Exodo 20:8 - Ti Biblia (1973)

⁸ Laglagipem ti aldaw a panaginanana tapno santificarem.

Ti Baro a Naimbag a Damag Biblia

⁸ “Ngilinem ti Aldaw a Panaginana ket ibilangmo a nasantoan.

Exodo 20:8 Iomraidhean Croise

Genesis 2:2

Ket iti maicapito nga aldaw ti Dios lineppasna ti gapuanan nga inaramidna, ket naginana iti maicapito nga aldaw cadagiti isu-amin a gapuanan nga inaramidna.

Genesis 2:3

Ket binendicionan ti Dios ti aldaw a maicapito ket sinantificarna: agsipud ta kencuana ti naginanaanna cadagiti amin a gapuanan a ti Dios pinarsuana ken inaramidna.

Nehemias 13:15

Cadagidi nga al-aldaw nakitac idiay Juda dagiti dadduma a lallaki nga agbadbaddec cadagiti pagpespesan iti uvas iti aldaw a panaginana, ken agyeg cadagiti pinungo, ken ipaawitda cadagiti as-asno dagidi; casta met ti arac, uv-uvas, ken highigos, ken amin a kita dagiti aw-awiten, nga inserrecda idiay Jerusalem iti aldaw a panaginana: ket pinanecnecac iti maibusor cadacuada iti aldaw a panaglacoda cadagiti macmacan.

Nehemias 9:14

Ken impacaammom cadacuada ti nasantoan nga aldaw a panaginana, ket imbilinmo cadacuada dagiti bilbilin, ken al-alagaden, ken maysa a linteg, iti pannacaaramat ni Moises nga adipenmo,

Exodo 23:12

Innem nga aldaw agtrabajocanto, ket iti maicapito nga aldaw aginanacanto; tapno ti vacam ken ti asnom aginanada, ket ti anac a lalaki ti adipenmo a babai, ken ti gangannaet mabang-aranda.

Exodo 31:12

Ket ni Jehova nakisao ken Moises, a cunana,

Exodo 35:1

Ket ni Moises tiniptiponna amin a gimong dagiti annac ti Israel, ket kinunana cadacuada, Dagitoy dagiti sasao nga imbilin ni Jehova, tapno aramidenyo ida.

Isaias 56:2

Nagasat ti tao a mangaramid itoy, ken ti anac ti tao a mangsalimetmet a sibibileg kencuana; a ngilinenna ti aldaw a panaginana ket dina ipabpabareng, ken igawidna ti imana iti panangaramidna iti aniaman a dakes.

Isaias 58:13

No ibawingmo ta sacam iti aldaw a panaginana, iti panagaramid iti ragsacmo iti aldawco a nasantoan; ket naganem ti aldaw a panaginana a maysa a rag-o, ken nasantoan ni Jehova a nadayag; ket isunto ti dayawem, dica aramiden dagiti daldalanmo met laeng, dica sapulen ti ragsacmo met laeng, dica saoen dagiti saom met laeng;

Jeremias 17:21

Castoy ti cuna ni Jehova, Agannadcayo cadagiti bagiyo met laeng, ket dicayo agawit iti awiten iti aldaw a panaginana, ket dicay met iserrec cadagiti ruangan ti Jerusalem;

Jeremias 17:22

Castamet a dicay mangiruar iti maysa nga awiten cadagiti balbalayyo cadagiti aldaw a panaginana, ket saancayo met nga agaramid iti aniaman a trabajo: ngem ngilinenyo ti aldaw a panaginana, cas imbilinco cadagiti ammayo.

Jeremias 17:24

Ket maaramidto, no siaannadcayo a mangipangag caniac, cuna ni Jehova, a dicayo mangiserrec iti awiten, cadagiti ruangan daytoy nga ili iti aldaw a panaginana, no di ket ngilinenyo ti aldaw a panaginana, a dicayo agtrabajo kencuana;

Ezekiel 20:20

Ket ngilinenyo dagiti al-aldawco a panaginana; ket isudanto ti maysa a tanda caniac ken cadacayo, tapno maammoanyo a siac ni Jehova a Diosyo.

Levitico 19:3

Tummunggal maysa a tao cadacayo cabutengnanto ni inana ken amana; ket ngilinenyonto dagiti aldaw a panaginana: siac ni Jehova a Diosyo.

Levitico 19:30

Ngilinenyonto dagiti aldawco a panaginana, ket daydayawenyonto ti santuarioc: siac ni Jehova.

Levitico 23:3

Cadagiti innem nga al-aldaw agtrabajocayo: ngem ti maicapito nga aldaw isu ti maysa nga inana ti nadaeg a panaginana, ti maysa a nasantoan a pacagimongan; dicayto agtrabajo iti uray ania: isu ti maysa nga aldaw a panaginana ken Jehova iti isu-amin a pagnaedanyo.

Levitico 26:2

Ngilinenyonto dagiti aldawco a panaginana, ket pagraemanyonto ti santuarioc: siac ni Jehova.

Numero 15:32

Ket idi caadda dagiti annac ti Israel iti let-ang, nasaracanda ti maysa a lalaki nga agummong ti sungsungrod iti aldaw a panaginana.

Deuteronomio 5:12

Laglagipem ti aldaw a panaginana, tapno salimetmetam a nasantoan, cas ni Jehova a Diosmo imbilinna kenca.