Exodo 19:16 - Ti Biblia (1973)

¹⁶ Ket naaramid nga iti maicatlo nga aldaw, idi a bummigat, naggurgurrood ken nagkimkimat, ken nagulep iti napuscol iti rabaw ti bantay, ken naguni ti tangguyob a casta unay ti pigsana; ket nagkintayeg amin dagiti tattao iti pacarso.

Ti Baro a Naimbag a Damag Biblia

¹⁶ Iti agsapa iti maikatlo nga aldaw, naggurruod ken nagkimat iti bantay. Nagparang ti napuskol nga ulep. Immaweng ti nakapigpigsa nga uni ti trumpeta. Nagpigerger dagiti amin a tattao iti kampo gapu iti buteng.

Exodo 19:16 Iomraidhean Croise

2 Samuel 22:10

Isu inrucbabna met dagiti langlangit, ket bimmaba; ket napuscol a sipnget adda idi iti baba dagiti sacsacana.

2 Cronicas 5:14

Iti casta a dagiti papadi dida nabalin ti agtacder nga agannong a gapu iti ulep; ta ti dayag ni Jehova pinunnona ti balay ti Dios.

Ti Libro ni Job 38:25

Asino ti nangcali iti maysa a canal a maipaay iti layus, wenno maysa a dalan a maipaay iti sal-it ti gurrood;

Dagiti Salmo 50:3

Ti Diostayo umay, ket saan nga agulimec: adda apuy a mangrunaw iti sangoananna, ket iti sibayna aglicmut ti casta unay a bagio.

Dagiti Salmo 77:18

Ti uni ti gurroodmo nagallicubeng iti alipugpug; dagiti kimkimat sinilnaganda toy lubong: ti daga nagarigengen ket naggingined.

Dagiti Salmo 81:8

Denggem, O ilic, ket mamanecnecacto kenca: O Israel, no comano ipangagnac!

Dagiti Salmo 97:4

Dagiti kimkimatna sinilnaganda toy lubong: ti daga nakitana, ket nagkintayeg.

Exodo 19:11

Ket sisasaganada coma a maipaay iti maicatlo nga aldaw; ta intono maicatlo nga aldaw ni Jehova bumabanto iti imatang dagiti amin a tattao iti rabaw ti bantay Sinai.

Exodo 19:15

Ket kinunana cadagiti tattao, Agsaganacayo a maipaay iti maicatlo nga aldaw: dicayo dumenna iti babai.

Exodo 19:17

Ket ni Moises inruarna dagiti tattao iti pacarso a sumabat iti Dios; ket nagyanda iti arisadsad ti bantay.

Exodo 19:9

Ket ni Jehova kinunana ken Moises, Kitaem ta umayac kenca iti napuscol nga ulep, tapno dagiti tattao mangngegda no makisaoac kenca, ken tapno patiendaca met nga agnanayon. Ket ni Moises imbagana dagiti sasao dagiti tattao ken Jehova.

Exodo 20:18

Ket amin dagiti tattao nadlawda dagiti gurgurrood, ken dagiti kimkimat, ken ti uni ti tangguyob, ken ti bantay nga agas-asuc; ket idi dagiti tattao nakitada, nagpiggergerda, ket nagyanda iti adayu.

Exodo 20:21

Ket dagiti tattao nagyanda iti adayu, ket ni Moises immasideg iti napuscol a sipnget isu nga ayan idi ti Dios.

Exodo 40:34

Idin ti ulep inabungotanna ti tolda ti gimong, ket ti dayag ni Jehova pinunnona ti tabernaculo.

Exodo 9:23

Ket ni Moises intudona ti sarucodna iti agpalangit: ket ni Jehova imbaonna ti gurrood ken uraro, ket ti apuy nagpababa iti daga; ket ni Jehova pinagtudona ti uraro iti daga nga Egipto.

Jeremias 5:22

Saancayo aya nga agbuteng caniac? cuna ni Jehova: saancayo aya nga agpigergerto iti sangoanac, siac a nangicabil ti darat a beddeng ti baybay, ti agnanayon a bilin, nga isu saannanto a malasat? ket uray dagiti dalluyonna agpallatocda, nupay casta saanda nga umartap: uray pay no agungorda, nupay casta saanda a malasat.

Nahum 1:3

Ni Jehova natanang nga agpungtot, ken dackel iti pannacabalin, ket uray casano dinanto ipalawag nga awanan basol ti nacabasol: ni Jehova adda dalanna iti alipugpog, ken bagio, ket dagiti ul-ulep isuda dagiti tapuc dagiti sacana.

San Mateo 24:31

Ket ibaonnanto dagiti angelna a buyugan ti napigsa nga uni ti trompeta, ket urnongendanto dagiti pinilina, cadagiti uppat nga angin, manipud iti maysa nga ungto ti langit agingga iti bangir.

Deuteronomio 5:5

(Addaac idi iti baet ni Jehova ken dacayo iti daydi nga aldaw, tapno ibatadco cadacayo ti sao ni Jehova: ta agbutengcayo met idi gapu idi apuy, ket dicay simmang-at idi bantay:) a kinunana,

Hebreo 12:21

Ket nacaal-alinget idi daydi a buyaen, iti casta ni Moises kinunana; Makigtotac unay ken agtaytayegtegac;

Paltiing 1:10

Siac addaac idi iti Espiritu, iti aldaw ti Apo, ket nangngegco iti licudac ti maysa a dackel ti timec, a cas la iti uni ti tangguyob.

Paltiing 11:19

Ket naluctan daydi templo ti Dios idiay langit, ket nakita idiay templona ti lacasa daydi tulagna: ken naadda idi kimkimat, ken ririaw, ken gurgurrood, ken maysa a gingined, ken dackel a tudo ti uraro.

Paltiing 4:1

Calpasan dagitoy, kimmitaac, ket adtoy, maysa a ruangan, a naluctan idiay langit, ket ti umuna a timec a nangngegco, a cas la uni ti tangguyob, a nakisasao caniac, a cuncunana; Umulica ditoy; ket iparangconto kenca dagiti banbanag a mapasamacto iti masacbayan.

Paltiing 4:5

Ket iti trono rumrummuar idi dagiti kimkimat, ken timtimec ken gurgurruod; ket adda idi pito a pagsilawan nga apuy a sumsumged iti sangoanan ti trono, nga isuda dagiti pito nga Espiritu ti Dios;

Paltiing 8:5

Ket daydi angel innalana daydi paginciensoan; ket pinunnona iti apuy di altar, ket imbellengna iti daga ket simmaruno dagiti gurgurrood, ririaw, ken kimkimat ken maysa a gingined.