Exodo 20:5 - Ti Biblia (1973)

⁵ Dica irucnoy ti bagim cadacuada wenno pagservian ida; ta siac ni Jehova a Diosmo manangimonac a Dios, a mangipasarungcar iti kinadakes dagiti amma cadagiti annac, cadagiti maicatlo ken maicappat a caputotan dagiti gumura caniac.

Ti Baro a Naimbag a Damag Biblia

⁵ Dika agrukbab wenno agdaydayaw iti uray ania a kinitikitan a ladawan agsipud ta siak, ni Yahweh a Diosmo, ket managimonak. Dusaek dagiti gumura kaniak, agraman dagiti annakda agingga iti maikatlo ken maikapat a kaputotan.

Exodo 20:5 Iomraidhean Croise

2 Samuel 21:1

Ket cadagiti al-aldaw ni David adda idi bisin bayat ti tallo a tawen, a nagsasaruno; ket ni David sinapulna ti rupa ni Jehova. Ket ni Jehova kinunana, Isu ti maipuon ken ni Saul, ken gapu iti balay a nadara, agsipud ta pinatayna dagiti Gabaonitas.

2 Samuel 21:6

Mayawat coma cadacami dagiti pito a lallaki cadagiti annacna, tapno ibitinmi coma ida ken Jehova idiay Gabaa ni Saul, a pinili ni Jehova. Ket ti ari kinunana, Siac itedconto ida.

1 Ar-ari 19:10

Ket isu kinunana, Siac naimonac unay idi a maipaay ken Jehova, ti Dios dagiti buybuyot; ta dagiti annac ti Israel inidianda ti tulagmo, rinebbada dagiti altarmo, ket pinatayda dagiti mammadtom iti campilan: ket siac, sisiac laeng, ti natda; ket isuda sapsapulenda ti biagco, tapno iccatenda.

1 Ar-ari 21:29

Nakitam no casano ti panagpacumbaba ni Acab iti sangoc? agsipud ta isu met laeng nagpacumbaba iti sangoc, siac diacto yeg ti dakes cadagiti al-aldawna; ngem cadagiti al-aldaw ti anacna yegconto ti dakes iti balayna.

2 Ar-ari 17:35

Agraman cadagidiay a ni Jehova nagaramidanna idi iti tulag, ken binilinna ida, a kinunana, Dicayto agbuteng cadagiti sabsabali a didios, dicayto agrucnoy cadacuada, dicayto agservi cadacuada, dicayto agidaton cadacuada:

2 Ar-ari 17:41

Iti casta dagiti nasnacion nagbutengda ken ni Jehova, ket nagservida cadagiti kinitikitan a ladladawan; casta met dagiti annacda, ket dagiti annac dagiti annac nagaramidda a cas cadagiti ammada, casta ti ar-aramidenda agingga itoy nga aldaw.

2 Ar-ari 23:26

Nupay no casta ni Jehova saan a nagbawing iti rungsot ti dackel a pungtotna, a ti pungtotna simged idi a maibusor iti Juda, a gapu iti isu-amin a panggargari isu a pinanggargari kencuana ni Manases.

2 Ar-ari 5:18

Iti daydiay a banag ni Jehova pacawanenna ti adipenmo: nga intono ni apoc mapan iti balay ni Rimmon tapno agcararag idiay, ket agsammaked iti imac, ket siac agrucnoyac idiay balay ni Rimmon, iti panagrucnoyco idiay balay ni Rimmon, iti daydiay a banag ni Jehova pacawanenna coma ti adipenmo.

2 Ar-ari 5:27

Gapuna a ti cucutel ni Naaman cumpetto kenca, ken iti putotmo iti agnanayon. Ket isu rimmuar a naggapu iti saclangna nga agcucutel a napudaw unay a casa iti nieve.

2 Cronicas 25:14

Ket naaramid idi nagsubli ni Amasias a naggapu iti panangpapatay cadagiti Idumeos, nga insangpetna dagiti didios dagiti annac ti Seir, ket insaadna ida a didiosna, ket nagrucnoy iti sangoananda, ket pinuuranna ti incienso cadacuada.

