Exodo 2:6 - Ti Biblia (1973)

⁶ Ket linuctanna, ket nakitana ti ubing: ket adtoy a ti ubing nagibit. Ket simnec ti caasina kencuana, ket kinunana, Daytoy ti maysa cadagiti annac dagiti Hebreos.

Ti Baro a Naimbag a Damag Biblia

⁶ Idi luktan ti prinsesa ti basket, nakitana ti maysa nga ubing nga agsangsangit ket naasian. “Anak ti Hebreo daytoy!” kinunana.

Exodo 2:6 Iomraidhean Croise

1 Ar-ari 8:50

Ket pacawanem ti ilim isu a nagbasol iti maicaniwas kenca, ken amin dagiti salungasingda a panangsalungasingda iti maicaniwas kenca; ket iccam ida iti caasi iti sango dagiti nangitugot cadacuada a nangayaw, tapno caasianda ida.

Nehemias 1:11

O Apo, gumawawaac kenca, ta lapayagmo umimdeng cadi iti cararag ti adipenmo, ken iti cararag dagiti ad-adipenmo, nga agayat nga agbuteng iti naganmo; ket dawatec kenca, parang-ayem ti adipenmo itoy nga aldaw, ket itdem kencuana ti caasi iti imatang daytoy a lalaki. (Siac idi ti agiggem iti copa ti ari).

Dagiti Salmo 106:46

Ket inaramidna met a macaasianda cadagiti amin a nangaycayaw cadacuada.

Exodo 1:22

Ket imbilin ni Faraon cadagiti amin nga iturayanna, a cunana, Tunggal lalaki, nga anac a tumao, yanudyonto iti carayan, ket tunggal anac a babai biagenyonto.

Exodo 2:5

Ket ti anac a babai ni Faraon immulog nga agdigos iti carayan; ket dagiti babbalasangna agpagpagnada iti igid ti carayan: ket nakitana ti bassit a bilog cadagiti roroot, ket binaonna ti balasangna a mangala.

Exodo 2:7

Idin ti cabsatna a babai kinunana iti anac a babai ni Faraon, Innacto ayaban nga agpaay kenca ti maysa a babai nga Hebrea a mangtagibi iti ubing a gapu kenca?

Dagiti Proverbio 21:1

Ti puso ti ari adda iti ima ni Jehova cas cadagiti pagayusan ti danum; iturongna iti sadinoman a pagayatanna.

Jeremias 34:9

A tunggal tao ipalubosna coma a mawayawayaan ti bag-enna a lalaki, ken tunggal tao ti bag-enna a babai, nga Hebreo wenno Hebrea; tapno awan coma ti mangbag-en cadacuada cayatna a sawen iti maysa a Judio a cabsatna.

Dagiti Aramid 7:21

Ngem idi a naibel-leng, daydi babai nga anac ni Faraon, isu innalana ket tinarakenna a cas anacna.

1 Pedro 3:8

Camaudiananna agmaymaysacay coma amin iti nakem, naayat, agdidinnungngocayo a cas la agcacabsat, manangngaasi, naemma: