Exodo 19:10 - Ti Biblia (1973)

¹⁰ Ket ni Jehova kinunana ken Moises, Inca cadagiti tattao, ket santificarem ida ita nga aldaw ken intono bigat, ket labaanda coma dagiti pagpagan-anayda,

Ti Baro a Naimbag a Damag Biblia

¹⁰ ket kinuna ni Yahweh kenkuana, “Inka kadagiti tattao ket ibagam a dalusanda dagiti bagida ita ken inton bigat tapno agsaganada nga agdaydayaw. Masapul a labaanda dagiti pagan-anayda

Exodo 19:10 Iomraidhean Croise

Genesis 35:2

Idin ni Jacob kinunana cadagiti cabbalayna, ken cadagiti amin a nakipagyan kencuana, Iwagsacyo dagiti didiosen a sabsabali cadacayo, ket agdaluscayo, ket sucatanyo dagiti pagananayyo:

2 Samuel 19:24

Ket ni Mifiboset nga anac ni Saul simmalog nga sumabet iti ari; ket isu awan ti cawes dagiti sacsacana, saanna a pinukisan ti imingna, saanna a linabaan dagiti pagan-anayna, nanipud idi aldaw nga iruruar ti ari, inggana iti aldaw a panagawidna a sitatalna.

2 Cronicas 29:34

Ngem dagiti papadi nakirangda, iti casta dida umanay a manglalat coma cadagiti amin a datdaton a mapuuran gapuna a dagiti cacabsatda a Levitas timmulongda cadacuada agingga iti nalpas ti aramid, ken agingga iti sinantificar dagiti papadi dagiti bagida met laeng; ta dagiti Levitas nalinlintegda iti puso a mangsantificar cadagiti bagida met laeng ngem dagiti papadi.

2 Cronicas 29:5

Ket kinunana cadacuada, Denggendac, dacayo a Levitas; ita santificarenyo dagiti bagiyo met laeng, ket santificarenyo ti balay ni Jehova, a Dios dagiti ammayo, ket ipanyo ti kinarugit iti ruar ti nasantoan a disso.

Ti Libro ni Job 1:5

Ket casta idi a dagiti al-aldaw ti panagdayada nabatangbatangdan, a nagbaon ni Job ket sinantificarna ida, ket bimmangon a nasapa iti bigat, ket nangipaay cadagiti datdaton a mapuuran cas mayalubog iti bilangda amin: ta ni Job kinunana, Mabalin a nagbasol dagiti annacco a lallaki, ket indianda ti Dios cadagiti puspusoda. Casta ti inaramid a cancanayon ni Job.

Levitico 11:25

Ket siasinoman a mangala iti sangcabassit a bagi ti natay cadagidiay, labaannanto ti pagan-anayna, ket dinto nadalus agpapan iti rumabii.

Levitico 15:5

Ket siasinoman a macasagid iti iddana, labaannanto dagiti pagpagan-anayna, ket agdigosto iti danum, ket narugit inggana iti rumabii.

Numero 11:18

Ket cunam cadagiti tattao, Santificarenyo dagiti bagbagiyo a maipaay iti bigat, ket agsidacayto iti lasag: ta nagsangitcayo cadagiti pagdengngeg ni Jehova a kinunayo, Asino ti mangted cadacami iti lasag a sidaen? ta naimbag idi idiay Egipto: isu ti gapuna a ni Jehova iccannacayto iti lasag, ket agsidacayto.

Numero 19:19

Ket ti tao a nadalus warsiannanto ni saan a nadalus iti maicatlo nga aldaw, ken iti maicapito nga aldaw: ket iti maicapito nga aldaw dalusannanto; ket isu labaananto dagiti pagan-anayna, ket agdigosto iti danum, ket nadalusto iti sumipnget.

Numero 31:23

Amin a di marunaw iti apuy, pailabasyonto iti apuy, ket nadalusto; nupay casta madalusanto iti danum ti kinarugit, ket amin a marunaw iti apuy, isawsawyonto iti danum.

Numero 31:24

Ket dacayo labaanyonto dagiti pagan-anayyo iti maicapito nga aldaw, ket nadaluscayto, ket iti calpasanna sumreccayto iti pacarso.

Numero 8:21

Ket dagiti Levitas ginugoranda dagiti bagbagida manipud iti basol, ket linabaanda dagiti cawcawesda; ket ni Aaron indatagna ida a daton a mailili iti sango ni Jehova; ket ni Aaron inaramidna ti pannacaabbong a maipaay cadacuada tapno dalusanna ida.

Numero 8:7

Ket castoy ti aramidemto cadacuada, tapno dalusam ida: warsiam ida iti danum a paggugoran, ket paipagnada ti nabajas iti amin a lasagda, ket labaanda dagiti pagan-anayda, ket dalusanda dagiti bagbagida.

1 Taga-Corinto 6:11

Ket cacastada idi dagiti dadduma cadacayo: ngem nadalusancayo, ngem napagsantocayo, ngem mapalintegcayo babaen iti nagan ni Apo Jesu-Cristo, ken iti Espiritu ti Diostayo.

Hebreo 10:22

Umadanitay coma a buyugen ti puso a napudno, iti naan-anay a kinatalged ti pammati, nga adda a nawarisan dagiti puspusotayo, a nadalusanda iti dakes a nakem ket nabuggoan dagiti bagbagi iti danum a nadalus,

Josue 3:5

Ket ni Josue kinunana cadagiti tattao: Santificarenyo dagiti bagbagiyo, ta intono bigat ni Jehova agaramidto cadagiti datdatlag iti tengngayo.

Josue 7:13

Tumacderca, Santificarem dagiti tattao, ket cunam, Agsantificarcayo cadacayo met laeng inggana iti bigat: ta castoy ti cuna ni Jehova, a Dios ti Israel, Adda banag a naipaay iti tengngam, O Israel; dica mabalin ti agtacder iti sangoanan dagiti cabusormo, inggana iti dica ibelleng ti banag a naipaay manipud iti tengngayo.

Paltiing 22:14

Nagasat dagidiay mangdalus cadagiti pagananayda, tapno adda calinteganda nga aglac-am iti cayo ti biag, ken tapno mabalinda ti sumrec cadagiti ruruangan ti ciudad.

Paltiing 7:14

Ket kinunac kencuana: Apoc, sica ammom. Ket isu kinunana caniac: Dagitoy isuda dagiti naggapu iti dackel a rigat, ket binuggoanda dagiti pagananayda, ket pinapudawda ida iti dara ti Cordero.

1 Samuel 16:5

Ket isu kinunana, Sicacappia; umayac agdaton ken Jehova, santificarenyo dagiti bagbagiyo, ket umaycayo cumuyog caniac iti panangidaton. Ket isu sinantificarna da Isai ken dagiti annacna a lallaki, ket inayabanna ida iti panangidaton.