2 Cronicas 7:19

Ngem ket di no sumiasicayo, ket baybay-anyo dagiti ipaalagadco ken bilbilinco nga incabilco iti sangoyo, ket incayo agservi cadagiti didiosen a sabali, ket agrucbabcayo cadacuada;

Ti Libro ni Job 21:19

Cunaenyo, Ti Dios salimetmetanna ti kinadangkes ti ama a maipaay cadagiti annacna. Isu supapacanna coma daydiay met laeng, tapno maammoanna coma:

Ti Libro ni Job 5:4

Dagiti annacna adayuda iti kinatalged, ket maburacda idiay ruangan, awan met ti asinoman a mangisalacan cadacuada:

Dagiti Salmo 109:14

Ti kinadakes dagiti dadackelna maipalpalagip coma ken Jehova; ket ti basol ti inana di coma mapunas.

Dagiti Salmo 78:58

Ta ginargarida a nacapungtot gapu cadagiti nangato a dissoda, ket ginutugotda nga agimon gapu cadagiti nakitikitan a ladawanda.

Dagiti Salmo 79:8

Dica cadi isingir cadacami dagiti kinadakes dagiti dadackelmi: sabtennacami cadi a sipapardas dagita nadungngo a caasim; ta naipababacami unayen.

Dagiti Salmo 81:15

Dagiti gumurgura ken Jehova agpacumbabada coma kencuana: ket ti tiempoda agpaut coma iti agnanayon.

Exodo 23:24

Dica agrucnoy cadagiti didiosda, wenno pagservian ida, wenno tuladen dagiti ar-aramidda; ngem tuangemto ida a maminpinsan, ket bungtolem dagiti tedteddecda.

Exodo 34:14

(Ta dicanto agdayaw iti sabali a dios: ta ni Jehova, a ti naganna Naimun, isu ti Dios a naimun);

Dagiti Proverbio 8:36

Ngem ti agbasol a maibusor caniac padacsenna ti cararuana met laeng: amin dagiti gumurgura caniac ayatenda ni patay.

Isaias 44:15

Ket iti casta aramatento ti maysa a tao a pangpuur: ket mangala ket aginudo; wen, isu ti pasgedanna, ken agluto iti tinapay; wen, iti daydiay mangaramid iti maysa a dios, ket pagdayawanna: isu ti aramidenna a maysa a kinitikitan a ladawan, ket pagparintumenganna.

Isaias 44:19

Ken awan ti mangipalagip, ket awan ti pannacaammo ken awan met ti pannacaawat nga agcuna, Pinuurac ti cayo a nayon daytoy a ladawan iti apuy; wen, naglutoac iti tinapay iti rabaw dagiti beggangna; nangitonoac iti lasag ket sindac: ket aramidecto aya ti matda kencuana a maysa a kinarimon? agrucbabacto pay aya iti puted ti maysa a cayo?

Jeremias 2:9

Ngarud, makisusicacto pay cadacayo, cuna ni Jehova, ken cadagiti annac dagiti annacyo makisusicacto.

Jeremias 32:18

Sica a mangipakita ti kinamanangngaasi cadagiti rinibu ken mangsupapac iti kinadangkes dagiti amma iti saclot dagiti annacda iti calpasanda, ti naindaclan, ti nabileg a Dios, Jehova dagiti buybuyot ti naganna;

Ezekiel 18:19

Ngem cunayo pay, Apay a ti anac saanna nga awiten ti basol ni amana? No ti anac a lalaki maaramidna dayta a mayalubog iti linteg ken umisu, ket tinungpalna amin dagiti linlintegco, ket inaramidna ida, isu agbiagto a di bumurong,

Ezekiel 18:2

Ania ti cayatyo a saoen, nga aramatenyo daytoy a proverbio a maipapan iti daga ti Israel, a cunayo, dagiti amma kinnanda ti uvas a naalsem, ket dagiti ngipngipen dagiti ub-ubbing naalinoda?

