Exodo 18:5 - Ti Biblia (1973)

⁵ Ket ni Jetro a catugangan a lalaki ni Moises, agraman, dagiti annac ken ti asawa ni Moises, napanda kencuana iti let-ang, a nagsardenganna, idiay bantay ti Dios:

Ti Baro a Naimbag a Damag Biblia

⁵ Dimteng da Jetro, Sefora ken dagiti dua nga annak ni Moises iti bantay ti Dios iti let-ang a nagkampoan ni Moises.

Exodo 18:5 Iomraidhean Croise

1 Ar-ari 19:8

Ket isu timmacder, ket nangan ken imminum, ket napan iti pigsa dayta a taraon iti uppat a pulo nga aldaw ken uppat a pulo a rabii sadi Horeb a bantay ti Dios.

Exodo 18:6

Ket isu kinunana ken Moises, Siac, ni catugangam a Jetro immayac kenca, ken ni asawam ken dagiti dua nga annacna a lallaki nga incuyogna.

Exodo 19:11

Ket sisasaganada coma a maipaay iti maicatlo nga aldaw; ta intono maicatlo nga aldaw ni Jehova bumabanto iti imatang dagiti amin a tattao iti rabaw ti bantay Sinai.

Exodo 19:2

Ket idi pimmanaoda idiay Refidim, ket dimtengda iti let-ang ti Sinai, nagsardengda iti let-ang ket idiay nagyan ti Israel ti sanngo ti bantay.

Exodo 19:20

Ket bimmaba ni Jehova iti rabaw ti bantay Sinai, iti tuctoc ti bantay; ket ni Jehova inayabanna ni Moises a dumanon iti tuctoc ti bantay; ket ni Moises simmang-at.

Exodo 24:13

Ket ni Moises timmacder, ken ni Josue a ministrona: ket ni Moises simmang-at iti bantay ti Dios.

Exodo 3:1

Ni Moises agay-aywan idi cadagiti an-animal ni Jetro a catuganganna a lalaki a padi idiay Madian: ket impanna ti arban iti malicudan ti let-ang, ket dimmanon iti bantay ti Dios agingga iti Horeb.

Exodo 3:12

Ket kinunana, kinapudnona nga addaacto kenca; ket daytoyto ti pagilasinan kenca a siac imbaonca; Calpasanto ti panangalam iti ili sadi Egipto, agdaydayawcayo iti Dios iti rabaw daytoy a bantay.

Exodo 4:27

Ket ni Jehova kinunana ken Aaron, Inca sabaten ni Moises idiay let-ang. Ket napan, ket sinabatna idiay bantay ti Dios, ket inagcanna.