Exodo 19:5 - Ti Biblia (1973)

⁵ Ita ngarud, no umannugutcayo a napaypayso iti saoc ket salimetmetanyo ti tulagco iti casta dacayonto iti ipangpangrunac cadagiti amin a tattao: ta amin ti daga cucuac:

Ti Baro a Naimbag a Damag Biblia

⁵ Ita, no agtulnogkayo kaniak ket salimetmetanyo ti tulagko, dakayonto dagiti tattaok. Kukuak ti entero a daga, ngem dakayto dagiti napili a tattaok,

Exodo 19:5 Iomraidhean Croise

Genesis 17:9

Ket ti Dios kinunana ken Abraham, Ket no maipapan kenca, ti tulagco salimetmetamto, sica ken dagiti putotmo iti calpasam, bayat dagiti caputotanda.

1 Ar-ari 8:53

Ta sica insinam ida iti tengnga ti amin nga il-ili iti daga, tapno isuda dagiti tawidmo, a cas sinaom iti pannacaaramat ni Moises nga adipenmo, idi inaonmo dagiti ammami sadi Egipto, O Apo Jehova.

1 Cronicas 17:22

Ta iti ilim nga Israel inaramidmo nga ilim met laeng iti agnanayon; ket sica, Jehova, nagbalinca a Diosda.

Ti Libro ni Job 41:11

Asino ti nangted nga immuna caniac tapno agbayadac kencuana? Ti aniaman nga adda iti baba ti amin a langit cucuac.

Ti Libro ni Job 41:3

Agaramidto aya cadagiti adu a dawdawat kenca? Wenno mangisaonto aya kenca cadagiti nalamuyot a sasao?

Dagiti Salmo 135:4

Ta ni Jehova pinilina ni Jacob a maipaay kencuana, ket ti Israel tapno cucuana a bucod.

Dagiti Salmo 24:1

Ti daga cucua ni Jehova, ken amin nga adda kencuana; ti lubong, ken dagiti agnaed kencuana.

Dagiti Salmo 25:10

Amin dagiti dandana ni Jehova pulos a kinamanagayat ken kinapudno. Cadagiti mangsalimetmet iti tulagna ken cadagiti pammanecnecna.

Exodo 15:26

Ket kinunana, No ipangagmonto a sipapasnec ti timec ni Jehova a Diosmo, ket aramidemto ti nalinteg iti imatangna, ket imdengamto dagiti bilbilinna, ket salimetmetamto amin dagiti al-alagadenna awanto ti iccabilco kenca cadagiti sakit nga incabilco cadagiti Egipcios: ta siac ni Jehova a mamaimbag kenca.

Exodo 23:22

Ngem no ipangagmonto nga ipasnec ti timecna, ken aramidem amin nga ibagac; siacto ngarud ti maysa a cabusor dagiti cabusormo, ken maysa a caringgor dagiti caringgormo.

Exodo 24:7

Ket innalana ti libro ti tulag, ket binasana iti naggigimongan dagiti tattao: ket kinunada, Amin dagiti sinao ni Jehova aramidenminto, ket situtuloccamto.

Exodo 34:9

Ket kinunana, No ita natumpungacon ti parabur iti imatangmo, O Apo, dawatec kenca, magna coma ti Apo iti baetmi; ta isu ili a natangken ti panagtelteltelna; ket pacawanem ti kinadakesmi ken ti basolmi, ket alaennacami a tawidmo.

Exodo 6:7

Ket alaencayto nga ilic, ket siacto ti Diosyo: ket ammoenyonto a siac ni Jehova a Diosyo a mangilasot cadacayo cadagiti pammarparigat dagiti Egipcios.

Exodo 8:22

Ket iti dayta nga aldaw salacnibacto ti daga a Gosen, isu a pagnaedan ti ilic, ta awanto ti pinangen a ngilngilaw sadiay; tapno pacaammoam a siac ni Jehova iti tengnga ti daga.

Exodo 9:29

Ket ni Moises kinunana kencuana, Apaman a rumuarac iti ili, yunnatconto dagiti im-imac ken Jehova; dagiti gurrood agsardengdanto, ket awanto meten ti uraro; tapno maammoam a ni Jehova ti akincucua iti lubong.

Kanta ni Solomon 8:12

Ti cauvasac, a cucuac, adda iti sangoc: sica, O Salomon, addaancanto iti sangaribu, ket dagiti agaywan iti bungana duagasut.

Isaias 1:19

No agmayatcayo ken agtulnogcayo, canenyonto ti caimbagan iti daga:

Isaias 41:8

Ngem sia, Israel, nga adipenco, Jacog a pinilic, ti bin-i ni Abraham a gayyemco,

Isaias 43:1

Ngem ita castoy ti cuna ni Jehova a namarsua kenca, O Jacob, ken isu a nangbukel kenca, O Israel; Dica agbuteng, ta siac sinubbotca; siac inayabanca nga innaganan, sica ti cucuac.

Isaias 56:4

Ta castoy ti cuna ni Jehova cadagiti eunucos nga agngilin cadagiti aldawco a panaginana, ken pilienda dagiti banbanag a macaay-ayo caniac, ken salimetmetanda ti tulagco:

Jeremias 10:16

Ti bingay ni Jacob saan a cas cadagidiay; ta isu binukelna dagiti amin a banbanag; ket ni Israel ti caputotan ti tawidna: Jehova dagiti buybuyot ti naganna.

Jeremias 13:11

Ta cas ti barikes cumpet cadagiti lomo ti maysa a lalaki, casta ti panangpacapetco caniac iti amin a balay ti Israel ken iti amin a balay ti Juda, cuna ni Jehova; tapno agbalinda coma caniac a maysa nga umili, kenmaysa a nagan, ken maysa a dayaw, ken maysa a dayag; ngem saanda a nangipangag.

Jeremias 7:23

Ngem daytoy a banag imbilinco cadacuada, a kinunac, Ipangagyo ti timecco, ket siacto ti Diosyo, ket dacayto ti ilic; ket magnacayo iti amin a dalan nga ibilinco cadacayo, tapno mapaimbagcayo.

Ezekiel 16:8

Itay limmabasac iti arpadmo, ket minatmatanca, adtoy, ti pannawenmo pannawenen ti ayat; ket inyucradco ti cagayco iti rabawmo, ket inabbongac ti kinalamolamom: wen, insapatac kenca, ket nakitulagac kenca, cuna ni Apo Jehova, ket nagbalinca a cucuac.

Levitico 20:24

Ngem kinunac cadacayo, tawidenyonto ti dagada, ket itedconto cadacayo a cucuayo, maysa a daga nga agay-ayus ti gatas ken diro: siac ni Jehova a Diosyo, a nangilasin cadacayo cadagiti tattao.

Amos 3:2

Dacayo laeng ti binigbigco cadagiti amin a famfamilia ditoy daga: gapuna sucnalacto cadacayo ti amin a kinadakesyo.

Amos 6:1

Asida pay dagiti agnaed a sinanamay idiay Sion, ken dagiti sitatalged idiay bantay ti Samaria, dagiti natan-oc a tattao iti cangronaan cadagiti nasnacion, isuda nga umayan ti balay ti Israel!

Malakias 3:17

Ket isuda cucuacto ida, cuna ni Jehova dagiti buybuyot, cucuac met laeng, iti aldaw nga aramidecto; ket igagacto ida a cas iti panangigaga ti tao iti anacna met laeng nga agservi kencuana.

1 Taga-Corinto 10:26

Ta ti Apo cucuana ti daga ken dagup ti aglasud kencuana.

1 Taga-Corinto 10:28

Ngem no adda agsaonto cadacayo: Daytoy naidaton iti altar: saanyo a canen, gapu iti daydiay nangibaga, ken gapu iti conciencia.

Deuteronomio 10:14

Adtoy, ni Jehova a Diosmo ti agtagicua iti langit, ken iti langit dagiti langlangit, iti daga agraman amin nga adda kencuana.

Deuteronomio 11:27

Ti bendicion no ipangagyo dagiti bilbilin ni Jehova a Diosyo, nga ibilinco cadacayo itoy nga aldaw:

Deuteronomio 14:2

Ta sica maysaca nga ili a nasantoan ken Jehova a Diosmo, ket ni Jehova pinilinaca a maysa nga ili a cucuana a naisalsalumina, naipangpangrona ngem iti amin nga il-ili nga adda iti rabaw ti daga.

