Exodo 20:7 - Ti Biblia (1973)

⁷ Dica aramaten iti barengbareng ti nagan ni Jehova a Diosmo ta ni Jehova saannanto a di pabidduten ti mangaramat iti naganna iti barengbareng.

Ti Baro a Naimbag a Damag Biblia

⁷ “Dimo aramaten ti naganko iti dakes a panggep gapu ta, siak, ni Yahweh a Diosmo, dusaek ti siasinoman a barengbareng ti panangusarna iti naganko.

Exodo 20:7 Iomraidhean Croise

Genesis 27:20

Ket ni Isaac kinunana iti anacna, Casano ti pannacasaracmo a nadaras, unay, anacco? Ket kinunana, Ta ni Jehova a Diosmo pinagasatnac.

1 Ar-ari 2:9

Ita nupay casta isu dica ibilang nga awanan biddut, ta lalakica a masirib; ket ammomto ti rebbengmo nga aramiden kencuana, ket pagbabaemto ngarud ti ubanan nga olona a sidadara iti tanem.

2 Ar-ari 5:20

Ngem ni Giezi, a tagabu ni Eliseo a lalaki ti Dios, kinunana, Adtoy, a ni apoc inliclicna daytoy a Naaman a Sirio, iti dina panangawat cadagiti imana iti daydiay nga inyegna. Cas sibibiag ni Jehova, a siac tumarayacto a sumurot kencuana, ket alaecto kencuana ti dadduma.

Dagiti Salmo 139:20

Ta agsaoda a sidadangkes iti maibusor kenca, ket dagiti cabcabusormo aramatenda a barengbareng ti naganmo.

Dagiti Proverbio 30:9

Di la ket ta aglaplapusananac, ket ilibacca, ken cunaec, siasino ni Jehova? Wenno di la ket ta pumanglawac, ket agtacawac, ken aramatec a sibabassawang ti nagan ti Diosco.

Jeremias 34:16

Ngem nagbaw-ingcayo ket minulitanyo ti naganco, ket pinasubliyo tunggal tao ti bag-enna a lalaki ken tunggal tao ti bag-enna a babai, dagidiay pinalubosanyo idi nga agwayawaya a cas macaay-ayo cadacuada; ket pinagbalinyo ida a maipaayda a bag-enyo a lallaki ken babbai.

Jeremias 4:2

Ket isapatamto, Cas sibibiag ni Jehova, iti kinapudno, iti kinajusticia, ken iti kinalinteg; ken dagiti nasnacion mabendicionanda kencuana, ket kencuana agragrag-odanto.

Ezekiel 39:7

Ket ti nasantoan a naganco ipacaammocto iti tengnga ti ilic nga Israel; ket diacto metten itured a ti nasantoan a naganco matabbaawan: ket dagiti nasnacion mabigbigdanto a siac ni Jehova, ti Santo ti Israel.

Levitico 19:12

Ket dicayto agsapata a siuulbod gapu iti naganco, ken ipabpabareng ti nagan ti Diosyo: siac ni Jehova.

Malakias 3:5

Ket siac umasidegacto cadacayo iti panangocom; ket nasiglatacto a sacsi a maibusor cadagiti managanito, ken maibusor cadagiti mannakicamalala, ken maibusor cadagiti naulbod a managsapata, ken maibusor cadagiti mangilupit cadagiti mangmangged cadagiti tangdanda, iti balo a babai, ken cadagiti ul-ulila, ken mangballicug iti gangannaet iti calinteganna, ken saan nga agbuteng caniac, cuna ni Jehova dagiti buybuyot.

2 Taga-Corinto 1:23

Ngem awagac ti Dios a pannacasacsi toy cararuac, a gapu iti panangsalacnibco cadacayo, diac pay laeng umay dita Corinto.

Deuteronomio 10:20

Agbutencanto ken Jehova a Diosmo; agservicanto kencuana ket cumpetcanto kencuana, ket iti naganna agsapatacanto.

Deuteronomio 5:11

Dica aramaten nga ipabpabareng ti nagan ni Jehova a Diosmo; ta ni Jehova saannanto a di pabasolen ti mangaramat iti naganna iti barengbareng.

Deuteronomio 6:13

Agamangaca ken Jehova a Diosmo; ket agservicanto kencuana, ket agsapatacanto iti naganna.

Santiago 5:12

Ket nangnangrona ngem iti isu-amin, cacabsatco, saancayo nga agsapata uray gapu iti langit, uray gapu iti daga, wenno aniaman a sabali a sapata; no di ket ti panagwenyo isu coma ti wen; ket ti panagsaanyo isu coma ti saan; tapno dicay matnag iti pannacaocom.

Josue 2:12

Agdawatac ngarud cadacayo itatta, a pagsapataandac gapu ken ni Jehova, nga cas iti panangngaasic cadacayo, casta met ti aramidenyo iti balay ni amac, ket iccandac iti napudno a tanda;

Josue 2:17

Ket dagiti lallaki kinunada kencuana, Dacami dicamto mapabasol iti daytoy a sapatam isu a pinaisapatam cadacami.

Josue 9:20

Daytoy ti aramidentayonto cadacuada, ket baybay-antayo ida nga agbiag: di la ket ta umay ti pungtot cadatayo, a gapu iti sapata nga insapatami cadacuada.