Exodo 22:4 - Ti Biblia (1973)

⁴ No ti tinacaw matumpungan a sibibiag iti imana, vaca man, wenno asno, wenno carnero; bayadannanto iti mamindua.

Exodo 22:4 Iomraidhean Croise

Exodo 21:16

Ket iti agtacaw iti maysa a tao ket ilacona, wenno masaracan iti biangna, di bumurong a mapapatayto.

Exodo 22:1

No ti maysa a tao agtacaw iti maysa a vaca wenno carnero, ket patayenna wenno ilacona; bayadannanto iti lima a vaca ti maysa a vaca, ken uppat a carnero ti maysa a carnero.

Exodo 22:5

No maysa a tao agpaarab ti talon wenno cauvasan, ket ibabatannanto ti animalna, ket agarab iti talon ti sabali a tao; iti casasayaatan nga adda iti cucuana met laeng a talon, ken ti casasayaatan iti cauvasanna met laeng ti pagbayadnanto.

Exodo 22:7

No maysa a tao yawatna iti padana a tao ti pirac wenno alicamen tapno idulinna, ket matacaw iti balay daytoy a tao: no matumpungan ti bircug, bayadannanto iti mamindua.

Exodo 22:9

Maipangep iti amin nga aramid a salungasing, uray maipapan iti vaca, wenno asno, wenno carnero, wenno pagan-anay, wenno maipapan iti uray ania a nacapucawan ti cucua, isu a pagcunaan ti maysa, Isu daytoy, ti ringgor dagiti dua dumanonto iti saclang ti Dios; ti dusaento ti Dios isu ti agbayadto iti padana a tao iti mamindua.

Dagiti Proverbio 6:31

Ngem no masalamaan, isublinanto ti maminpito; itednanto amin a sanicta iti balayna.

Isaias 40:2

Agsaocayo a sililiwliwa iti Jerusalem; ket ipuccawyo kencuana a ti pannakidangadangna nanungpalen, ta ti kinadangkesna napacawanen, nga isu inawatna iti ima ni Jehova iti mamindua a maipaay iti amin a basbasolna.

Jeremias 16:18

Ket umuna supapacacto ti kinadakesda ken ti basolda iti mamindua, agsipud ta tinulawanda ti dagac cadagiti bangcay dagiti nacarurrurud a banbanagda, ken pinunnoda ti tawidco cadagiti kinarimonda.

Levitico 6:5

Wenno aniaman a sinapataanna iti tiri, isublinanto met laeng nga awan macsay, ket nayonannanto pay iti apagcalimana: ket ti agtagicua isu ti pangitedannanto iti aldaw a pannacasaracna iti nacabaddutanna.

Paltiing 18:6

Supapacanyo a cas ti impaayna met; ket paminduaenyo ti mamindua, kencuana, cas mainugot cadagiti ar-aramidna; iti copa a nangilaocanna, ilaocanyo iti mamindua a maipaay kencuana.

1 Samuel 12:5

Isu kinunana cadacuada, Ni Jehova isu ti macasacsi a maibusor cadacayo, ket ti pinulotanna isu ti macasacsi ita nga aldaw, a dacayo dicayo nacasarac iti uray aniaman iti imac. Ket isuda kinunada, Isu ti macasacsi.