Exodo 18:8 - Ti Biblia (1973)

⁸ Ket ni Moises sinaritana ken catuganganna amin nga inaramid ni Jehova ken Faraon ken cadagiti Egipcios a maipuon iti Israel, amin dagiti rigrigat a linac-amda iti dalan, ken no casano ti panangispal ni Jehova cadacuada.

Ti Baro a Naimbag a Damag Biblia

⁸ Imbaga ni Moises ken ni Jetro ti amin nga inaramid ni Yahweh iti ari ken iti amin nga Egipcio tapno ispalenna dagiti Israelita. Imbagana met kenkuana ti rigat a naglasatan dagiti tattao iti dalan ken no kasano ti panangilasat ni Yahweh kadakuada.

Exodo 18:8 Iomraidhean Croise

Genesis 44:34

Ta casano ti isasangpetconto ken amac, no awan caniac ti ubing? tapno saanco a makita ti dakes a sagabaento ni amac.

Nehemias 9:32

Ita ngarud, Diosmi, ti dackel, a mannacabalin, ket nacakigkigtot a Dios, a mangsalimetmet iti tulag ken kinamanangngaasi, dica palubosan nga agparang ita sangoanam a cas bassit ti amin a rigat, nga immay cadacami, cadagiti pangpangoloenmi, ken cadagiti papadimi, ken cadagiti mammadtomi, ken cadagiti ammami, ken iti amin nga ilim, nanipud idi tiempo dagiti ar-ari ti Asiria agingga itoy nga aldaw.

Dagiti Salmo 106:10

Ket insalacanna ida iti ima ti nanggura cadacuada, ket sinubbotna ida iti ima ti cabusor.

Dagiti Salmo 106:8

Nupay casta isu insalacanna ida a maigapu iti naganna, tapno maipacaammona ti napigsa a pannacabalinna.

Dagiti Salmo 107:2

Dagiti sinubbot ni Jehova cunaenda coma a casta, dagidiay a sinubbotna iti ima ti cabusor,

Dagiti Salmo 66:16

Umaycayo, ket dumngegcayo, dacayo amin nga agbuteng iti Dios, ket ipalawagconto ti impaayna itoy cararwac.

Dagiti Salmo 81:7

Sica immawagca iti pannacariribuc ket siac inispalca; sinungbatanca iti nalmeng a yan ti gurruood; sinuutca idiay danum ti Meriba. (Selah)

Exodo 15:16

Kigtot ken amac agdissuor cadacuada; Gapu iti kinadackel ti tackiagmo naulimecda a cas bato; Agingga ti pannacalasat ti ilim, O Jehova, Agingga ti pannacalasat ti ili a ginatangmo.

Exodo 15:6

Ti imam a macanwan, O Jehova, nagloriaan iti pigsa, Ti imam a macanawan, O Jehova, ti cabusor winarawarana.

Exodo 16:3

Ket dagiti annac ti Israel kinunada cadacuada, Sapay coma ta natay cami gapu iti ima ni Jehova iti daga nga Egipto, idi nagtutugawcami iti abay ti paglutoan ti lasag, idi nangancami nga agrennec iti tinapay; ta innaladacami man ditoy a let-ang, a patayen iti bisin amin daytoy a sancagimongan.

Exodo 18:1

Ket ni Jetro a padi sadi Madian, a catugangan a lalaki ni Moises, naanmoanna ti amin nga inaramid ti Dios ken Moises ken iti Israel nga ilina, no casano ti panangiruar ni Jehova iti Israel sadi Egipto.

Exodo 2:25

Ket ti Dios minatmatanna dagiti annac ti Israel, ket ti Dios linagipna ida.

Exodo 23:23

Ta ti angelco mapanto iti sangoanam, ket iserrecnacanto iti Amoreo, ken iti Heteo, ken iti Pherezeo, ken iti Cananneo, ken iti Heveo, ken iti Jebuseo: ket ipusayconto ida.

Exodo 4:23

Ket siac kinunac kenca idi, Bayam a pumanaw ti anacco, tapno agdaydayaw caniac; ket dica kinayat a pinalubosan idi: adtoy a siac patayeecto ti anacmo, ti inauna nga anacmo.

Exodo 7:4

Ngem ni Faraon saanto a dumngeg cadacayo ket isaadconto ti imac iti Egipto ket ipanawconto dagiti buybuyotco, ti ilic, dagiti annac ti Israel, manipud iti daga nga Egipto, nga aramatec dagiti dadackel a panangocom.

Exodo 7:5

Ket dagiti Egipcios maamoandanto a siac ni Jehova, no ilayatco ti imac iti Egipto ken alaec dagiti annac ti Israel iti tengngada.

Numero 20:14

Ket ni Moises namalubos nanipud Cades cadagiti nabaon a napan iti ari ti Edom, Castoy ti sao ni cabsatmo nga Israel, Sica ammom amin ti rigat a napasamacmi: