Exodo 20:3 - Ti Biblia (1973)

³ Awan ti sabali a diosmo iti sangoc.

Ti Baro a Naimbag a Damag Biblia

³ “Dika agdaydayaw iti sabali a dios no di laeng siak.

Exodo 20:3 Iomraidhean Croise

1 Ar-ari 11:4

Ta naaramid, idi a ni Salomon lacayen, a dagiti assawana pinagsublida ti pusona a pinasurot cadagiti sabali a didios; ket ti pusona saan a nasin-aw ken Jehova a Diosna, a cas iti puso idi ni David nga amana.

Dagiti Salmo 29:2

Ipaayyo ken Jehova ti kinadayag a mainugot iti naganna; daydayawenyo ni Jehova iti naimnas a kinasanto.

Dagiti Salmo 73:25

Siasino ti tagicuaec sadi langit no saan a sica? Ket awan ditoy rabaw ti daga ti aniaman a tarigagayac no saan a sica.

Dagiti Salmo 81:10

Siac ni Jehova a Diosmo, a nangaon kenca idiay daga nga Egipto: ingangam a nalaing ta ngiwatmo, ket siac punnoecto.

Dagiti Salmo 81:9

Awanto ti gangannaet a Dios kenca; dicanto met agdaydayaw iti aniaman a dios a gangannaet.

Exodo 15:11

Asino ti pumadpad kenca, O Jehova, cadagiti didios? Asino ti pumadpad kenca, a nagloriaan iti kinasanto, Nacaam-amac cadagiti pannacadaydayaw, nga agar-aramid cadagiti datdatlag?

Exodo 20:23

Dicayo agaramid cadagiti sabsabali a didios a pannacacadduac; didios a pirac, wenno didios a balitoc, dicayo agaramid a maipaay cadacayo.

Exodo 22:19

Siasinoman a makicaidda iti animal mapapatayto a di bumurong.

Exodo 23:24

Dica agrucnoy cadagiti didiosda, wenno pagservian ida, wenno tuladen dagiti ar-aramidda; ngem tuangemto ida a maminpinsan, ket bungtolem dagiti tedteddecda.

Exodo 32:8

Nagbaw-ingda iti apagdaricmat iti dalan nga imbilinco cadacuada: inyaramidanda dagiti bagbagida iti maysa nga sinan-urbon a vaca a sinucog, ket isu ti nagdaydayawanda, ken nagidatonanda, ket kinunada, Dagitoy dagiti didiosmo, O Israel, a nangaon kenca iti daga nga Egipto.

Exodo 34:14

(Ta dicanto agdayaw iti sabali a dios: ta ni Jehova, a ti naganna Naimun, isu ti Dios a naimun);

Isaias 26:4

Agtaleccayo ken ni Jehova iti agnanayon; ta ken ni Jehova, ni met laeng Jehova, maysa a bato nga agnanayon.

Isaias 42:8

Siac ni Jehova, dayta ti naganco; ket ti dayagco diacto ited iti sabali, ket diac met ited ti dayawco cadagiti kinitikitan a ladladawan.

Isaias 43:10

Dacayo dagiti sacsic, cuna ni Jehova, ken ti adipenco a pinilic; tapno maammoanyo ken patiendac, ken maawatanyo a siac daydiay: awan idi ti nabukel a Dios nga im-mun-una ngem siac, ket awanto met iti sumaruno caniac.

Isaias 44:8

Dicayo agbuteng, ket dicayo met umamac: diac aya impablaac kenca idi unana, ken impakita? ket dacayo dagiti sacsic? adda aya sabali a Dios a saan a siac? wen, awan ti Bato; awan ti ammoc.

Isaias 46:9

Laglagipenyo dagiti immuna a banbanag idi ugma: ta siac ti Dios, ket awanen ti sabali; Diosac, ket awan ti pumada caniac;

Jeremias 25:6

Ket dicayo sumurot cadagiti sabali a diosen nga agservi cadacuada, ken agrucbab cadacuada, ket didac gargarien nga agpungtot babaen ti gapuanan dagiti im-imayo; ket diacto mangaramid cadacayo iti ranggas.