Deuteronomio 14:21

Dacayo saancayto nga agsida iti uray ania a natay latta: mabalinyo nga ited iti gangannaet nga adda iti uneg dagiti ruanganmo, tapno isu ti agsida; wenno mabalinmo nga ilaco iti gangannaet: ta sica maysaca nga ili a nasantoan ken Jehova a Diosmo. Dicanto pagluto iti urbon a calding ti gatas ni inana.

Deuteronomio 26:18

Ket ni Jehova pinanecnecannaca itoy nga aldaw a maysa nga ili a cucuana a naisingayan, cas incarina kenca, ken tapno salimetmetam amin a bilbilinna;

Deuteronomio 26:19

Ken tapno aramidennaca a naipadpaduma cadagiti isu-amin a nacion nga inaramidna, iti dayaw, iti nagan, ken iti tan-oc; ken tapno maysaca a nasantoan nga ili ken Jehova a Diosmo, cas sinaona.

Deuteronomio 28:1

Ket maaramidto a no imdengamto a sipapasnec ti timec ni Jehova a Diosmo, tapno tungpalem nga aramiden amin a bilbilinna, isu nga ibilinco kenca itoy nga aldaw, ni Jehova a Diosmo icabilnacanto a naipadpaduma cadagiti isu-amin a nasnacion iti daga:

Deuteronomio 28:9

Ni Jehova bangonennacanto a maysa a nasantoan a ili kencuana, cas insapatana kenca; no salimetmetamto dagiti bilbilin ni Jehova a Diosmo, ken magnaca cadagiti daldalanna.

Deuteronomio 4:20

Ngem ni Jehova innalanacayo, ket inaonnacayo iti horno a landoc, nanipud Egipto, tapno maipaaycayo kencuana a maysa nga ili nga agtawid cas iti daytoy nga aldaw.

Deuteronomio 5:2

Ni Jehova a Diostayo inaramidna ti maysa a tulag cadatayo idiay Horeb.

Deuteronomio 7:6

Ta sica ti umili a nasantoan ken Jehova a Diosmo: ni Jehova a Diosmo pinilinaca nga ili tapno tagicuaennaca nga ipangpangrona ngem ti dagup amin nga il-ili nga addada iti rabaw ti daga.

Deuteronomio 9:29

Isuda met laeng ti ilim ken tawidmo nga inaonmo ida iti dackel a bilegmo ken iti siunnat a tackiagmo.

Tito 2:14

Isu nga inyawatna ti bagina gapu cadatayo, tapno subbotennatay iti amin a kinadakes ken manggugur a maipaay kencuana met laeng ti maysa nga ili a cucuana, a naregta cadagiti naimbag nga ar-aramid.

Hebreo 11:8

Gapu iti pammati ni Abraham, idi a naayaban, tapno mapan iti maysa a disso nga awatennanto a cas tawid, nugtulnog ket napan a dina ammo no adino ti pagturonganna.

Hebreo 8:9

Saan a cas iti tulag nga inaramidco cadagidi ammada Idi aldaw a panangibinco cadacuada, tapno iruarco ida idiay daga ti Egipto: Ket gapu ta saanda a nagtalinaed iti tulagco, Binaybay-ac ida, cuna ti Apo.

Josue 24:24

Ket ti ili kinunana ken Josue, Agservicaminto ken Jehova a Diosmi; ken ipangagminto ti timecna.

1 Pedro 2:9

Ngem, dacayo ti napili a caputotan, ti naarian a kinapadi, nasantoan a nacion, ili a cucua ti Dios; tapno ipaduyacyacyo dagiti kinatan-oc daydiay nangayab cadacayo manipud kinasipnget inggana iti nacascasdaaw a lawagna:

1 Samuel 15:22

Ket ni Samuel kinunana, Addaan aya ni Jehova iti dacdackel a ragsac cadagiti daton a mapuuran ken sacrificio, ngem iti panagtulnog iti timec ni Jehova? Adtoy, ti panagtulnog naim-imbag ngem iti sacrificio, ken panangipangag ngem iti kinalucmeg dagiti carcarnero a lallaki.