apom? Ket ni Siba kinunana iti ari, Adtoy, isu nagbati idiay Jerusalem; ta kinunana, Iti daytoy nga aldaw maisublinto caniac ti balay ti Israel a pagarian ni amac.

2 Samuel 19:27

Ngem isu binallaibuna ti adipenmo iti saclang ti apoc nga ari; ngem ti ari nga apoc isu ti cas maysa nga angel ti Dios: gapuna nga aramidem ti aniaman a naimbag cadagita matam.

Dagiti Salmo 101:5

Siasinoman a mamadpadakes a nalimed iti caarrubana isu ti dadaelecto; ti adda nangato a panagkitkitana ken natangsit a panagpuspusona diacto panoynoyan.

Dagiti Salmo 120:3

Ania ti maitedto kenca, ken ania ti mainayonto pay kenca, sica manangiculbo a dila?

Dagiti Salmo 15:3

Dayta a saan a mamadpadakes gapu iti dilana, ket saan a mangranggas iti gayyemna, ket saan a mangumsi a maibusor iti caarrubana;

Dagiti Salmo 27:12

Dinac iyawat iti nakem dagiti casupadic: ta dagiti natiri a sacsacsi timmacderda a bumusor caniac, ket dagita isangawda ti kinadawel.

Dagiti Salmo 35:11

Dagiti natiri a sacsi tumacderda; pagintuodandac cadagiti banbanag a diac ammo.

Exodo 20:16

Dica agsacsi iti ulbod a maibusor iti padam a tao.

Exodo 23:7

Adayoam iti naulbod a panggep; ket dagiti awan basolna ken nalinteg dica patayen: ta diacto ibilang a nalinteg ti nadamsac.

Dagiti Proverbio 10:18

Ti mangilimed iti gura naulbod dagiti bibigna; ti agsao iti pammadpadakes maag.

Dagiti Proverbio 12:17

Ti mangyesngaw iti pudno iparangarangna ti kinalinteg; ngem ti naulbod a sacsi mangallilaw.

Dagiti Proverbio 14:5

Ti matalec a sacsi dinto agtiri; ngem ti naulbod a sacsi agyesngaw cadagiti tiri.

Dagiti Proverbio 17:4

Ti managdacdakes imdenganna dagiti nadangkes a bibig; ket ti naulbod ipangagna ti dila a naranggas.

Dagiti Proverbio 19:28

Ti awan cais-iscanna a sacsi rabrabngisenna ti kinajusticia; ket ti ngiwat ti kinadangkes agalimon iti kinadakes.

Dagiti Proverbio 19:5

Ti natiri a sacsi saanto a di madusa; ket ti agyesngaw cadagiti ulbod dinto macalapsut.

Dagiti Proverbio 19:9

Ti natiri a sacsi saanto a di madusa; ket ti agyesngaw cadagiti ulbod mapucawto.

Dagiti Proverbio 21:28

Ti natiri a sacsi mapucawto; ngem ti tao a macangngeg agsaonto tapno agtalinaed.

Dagiti Proverbio 24:28

Saanca nga agsacsi iti maibusor iti caarrubam nga awan gapgapuna; ket dica mangallilaw babaen cadagiti bibigmo.

Dagiti Proverbio 25:18

Ti tao nga agsacsi iti ulbod a maibusor iti caarrubana isu ti pang-or, campilan, ken natirad a pana.

Dagiti Proverbio 25:23

Ti angin nga amian iparangna ti tudo: casta ti aramiden ti managtanabutob a dila iparangna ti naunget a langa.

Dagiti Proverbio 6:19

Natiri a sacsi nga agbalicas iti ulbod, ken ti agmula iti riri cadagiti agcacabsat.

Jeremias 20:10

Ta nangngegco ti panangumsi ti adu, ti pagbutngan iti tunggal sikigan. Agdarum cunada, ket isu idarumminto, cuna dagiti amin a caingongotco a gagayyem, isuda nga agururay iti pannacatuangco; nalabit isu mauyotanto, ket agbal-ligitayto a maibusor kencuana, ket datayo macabalestayto kencuana.

Levitico 19:11

Dicayto agtacaw, wenno agaramid a siuulbod, wenno aggiinnulbod.

Levitico 19:16

Dicanto agpagnapagna a cas maysa a natarabitab cadagiti cailiam: dicanto met agpangep iti maicaniwas iti dara ti padam a tao: siac ni Jehova.

San Mateo 19:18

Kinunana kencuana: Aniada? Ni Jesus kinunana: Dica mamapatay; Dica makiabig iti saanmo nga asawa; Dica agtacaw; Dica agsao ti natiri a pangpanecnec;

San Lucas 19:8

Ket ni Zaqueo nagtacder, ket kinunana iti Apo: Adtoy, ti guddua dagiti cucuac Apo, itedco cadagiti napanglaw; ket no adda nangulbudac iti asinoman a tao, isublic ti maminpat pay nga caadu.

San Lucas 3:14

Ket dagiti soldado inintuudda met kencuana a kinuna: Ket dacami, ania ti rebbengmi nga aramiden? Ket kinunana cadacuada: Saancayo nga agaramid ti ranggas iti uray asino, ket dicay mangpabpabasol; ket yamanenyo ti tangdanyo.

San Juan 7:51

Ocomen aya ti lintegtayo ti tao, no dina umuna a denggen, ken ammoen ti aramidenna?

Taga-Roma 3:8

Ket apayapay a saan a sao-en (cas iti pannacapabasoltayo, ken cas panecnecan dagiti dadduma a cuncunatayo cano): Aramidentayo coma ti dakes tapno umay ti naimbag? Ti pannacadusa dagitoy, maiparbeng.

Taga-Efeso 4:25

Gapuna, baybay-anyo ti kinaulbod ket sao-enyo ti pudno tunggal maysa iti padana a tao, ta datayo agkikinnamcamengtayo ti maysa ken maysa.

Deuteronomio 5:20

Dica met agsacsi iti ulbod a maibusor iti padam a tao.

2 Timoteo 3:3

Awananda iti ayat a nacayanacan, awan pannacapnecda, managpadpadakes, saanda a managparbeng, nauyongda, gumurgurada cadagiti naimbag,

1 Pedro 3:16

Nga adda nasayaat a nakemyo; tapno iti daydiay met laeng a pangsao-anda ti dakes cadacayo, mabainan dagiti manguyaw iti nasayaat a panagbiagyo ken Cristo.

Paltiing 12:10

Ket nangngegco ti maysa a dackel a timec sadi langit, nga cuncunana: Ita immayen ti pannacaisalacan ken ti pannacabalin ken ti pagarian ti Diostayo, ken ti panagturay ni Cristona; ta ti mangidardarum cadagiti cacabsattayo naitapuaken, daydiay mangidardarum cadacuada iti sangoanan ti Diostayo bayat ti aldaw ken rabii.