Jeremias 35:15

Imbaonco met cadacayo dagiti amin nga adipenco, dagiti mammadto, a bumangonac iti masapa ket ibaonco ida, a kinunac, Tumallicudcayo ita tunggal lalaki iti dakes a dalanna, ket pasayaatenyo dagiti aramidyo, ket dicayo sumurot cadagiti sabali a diosen tapno agservi cadacuada, ket agtaengcayto iti daga nga intedco cadacayo ken cadagiti ammayo: ngem dicay inyallingag ti lapayagyo, didac met impangag.

Jeremias 7:9

Agtacawcayto aya, agpapatay, ken makicamalala, ken agsapata a siuulbod, ken agpuur iti incienso a maipaay ken Baal, ken sumurot cadagiti sabali a diosen a saanyo a naam-ammo,

Daniel 3:18

Ket no saan, maipacaammo coma kenca, O ari, a dayta diosmo dicamto pagservian, ken castamet dicamto pagdaydayawan ti ladawan a balitoc nga impatacdermo.

Oseas 13:4

Nupay casta siac ni Jehova a Diosmo manipud idiay daga ti Egipto; ket awanto ti bigbigem a dios no di laeng siac, ken awan ti sabali a mangisalacan no saan a siac.

San Mateo 4:10

Idin ni Jesus kinunana kencuana: Pumanawca, Satanas: ta adda a naisurat: Agdaydayawca iti Apo a Diosmo ket isu ti pagserviamto laeng.

1 Taga-Corinto 8:4

No maipapan ngarud iti pannangan cadagiti maidaton cadagiti ladladawan a didiosen, ammomi a ti ladawan a didiosen awan papaayna ditoy lubong, ket awan Dios no di maymaysa.

1 Taga-Corinto 8:6

Ngem cadatayo adda maymaysa a Dios, ti Ama nga paggapuan dagiti isu-amin a banag, ket datayo maipaaytayo kencuana; ken maymaysa nga Apo, ni Jesu-Cristo, a gapu kencuana adda dagiti isu-amin a banag, ken gapu kencuana addatayo,

Taga-Efeso 5:5

Ta pagaammoyo unay, nga amin a mannakicamalala, wenno tao a narugit, wenno naagum, isu a panagrucbab cadagiti didiosen, awan ti aniaman a tawidda iti pagarian ni Cristo ken ti Dios.

Deuteronomio 5:7

Awan ti sabali a didiosmo ti sangoc.

Deuteronomio 6:14

Dica agsapul iti sabali a dios, cadagiti didios dagiti il-ili a aglawlaw cadacayo;

Deuteronomio 6:5

Ket sica ayatemto ni Jehova a Diosmo iti isu-amin a pusom, ken iti isu-amin a cabaelam.

Taga-Filipos 3:19

A ti panungpalanda isu ti pannacapucaw, a ti diosda isu ti tianda, ket ti dayagda adda iti bainda; isuda panunutenda laeng ti naindagaan.

Taga-Colosas 2:18

Dicay coma papucaw ti gungunayo, babaen ti siasinoman nga aginpapacumbaba ken gapu iti panagrucbab cadagiti angel; nga agtalged cadagiti banbanag a nakitana, a sipapalangguad gapu iti panunutna a linalasag,

Paltiing 19:10

Ket nagrucnoyac cadagiti sacsacana tapno agdaydayawac kencuana. Ket isu kinunana caniac: Kitaem, dica aramiden dayta. Siac ti adipen a caduam ken cadua dagiti cacabsatmo, a mangsalimetmet iti pammanecnec ken Jesus. Agdaydayawca iti Dios ta ti pammanecnec ken Jesus isu ti espiritu ti pammadto.

Paltiing 22:9

Ket isu kinunana caniac: Bay-am, dica aramiden dayta; siac adipenac a caduam ken cadua dagiti cacabsatmo a mammadto, ken dagiti mangsalimetmet cadagiti sasao daytoy a pagbasaan. Agdaydayawca iti Dios.

Uk-ukom 6:10

Ket kinunac idi cadacayo, Siac ni Jehova a Diosyo; dicayo agbuteng coma cadagiti didios dagiti Amorreo, nga iti dagada pagtaenganyo. Ngem dicayo impangag ti timecco.