Exodo 20:2 - Ti Biblia (1973)

² Siac ni Jehova a Diosmo, a nangaon kenca iti daga nga Egipto, iti balay a nacaadipnan.

Ti Baro a Naimbag a Damag Biblia

² “Siak ni Yahweh a Diosyo a nangiruar kadakayo idiay Egipto, iti daga a nakatagabuanyo.

Exodo 20:2 Iomraidhean Croise

1 Ar-ari 18:39

Ket idi a ti amin nga umili nakitada, isuda nagpaclebda: ket kinunada, Ni Jehova isu ti Dios; ni Jehova isu ti Dios.

2 Ar-ari 17:12

Nagservida cadagiti ladladawan, a nagcunaan idi ni Jehova cadacuada, Dicayto aramiden daytoy.

2 Ar-ari 17:7

Ket casta idi, nga agsipud ta dagiti annac ti Israel nagbasolda iti maicaniwas ken ni Jehova a Diosda, a nangaon cadacuada iti daga ti Egipto, iti baba ti ima ni Faraon nga ari sadi Egipto, ket nagbutengda cadagiti sabsabali a didios,

2 Cronicas 28:5

Gapuna a ni Jehova a Diosna isu ti inyawatna iti ima ti ari ti Siria: ket isu kinabilda ket innalada kencuana cadagiti cucuana ti umariwecec, ket impanda ida idiay Damasco. Ket isu nayawat met iti ima ti ari ti Israel, isu a nangcabil kencuana iti dackel a pannacapapatay.

Dagiti Salmo 50:7

Dumngegca, O ilic, ket agsaoacto; O Israel, ket agsacsiacto kenca: siac ti Dios, Diosmo met laeng.

Dagiti Salmo 81:10

Siac ni Jehova a Diosmo, a nangaon kenca idiay daga nga Egipto: ingangam a nalaing ta ngiwatmo, ket siac punnoecto.

Dagiti Salmo 81:11

Ngem ti ilic dina impangag ti timecco; ken ti Israel dinac kinayat.

Dagiti Salmo 81:7

Sica immawagca iti pannacariribuc ket siac inispalca; sinungbatanca iti nalmeng a yan ti gurruood; sinuutca idiay danum ti Meriba. (Selah)

Exodo 13:14

Ket maaramidto a no iti masacbayan saludsudento kenca ti anacmo a lalaki, a cunana, Ania daytoy? saoemto kencuana, Iti pigsa ti ima ni Jehova innalanacami nanipud sadi Egipto iti balay a nacaadipnan:

Exodo 13:3

Ket ni Moises kinunana cadagiti tattao, Laglagipenyo daytoy nga aldaw isu a panagtalawyo sadi Egipto iti balay a nacaadipnan; ta gapu iti napigsa nga ima inlapsotnacayo ni Jehova iti daytoy nga ayan; awanto ti macan a nalevaduraan a tinapay.

Exodo 15:13

Iti kinaimbag ti dongngom imparocpocmo cadagiti tattao a sinubbotmo: Indalanmo ida ita pigsam ti pagnaedam a nasantoan.

Exodo 15:16

Kigtot ken amac agdissuor cadacuada; Gapu iti kinadackel ti tackiagmo naulimecda a cas bato; Agingga ti pannacalasat ti ilim, O Jehova, Agingga ti pannacalasat ti ili a ginatangmo.

Exodo 15:26

Ket kinunana, No ipangagmonto a sipapasnec ti timec ni Jehova a Diosmo, ket aramidemto ti nalinteg iti imatangna, ket imdengamto dagiti bilbilinna, ket salimetmetamto amin dagiti al-alagadenna awanto ti iccabilco kenca cadagiti sakit nga incabilco cadagiti Egipcios: ta siac ni Jehova a mamaimbag kenca.

Exodo 20:1

Ket ti Dios sinaona amin dagitoy a balicas, cunana,

Exodo 29:46

Ket ammoendanto a siac ni Jehova a Diosda, a nangaon cadacuada iti daga nga Egipto, tapno agnaedac iti tengngada: siac ni Jehova a Diosda.