Ezekiel 20:7

Ket kinunac cadacuada, Ibellengyo tunggal tao dagiti kinarimon iti imatangna, ket dicayo tulawan ti bagbagiyo met laeng cadagiti didiosen ti Egipto; Siac ni Jehova a Diosyo.

Ezekiel 39:25

Gapuna castoy ti cuna ni Apo Jehova: Ita baliwacto ti pannacacayaw ni Jacob, ket addanto caasic iti amin a balay ti Israel; ket agimonacto gapu iti nasantoan a naganco.

Ezekiel 8:3

Ket isu inyunnatna ti casla maysa nga ima, ket tiniliwnac a pinungot iti olo; ket ti Espiritu intayagnac iti nagbaetan ti daga ken langit, ket babaen cadagiti sirmata a nadiosan impannac idiay Jerusalem, iti pagsercan ti ruangan ti makinuneg a paraangan a tumurong iti amianan; a yan idi ti pagtugawan ti ladawan ti imon, a manggargar ti imon.

Daniel 1:2

Ket ti Apo inyawatna cadagiti im-imana ni Joakim, ari ti Juda, agraman dadduma nga al-alicamen ti balay ti Dios; ket impanna ida, iti daga a Sinar iti balay ti diosna, ket inserrecna dagiti alicamen iti balay a paggamengan ti diosna.

Daniel 3:18

Ket no saan, maipacaammo coma kenca, O ari, a dayta diosmo dicamto pagservian, ken castamet dicamto pagdaydayawan ti ladawan a balitoc nga impatacdermo.

Levitico 20:5

Siac ngarud iparangarangconto ti rupac a bumusor iti dayta a tao, ken bumusor cadagiti cacabagianna, ket ipusayconto, agraman amin a sumurot kencuana nga agbalangcantis, tapno makibalangcantis ken Moloch, ipusayconto ida cadagiti cailianda.

Levitico 26:1

Dicayto mangaramid iti didiosenyo, wenno mangbangon iti maysa a ladawan a kinitikitan, wenno maysa a monmon, wenno mangipasdeccayo iti uray ania a umas-asping a bato iti dagayo, tapno daytoy ti pagrucbabanyo: siac ni Jehova a Diosyo.

Levitico 26:29

Ket dacayo canenyonto ti lasag dagiti annacyo a lalaki, ken ti lasag dagiti annacyo a babbai canenyonto.

Nahum 1:2

Ni Jehova naimon a Dios ken managibales: ni Jehova bumales ken mapunno iti unget; ni Jehova bumales cadagiti cabusorna, ket ipenpenna ti ungetna a maipaay cadagiti cabusorna.

Numero 14:18

Ni Jehova nabannayat nga agpungtot, ket aglablabonan iti caasi a naayat, mamacawan iti kinadakes ken iti kinasalungasing ket uray apagapaman dina baybay-an ti macabiddut, a pasarungcaranna ti kinadakes dagiti amma cadagiti annac, cadagiti maicatlo ken maicapat a caputotan.

Numero 14:33

Ket dagiti annacyo agwalangwalangdanto iti let-ang cadagiti uppat a pulo a tawen, ken awitendanto dagiti kinabalangcantisyo, inggana iti di maibus dagiti bangcayyo iti let-ang.

Numero 25:11

Ni Finees nga anac ni Eleazar, nga anac ni Aaron a padi, pinagbawingna ti pungtotco cadagiti annac ti Israel a cadacuada naimun cas ti panagimunco, a nacaigapuanan ti diac panangibus cadagiti annac ti Israel iti panagimunco.

San Mateo 4:9

Ket kinunana kencuana: Amin dagitoy itdecto kenca no agrucbabca nga agdayaw caniac,

San Juan 15:18

No ti lubong guraennacayo, ammoyo a ginuranac nga immun-una ngem dacayo.

San Juan 7:7

Ti lubong saannacayo a mabalin a guraen, ngem siac guraennac, ta sacsiac ti maipapan kencuana, a dakes dagiti aramidna.

