Exodo 19:11 - Ti Biblia (1973)

¹¹ Ket sisasaganada coma a maipaay iti maicatlo nga aldaw; ta intono maicatlo nga aldaw ni Jehova bumabanto iti imatang dagiti amin a tattao iti rabaw ti bantay Sinai.

Ti Baro a Naimbag a Damag Biblia

¹¹ ket sisasaganadanton iti maikatlo nga aldaw. Iti dayta nga aldaw, bumabaakto iti Bantay Sinai tapno makitadak dagiti amin a tattao.

Exodo 19:11 Iomraidhean Croise

Genesis 11:5

Ket bimmaba ni Jehova tapno kitaenna ti ciudad ken ti torre a bangbangonen idi dagiti annac ti tao.

Nehemias 9:13

Bimmabaca met idiay rabaw ti bantay Sinai, ket kinasaom ida manipud langit, ket intedmo cadacuada dagiti nalinteg nga anannuruten ken dagiti pudno a linlinteg, dagiti naimbag nga al-alagaden ken bilbilin,

Dagiti Salmo 144:5

Pagluyokem dagiti langitmo, O Jehova, ket agpababaca: calbitem dagiti banbantay, ket agasucdanto.

Dagiti Salmo 18:9

Isu pinagluyocanna met dagiti langlangit, ket bimmaba; ket napuscol a sipnget adda idi iti baba dagiti sacana.

Exodo 19:16

Ket naaramid nga iti maicatlo nga aldaw, idi a bummigat, naggurgurrood ken nagkimkimat, ken nagulep iti napuscol iti rabaw ti bantay, ken naguni ti tangguyob a casta unay ti pigsana; ket nagkintayeg amin dagiti tattao iti pacarso.

Exodo 19:18

Ket ti bantay Sinai, ti sibubukel a bagina nagas-asuc, ta ni Jehova bimmaba iti rabawna iti apuy; ket ti maysa nga horno, ket amin ti bantay nagkintayeg iti napalalo.

Exodo 19:20

Ket bimmaba ni Jehova iti rabaw ti bantay Sinai, iti tuctoc ti bantay; ket ni Jehova inayabanna ni Moises a dumanon iti tuctoc ti bantay; ket ni Moises simmang-at.

Exodo 24:16

Ket ti dayag ni Jehova nagsaad iti rabaw ti bantay Sinai, ket ti ulep binungonna iti bayat ti innem nga aldaw: ket iti maicapito nga aldaw inayabanna ni Moises nanipud iti nagtengngaan ti ulep.

Exodo 24:17

Ket ti langa ti dayag ni Jehova adda idi a cas la apuy a manguram iti pantoc ti bantay iti imatang dagiti annac ti Israel.

Exodo 3:8

Ket bimmabaacon tapno ilisic ida iti ima dagiti Egipcios, ken tapno ipanawco ida idiay a daga nga ipan iti maysa a naimbag ken nalawa, iti maysa a daga a pagayusan ti gatas ken diro; iti yan ti Cananeo, ken ti Heteo, ken ti Amorreo, ken ti Perezeo, ken ti Heveo, ken ti Jebuseo.

Exodo 34:2

Ket agsaganaca agingga iti bigat, ket iti bigat sumang-atca iti bantay Sinai, ket dumatagca caniac idiay iti pantoc ti bantay.

Exodo 34:5

Ket ni Jehova bimmaba iti maysa nga ulep, ket nakitacder kencuana sadiay, ket imbunannagna ti nagan ni Jehova.

Numero 11:17

Ket siac bumabaacto, ket makisaoacto kenca idiay; ket mangalaacto iti Espiritu nga adda kenca ket icabilconto cadacuada; ket makipagawitdanto kenca iti awit ti ili, tapno dica agmaymaysa a mangawit.

San Juan 3:13

Ket awan ti immuli sadi langit, no di ti bimmaba nanipud langit, ti Anac ti tao.

San Juan 6:38

Ta bimmabaac nanipud langit, saan a tapno aramidec ti pagayatac, no di ti pagayatan ti nangibaon caniac.

Deuteronomio 33:2

Ket kinunana, ni Jehova naggapu iti Sinai, ket dimmanon cadacuada nanipud Seir; siraraniag nanipud bantay Paran, ket naggapu cadagiti linaclacsa a sasanto: iti imana a canawan maysa a dumardarang a linteg nga agservi cadacuada.

Deuteronomio 4:10

Idi aldaw nga caaddayo iti sango ni Jehova a Diosmo idiay Horeb, idi ni Jehova kinunana caniac, Gimongem caniac ti ili, ta ipangngegco cadacuada dagiti sasaoc, tapno masursuroda ti agbuteng caniac iti amin nga al-aldaw ti panagbiagda iti rabaw ti daga, ken tapno maisuroda dagiti annacda.

Josue 3:5

Ket ni Josue kinunana cadagiti tattao: Santificarenyo dagiti bagbagiyo, ta intono bigat ni Jehova agaramidto cadagiti datdatlag iti tengngayo.