Exodo 6:6

Gapuna a saoem cadagiti annac ti Israel, Siac ni Jehova ket siac ilapsutcayto cadagiti pammarparigat dagiti Egipcios cadacayo, ket ispalencayto iti panangadipenda, ket subbotencayto iti siuunnat a tackiag ken cadagiti naindaclan a panangocom:

Isaias 43:3

Ta siac ni Jehova a Diosmo, ti Santo ti Israel, a Mangisalacan kenca; intedco ti Egipto a cas subbotmo, naisucat kenca ti Etiopia ken Seba.

Jeremias 16:14

Gapuna, adtoy, dagiti al-aldaw dumtengda, cuna ni Jehova, a saanto a masaon, Cas sibibiag ni Jehova, a nangiruar cadagiti annac ti Israel nanipud iti daga ti Egipto;

Jeremias 2:6

Ket saanda met a kinuna, Sadino ti yan ni Jehova nga inaonnacami iti daga ti Egipto, a nangidalan cadacami itilet-ang iti maysa a daga dagiti langalang ken bitbito, iti maysa a daga a namaga ken ti aniniwan ni patay, iti daga a saan a nagnaan, ken awan tinagnaed a tao.

Jeremias 31:1

Iti dayta met laeng a pannawen, cuna ni Jehova, siacto ti Dios dagiti amin a familia ti Israel, ket isudanto ti ilic.

Jeremias 31:33

Ngem daytoy ti tulag nga aramidecto iti balay ti Israel iti calpasan dagidiay nga aldaw, cuna ni Jehova; Isaadconto ti lintegco iti unegda, ken isuratconto iti pusoda; ket siacto ti Diosda, ket isudanto ti ilic.

Jeremias 34:13

Castoy ti cuna ni Jehova, a Dios ti Israel: Nakitulagac cadagiti ammayo idi aldaw a panangaonco cadacuada iti daga nga Egipto, iti balay ti nacaadipnan, a kinunac,

Ezekiel 20:19

Siac ni Jehova a Diosyo; magnacayo cadagiti linlintegco, ket salimetmetanyo dagiti bilbilinco, ket tungpalenyo ida;

Ezekiel 20:5

Ket cunam cadacuada, Castoy ti cuna ni Apo Jehova: Idi aldaw a panamilic iti Israel, ken insapatac iti capuonan ti balay ni Jacob, ket nagpacaamoac cadacuada idiay daga ti Egipto, idi insapatac cadacuada, a kinunac, Siac ni Jehova a Diosyo;

Ezekiel 20:7

Ket kinunac cadacuada, Ibellengyo tunggal tao dagiti kinarimon iti imatangna, ket dicayo tulawan ti bagbagiyo met laeng cadagiti didiosen ti Egipto; Siac ni Jehova a Diosyo.

Oseas 12:10

Castamet a sinaoc cadagiti mammadto, ket pinaaduc dagiti sirmata; ket babaen ti panagannong dagiti mammadto inaramatco ti panagdidilig.

Oseas 13:4

Nupay casta siac ni Jehova a Diosmo manipud idiay daga ti Egipto; ket awanto ti bigbigem a dios no di laeng siac, ken awan ti sabali a mangisalacan no saan a siac.

Levitico 11:45

Ta siac ni Jehova a nangaon cadacayo iti daga nga Egipto, ta siac ti Diosyo: isu ti gapuna nga agsantocayto, ta siac santoac.

Levitico 19:36

Ti apag-isu a pagtimbengan, apag-isu a panimbeng, agpag-isu nga efa, apag-isu nga hin ti icutanyonto. Siac ni Jehova a Diosyo a nangaon cadacayo iti daga nga Egipto.

Levitico 23:43

Tapno dagiti putputotyo ammoenda a pinagnaedco dagiti annac ti Israel cadagiti toltolda, idi nga inaonco ida iti daga nga Egipto; siac ni Jehova a Diosyo.

