Exodo 20:6 - Ti Biblia (1973)

⁶ Ken mangipaay iti naayat nga asi cadagiti rinibribu nga agayat caniac ken mangsalimetmet cadagiti bilbilinco.

Ti Baro a Naimbag a Damag Biblia

⁶ Ngem ipakitak ti panagayatko iti rinibu a kaputotan dagiti agayat kaniak ken mangtungpal kadagiti bilinko.

Exodo 20:6 Iomraidhean Croise

Nehemias 1:5

Ket kinunac, Gumawawaac kenca, O Jehova, a Dios ti langit, a dackel ken nacakigkigtot a Dios, a mangsalimetmet iti tulag ken kinamanangngaasi cadagiti agayat kencuana ken mangsalimetmet cadagiti bilbilinna:

Dagiti Salmo 103:17

Ngem ti kinamanagayat ni Jehova cadagiti agbuteng kencuana manipud iti kinaagnanayon agpapan iti kinaagnanayon, ket ti kinalintegna agpaay cadagiti annac dagiti anannac;

Exodo 34:7

Manalimetmet iti caasi a siaayat a maipaay cadagiti rinibribu, mamacawan iti kinadakes ken salungasing ken basol; ket iti uray caano dina canunungan ti nacabasol, ipasarungcarna iti kinadakes dagiti amma cadagiti annac, ken cadagiti annac dagiti annac, agpapan maicatlo ken cadagiti maicapat a caputotan.

Dagiti Proverbio 3:1

Anacco, dica lipaten ti lintegco ngem salimetmetam coma dita pusom dagiti bilbilinco:

Jeremias 32:18

Sica a mangipakita ti kinamanangngaasi cadagiti rinibu ken mangsupapac iti kinadangkes dagiti amma iti saclot dagiti annacda iti calpasanda, ti naindaclan, ti nabileg a Dios, Jehova dagiti buybuyot ti naganna;

Daniel 9:4

Ket nagcararagac ken Jehova a Diosco, ket nagpudnoac, ket kinunac, O Apo, ti dackel ken pagbutngan a Dios, a mangsalimetmet iti tulag ken kinamanangngaasi cadagiti agayat kencuana ken mangtungpal cadagiti bilbilinna,

Numero 14:18

Ni Jehova nabannayat nga agpungtot, ket aglablabonan iti caasi a naayat, mamacawan iti kinadakes ken iti kinasalungasing ket uray apagapaman dina baybay-an ti macabiddut, a pasarungcaranna ti kinadakes dagiti amma cadagiti annac, cadagiti maicatlo ken maicapat a caputotan.

San Juan 14:15

No ayatendac, tungpalenyo dagiti bilbilinco.

San Juan 14:21

Ti addaan cadagiti bilbilinco ket tungpalenna, ida isu dayta ti agayat caniac, ket ti agayat caniac, ayatento ni Amac, ken isu ayatecto, ket agparangacto kencuana.

Dagiti Aramid 2:39

Ta ti cari maipaay cadacayo ken cadagiti annacyo, ken cadagiti isu-amin nga adda iti adayu; isu-amin nga ayabanto ti Apo a Diostayo.

Deuteronomio 4:37

Ket gapu ta inay-ayatna dagiti ammam, a pinilina dagiti putotda a simmono cadacuada, ket iti caaddana, ken iti dackel a pannacabalinna, inaonnaca iti Egipto;

Deuteronomio 5:29

O anian coma no adda cadacuada dayta a puso, tapno agbutengda coma caniac, ken salimetmetanda dagiti amin a bilbilinco iti agnanayon, tapno agbalinda a naimbag ken cadagiti annacda iti agnanayon!

Deuteronomio 7:9

Iti casta ammoem a ni Jehova a Diosmo, isu ti Dios; ti pagcammatalcan a Dios, a salimetmetanna ti tulag ken panangngaasi cadagiti agayat kencuana, ken agtungpal cadagiti tulagna, agpapan rinibribu a capcaputotan,

Santiago 1:12

Nagasat ti tao a macaitured iti pannacasulisog; ta inton masuuten, awatennanto ti balangat ti biag, nga incari ti Apo cadagiti agayat kencuana.

1 Juan 4:19

Datayo agayattayo, agsipud ta isu inayatnatayo nga immuna.

1 Juan 5:3

Ta daytoy ti ayat ti Dios, a tungpalentayo coma dagiti bilbilinna; ket dagiti bilbilinna saanda a macapadagsen.

2 Juan 1:6

Ket daytoy ti ayat, a magmagnatayo coma cas mayannurot cadagiti bilbilinna. Daytoy ti bilin, cas iti nangngegyo nanipud idi punganay, a magmagnacayo coma kencuana.