Exodo 2:3 - Ti Biblia (1973)

³ Ket idi dina mabalin nga ilemmengen, inyalaanna iti maysa a bassit a bilog a runo a ginalagalaanna iti pitac ken betun; ket idiay ti nangicabilanna iti ubing, ket indissona iti carorootan iti igid ti carayan.

Ti Baro a Naimbag a Damag Biblia

³ Ngem idi dinan mailemmeng, nangala iti basket a naaramid iti runo ket pinastaanna iti alketran tapno saan a makastrek ti danum. Inkargana ti ubing iti uneg ti basket sana inkabil iti karunoan iti igid ti karayan.

Exodo 2:3 Iomraidhean Croise

Genesis 11:3

Ket kinuna ti maysa ken maysa intayon agaramidtay coma cadagiti ladrillo, ket gebbaentayo ida a nasayaat. Ket adda idi cadacuada dagiti ladrillo a pannacabatoda, ken ti galagala a pannacamasada.

Genesis 14:10

Ket ti lobong ti Siddim napno cadagiti palpalab-ug a nagalagalaan; ket nagtalaw ti ari ti Sodoma ken ti ari ti Gomorra, ket natnagda idiay, ket dagiti natda nagcamangda iti bantay.

Genesis 6:14

Agaramidca iti maysa a daong a cayo ti cedro; agaramidcanto cadagiti silsilid iti daong ket betunamto ti uneg ken ti ruar iti galagala.

Exodo 1:22

Ket imbilin ni Faraon cadagiti amin nga iturayanna, a cunana, Tunggal lalaki, nga anac a tumao, yanudyonto iti carayan, ket tunggal anac a babai biagenyonto.

Isaias 18:2

A mangibaon cadagiti embajadores iti baybay, iti sasacayan nga alupasi iti rabaw dagiti dandanum, a cunaenna, Incayo, dacayo a nasiglat a mabaon, iti maysa a nacion a nangato ken napalanas, iti maysa a pagilian a nacaamamac nanipud idi damoda ken agtultuloy, maysa a nacion a mangsupapac ken mangpayatpayat, a ti dagada madasigdasig cadagiti carcarayan!

Isaias 19:6

Ket dagiti carayan agbalindanto a nalibeg; dagiti ay-ayus ti Egipto umes-esto ket mamagaan; dagiti badobadoc ken dagiti tartarabang magangodanto.

Isaias 35:7

Ket ti sumilsilap a darat agbalinto a libtong, ken ti mawaw a daga agbalinto nga ub-ubbog ti danum: iti pagyanan dagiti chacal, isu a pagiddaanda, rootto agramang runruno ken badobadoc.

San Mateo 2:13

Ket idi nacapanawdan, adtoy, ti maysa nga angel ti Apo nagparang iti maysa a tagtagainep ken Jose a cuncunana: Bumangonca, ket alaem ti ubing ken ni inana, ket aglemmengca idiay Egipto, ket agianca sadiay aginga ti panangibagacto kenca, ta ni Herodes sapulennanto ti ubing tapno pucawenna.

San Mateo 2:16

Iti casta ni Herodes idi nakitana mga inuy-uyungan dagiti mamasirib, nagpungtot unay: nagbaon ket pinapapatayna dagiti amin nga ubbing a lallaki nga adda idi sadi Bethlehem ken amin a beddengna, manipud cadagiti agtawen ti dua nga agpababa, cas ti tiempo a pannacaawatna a naan-anay cadagiti mamasirib.

Dagiti Aramid 7:19

Daytoy inaramatna dagiti dakes a pamuspusan iti capuonantayo, ket pinarigatna dagiti ammatayo, tapno ibel-lengda dagiti tagibida, tapno dida agbiag.