Exodo 18:10 - Ti Biblia (1973)

¹⁰ Ket ni Jetro kinunana, Bendito coma ni Jehova, a nangispal cadacayo iti ima dagiti Egipcios ken iti ima ni Faraon; daydiay nangisalacan cadagiti tattao iti ima dagiti Egipcios.

Ti Baro a Naimbag a Damag Biblia

¹⁰ ket kinunana, “Madaydayaw ti Apo a nangisalakan kadakayo kadagiti Egipcio ken iti ari! Madaydayaw ti Apo a nangispal kadagiti tattao iti panangtagabu dagiti Egipcio.

Exodo 18:10 Iomraidhean Croise

Genesis 14:20

Ket bendito coma ti Dios a Cangatoan, a nangyawat cadagiti cabusormo ita imam. Ket ni Abram intedna kencuana ti apagcapullo iti isu-amin.

Genesis 24:27

Ket kinunana, Bendito coma ni Jehova, ti Dios ni apoc nga Abraham, isu nga di nangbaybaya iti caasina ken kinapudnona iti apoc: casta met caniac, ni Jehova inturongnac iti dalan agingga iti balay dagiti cacabsat ti apoc.

2 Samuel 18:28

Ket ni Aimaas pimmuccaw, ket kinunana iti ari, Naimbag amin. Ket incul-obna ti rupana iti daga iti sango ti ari, ket kinunana, Bendito ni Jehova a Diosmo, a nangyawat cadagiti tattao, a nangitag-ay cadagiti im-imada a maibusor iti apoc nga ari.

1 Ar-ari 8:15

Ket isu kinunana, Madaydayaw ni Jehova, ti Dios ti Israel, isu a nagsao iti ngiwatna ken David nga amac, ket isu tinungpalna iti imana, a kinunana,

1 Ar-ari 8:56

Madaydayaw ni Jehova a nangted ti inana iti ilina nga Israel, a mayannurot iti amin nga incarina: awan nagcurang a maysa a sao iti amin a naimbag a carina, isu nga incarina iti pannacaaramat ni Moises nga adipenna.

Dagiti Salmo 41:13

Bendito coma ni Jehova, a Dios ti Israel, manipud kinaagnanayon inggana iti kinaagnanayon. Sapay coma, ket sapay coma ta casta.

San Lucas 1:68

Madaydayaw coma ti Apo, ti Dios ti Israel; Ta sinarungcaranna ken inaramidna ti pannacasubbut ti Ilina.

Taga-Efeso 1:3

Madaydayaw coma ti Dios ken Ama ni Apotayo a Jesu-Cristo, isu a nangbendicion cadatayo cadagiti amin a kita ti naespirituan a bendicion a nailangitan ken Cristo:

1 Taga-Tesalonica 3:9

Ta ania ti pagyaman a mabalinmi nga ited iti Dios gapu cadacayo, gapu iti amin a rag-o a pagragragsacmi maipoon cadacayo, iti sangoanan ti Dios;

1 Pedro 1:3

Madaydayaw coma ti Dios ken Ama ni Apotayo a Jesu-Cristo, isu a mayalubog iti dackel nga asina, binaliwannatay nga inyanac a maipaay iti maysa nga inanama a sibibiag, gapu iti panagungar ni Jesu-Cristo cadagiti natay;

1 Samuel 15:6

Ket ni Saul imbagana cadagiti Cineo, Incayo, pumanawcayo, sumalogcayo manipud iti tengnga dagiti Amalecitas, di la ket ta siac dadaelencayo a maicanunung cadacuada; ta dacayo imparangyo ti kinaimbag cadagiti annac ti Israel, idi simmang-atda a naggapu sadi Egipto. Iti casta dagiti Cineo pimmanawda nanipud iti tengnga dagiti Amalecitas.

1 Samuel 25:32

Ket ni David kinunana ken Abigail, Bendito ni Jehova, a Dios ti Israel, a nangibaon kenca ita nga aldaw a sumabet caniac.