Exodo 2:11 - Ti Biblia (1973)

¹¹ Ket naaramid cadagidiay nga al-aldaw, a idi ni Moises numakem, napan cadagiti cacabsatna, ket nakitana dagiti rigrigatda: ket nakitana ti maysa nga Egipcio a kimmabil iti maysa nga Hebreo a maysa cadagiti cacabsatna.

Ti Baro a Naimbag a Damag Biblia

¹¹ Iti maysa nga aldaw, idi maysan nga agtutubo ni Moises, sinarungkaranna dagiti kadaraanna a Hebreo. Naimatanganna ti pannakaparparigatda. Nadagsen ti trabahoda. Nakitana ti maysa nga Egipcio a mangkabkabil iti maysa a Hebreo.

Exodo 2:11 Iomraidhean Croise

Exodo 1:11

Iti casta insaadda dagiti mangdagdag cadacuada a mamadagsen cadagiti awawitda. Ket imbangonanda ni Faraon cadagiti il-ili a pagipenpenan iti taraon, a Pitom ken Rameses.

Exodo 3:7

Ket ni Jehova kinunana, Pudno a nakitac ti ladingit ti ilic nga adda sadi Egipto, ket dinengngegco ti unnoyda gapu cadagiti managdagdag cadacuada ta ammoc dagiti leddaangda;

Exodo 5:14

Ket dagiti agturturay dagiti annac ti Israel, nga incabil dagiti mangdagdag ni Faraon nga agturay cadacuada, nasapsaplitda, ket nasaludsud cadacuada, Apayapay a dicayo tinungpal ti annongenyo idi calman ken ita a panagladrillo a cas idi cua?

Exodo 5:4

Ket ti ari ti Egipto kinunana cadacuada, Apayapay a dacayo, Moises ken Aaron, pagsardengenyo ti umili cadagiti aramidda? Incayo cadagiti annungenyo.

Exodo 5:5

Ket ni Faraon, kinunana, Adtoy a dagiti tattao adudan iti daga, ket dacayo paginanaenyo ida cadagiti annungenda.

Exodo 5:9

Maidagdagsen coma ti annungen dagiti tattao, tapno isu ti pagbannoganda; ket dida coma italtalec dagiti sasao a naulbod.

Exodo 6:6

Gapuna a saoem cadagiti annac ti Israel, Siac ni Jehova ket siac ilapsutcayto cadagiti pammarparigat dagiti Egipcios cadacayo, ket ispalencayto iti panangadipenda, ket subbotencayto iti siuunnat a tackiag ken cadagiti naindaclan a panangocom:

Exodo 6:7

Ket alaencayto nga ilic, ket siacto ti Diosyo: ket ammoenyonto a siac ni Jehova a Diosyo a mangilasot cadacayo cadagiti pammarparigat dagiti Egipcios.

Isaias 58:6

Saan a daytoy aya ti panagayunar a pinilic: tapno pangketta cadagiti galut ti kinadangkes, tapno pangwarwar cadagiti patapat ti sangol, ket tapno pagwayawayaen ti mailuplupit, ken tapno bungtolenyo coma ti tunggal sangol?

San Mateo 11:28

Umaycayo caniac dacayo amin nga agrigrigat ken madagdagsenan, ta paginanaencayto.

San Lucas 4:18

Ti Espiritu ti Apo adda caniac: ta pinulutannac a mangted cadagiti naimbag a damag cadagiti napanglaw; imbaonnac a mangipacaammo ti pannacaluc-at cadagiti nacayawan, ken ti pannacakita dagiti bulsec; tapno luc-atac dagiti maparparigat;