Exodo 2:22 - Ti Biblia (1973)

²² Ket daytoy nangyanac iti maysa a lalaki, ket ni Moises pinanagananna iti Gersom; ket kinunana, Siac nagyanac a gangannaet iti saanco a daga.

Ti Baro a Naimbag a Damag Biblia

²² Nangipasngay ni Sefora iti maysa a lalaki. Gapu ta ganggannaet ni Moises iti sabali a daga, pinanagananna iti Gersom ti anakna.

Exodo 2:22 Iomraidhean Croise

Genesis 23:4

Gangannaetac ken sangsangailiac cadacayo: iccandac cadi ti maysa a disso a pagitamnan a tagicuaec cadacayo, tapno iponponco ti minatayco a maipanaw iti imatangco.

1 Cronicas 16:20

Ket nagnada iti nacion ken nacion, ken iti maysa a pagarian iti sabali nga umili.

1 Cronicas 29:15

Ta gangannaetcami iti sangom, ken aglaslasatcami cas cadagiti amin nga ammami dagiti al-aldawmi iti daga cacasda la aniniwan, ket saan nga agtaeng.

Dagiti Salmo 119:19

Gangannaetac ditoy daga: dica ilinged caniac dagiti bilbilinmo.

Dagiti Salmo 39:12

Denggem ti cararagco, O Jehova, ket ipangagmo toy ickisco; dica pagulimecan dagitoy luluac: ta siac maysaac a gangannaet kenca, maysa nga agcalcallautang, a cas cadagidi amin a dadackelco.

Exodo 2:10

Ket ti ubing dimmackel, ket impanna iti anac a babai ni Faraon, ket isu (ti ubing) nagbalin a pannacaanacna. Ket in-galadna ti naganna a Moises, ket kinunana, Gapu ta iti danum ti nangalaac kencuana.

Exodo 22:21

Ket dica ranggasan, wenno parparigaten ti maysa a gangannaet: gapu ta naggangannaetcayo iti daga nga Egipto.

Exodo 4:20

Ket ni Moises innalana ti asawana ken dagiti annacna ket insacayna ida iti maysa nga asno, ket nagsubli idiay daga nga Egipto: ket ni Moises incuyogna iti imana ti sarucod ti Dios.

Levitico 25:23

Ket ti daga saanto a malaco iti awan patinggana, ta ti daga cucuac: ta dacayo gangannaet ken makipagtaengcayo la caniac.

Dagiti Aramid 7:29

Ket iti daytoy a sao, ni Moises nagtalaw ket napan a nagnaed a cas gangannaet iti daga ti Madian, isu a nangputotanna ti dua nga annac.

Uk-ukom 18:30

Ket dagiti annac ni Dan pinatacderda a maipaay cadacuada met laeng daydi ladawan a kinitikitan; ket ni Jonatan nga anac a lalaki ni Gerson, nga anac a lalaki ni Moises, isu ken dagiti annacna isuda idi dagiti padi iti caputotan dagiti Danitas agingga iti aldaw a pannacacayaw ti daga.

1 Samuel 1:20

Ket naaramid nga idi nadanon ti tiempo ni Anna nagsicog, ket impasngayna ti maysa nga anac a lalaki; ket ingaladna ti nagan a Samuel, a kinunana, Gapu ta isu dinawatco ken Jehova.