San Juan 9:2

Ket dagiti adalanna inintuudda kencuana, a cuncunada: Mannursuro, asino ti nacabasol, daytoy wenno dagiti dadackelna, iti casta nayanac a bulsec?

Taga-Roma 1:30

Managdadaelda, managgurada iti Dios, nacuspag, napalangguad, napasindayag, managparnuay cadagiti dakes a banbanag, nasukir cadagiti dadackelda.

Taga-Roma 8:7

Agsipud ta ti nakem a linalasag maibusor iti Dios; ta saan a paiturayan iti linteg ti Dios, ket dina met cabaelan a pulos:

1 Taga-Corinto 10:22

Wenno gargarientayo aya nga agimun ti Apo? Napigpigsatayo aya ngem isu.

Deuteronomio 32:21

Isuda tinignaydac nga agimun iti dayta saan a Dios; ginargaridac nga agpungtot gapu cadagiti kinaubbawda: ket tignayecto ida nga agimun cadagidiay saan nga umili; gargariecto ida nga agpungtot iti nanengneng a nacion.

Deuteronomio 32:41

No asaec ti campilanco a sumilsilap, ket ti panangocom petpetan ti imac; idissocto ti pammales cadagiti casupadic, ket supapacacto ida dagidiay gumura caniac.

Deuteronomio 4:24

Ta ni Jehova a Diosmo isu ti maysa nga apuy a mangalun-un, maysa a manangimun a Dios.

Deuteronomio 5:10

Ken mangipaay iti imbag a naayat cadagiti rinibribu nga agayat caniac, ken mangsalimetmet cadagiti bilbilinco.

Deuteronomio 5:9

Dica irucnoy ti bagim cadacuada, uray pagservian ida; ta siac ni Jehova a Diosmo manangimonac a Dios, a mangipasarungcar iti kinadakes dagiti amma cadagiti annac, cadagiti maicatlo ken maicapat a caputotan dagiti gumura caniac;

Deuteronomio 6:15

Ta ni Jehova a Diosmo nga adda iti tengngam isu ti manangimun a Dios; di la ket ta ti pungtot ni Jehova a Diosmo sumged a maibusor kenca, ket isu dadaelennaca nga iccaten iti rabaw ti daga.

Deuteronomio 7:10

Ken mangibales iti sangoda cadagiti gumura kencuana, tapno rebbaenna ida: isu saanto nga agliway iti gumura kencuana, balsennanto iti sangona.

Santiago 4:4

Makicamcamalala a babbai, dicay ammo aya, a ti pannakipagayam iti lubong isu ti pannakibusor iti Dios? Daydiay ngarud agtarigagayto a gayyem ti lubong, agbalin a cabusor ti Dios.

Josue 23:16

Intono aglabsingcayo iti tulag ni Jehova a Diosyo, nga imbilinna idi cadacayo, ket incayto ken agservicayto cadagiti didios a sabsabali, ket agrucnoycayto cadacuada; isu ti iseseggedton ti pungtot ni Jehova a maibusor cadacayo, ket mapucawcayto a madaras unay iti daytoy nasayaat a daga nga isu intedna idi cadacayo.

Josue 23:7

A dicay umasideg cadagitoy a nasnacion, dagitoy a natda cadacayo; dicayo coma sarsaritaen ti nagan dagiti didiosda, dicayo coma agpasapata a gapu cadacuada, dicayo coma pagservian ida, dicayo coma agrucnoy cadacuada;

Josue 24:19

Ket ni Josue kinunana iti ili, Dicayo mabalin ti agservi ken Jehova: ta isu ti Dios a nasantoan, isu ti Dios a naimun; dinanto pacawanen dagiti panaglabsingyo uray dagiti basbasolyo.

Uk-ukom 2:19

Ngem naaramid idi, a no matay ti ocom, isuda agsublida, ket adadda manen ti pannacadadaelda ngem cadagidi ammada, iti isusurotda cadagiti sabsabali a didios, agservida cadacuada ken agrucnoyda cadacuada; a dida nagpatingga iti aramidda, uray iti natagengteng a dalanda.