Levitico 25:38

Siac ni Jehova a Diosyo a nangaon cadacayo iti daga nga Egipto itedco cadacayo ti daga a Canaan, ken tapno siac ti Diosyo.

Levitico 25:42

Gapu ta adipenco ida nga inaonco iti daga nga Egipto: saandanto a malaco a bag-en.

Levitico 25:55

Gapu ta adipenco ida dagiti annac ti Israel; isuda ti adipenco nga inaonco iti daga nga Egipto: siac ni Jehova a Diosyo.

Levitico 26:1

Dicayto mangaramid iti didiosenyo, wenno mangbangon iti maysa a ladawan a kinitikitan, wenno maysa a monmon, wenno mangipasdeccayo iti uray ania a umas-asping a bato iti dagayo, tapno daytoy ti pagrucbabanyo: siac ni Jehova a Diosyo.

Levitico 26:13

Siac ni Jehova a Diosyo a nangaon cadacayo iti daga nga Egipto, tapno dicay mabag-en cadacuada; ket dinadaelco dagiti paco a nacaisangolanyo, ket pinatacdercayo a magna.

Amos 2:10

Ket castamet siac inaoncayo iti daga ti Egipto, ket indalancayo bayat iti uppat a pulo a tawen iti let-ang, tapno tagicuaenyo ti daga ti Amorreo.

Taga-Roma 10:12

Ta awan ti pagdumaan ti Judio ken Griego: ta maymaysa met laeng ti Apo dagiti isu-amin, ket naparabur cadagiti isu-amin nga umawag kencuana;

Taga-Roma 3:29

Isu Dios laeng aya dagiti Judio? saan aya a Dios met dagiti Gentiles? Wen, Dios met dagiti Gentiles.

Deuteronomio 13:10

Ket uburemto iti batbato inggana iti di matay; gapu ta rinantanaca a pagsanuden ken Jehova a Diosmo a nangaon kenca iti daga nga Egipto nanipud iti balay ti nacaadipnan.

Deuteronomio 15:15

Ket sica laglagipemto a maysaca met nga adipen idi iti daga nga Egipto, ket ni Jehova a Diosmo sinubbotnaca; isu ti gapuna nga ibilinco kenca daytoy ita nga aldaw.

Deuteronomio 20:1

No inca makigubat cadagiti cabusormo, ket makitam dagiti cabcabayo ken luglugan, ken maysa nga ili nga ad-adu ngem sica, dicanto agbuteng cadacuada; ta ni Jehova a Diosmo siaadda kenca, isu a nangaon kenca iti daga nga Egipto.

Deuteronomio 5:15

Ket laglagipemto a maysaca met idi nga adipen iti daga nga Egipto, ket ni Jehova a Diosmo inaonnaca sadiay iti ima a mannacabalin ken tackiag a sitatag-ay: gapuna a ni Jehova a Diosmo imbilinna kenca a salimetmetam ti aldaw a panaginana.

Deuteronomio 5:6

Siac ni Jehova a Diosmo, a nangaon kenca iti daga nga Egipto, iti balay ti nacaadipnan.

Deuteronomio 7:8

Ngem gapu ta ni Jehova ay-ayatennacayo ken gapu ta salimetmetanna ti cari nga insapatana cadagiti ammayo, iti ima a mannacabalin ti pinangaon ni Jehova cadacayo, ken pinangsubbotna cadacayo nanipud iti balay ti nacaadipnan iti ima ni Faraon nga ari ti Egipto.

Uk-ukom 2:1

Ket ti angel ni Jehova simmang-at manipud iti Gilgal agingga ti Boquim, ket kinunana, Siac pinasang-atcayo manipud Egipto, ket inyegcayo iti daga nga insapatac idi cadagiti ammayo; ket kinunac, Diacto dadaelen uray caano ti tulagco cadacayo:

Uk-ukom 6:10

Ket kinunac idi cadacayo, Siac ni Jehova a Diosyo; dicayo agbuteng coma cadagiti didios dagiti Amorreo, nga iti dagada pagtaenganyo. Ngem dicayo impangag ti timecco.