Exodo 18:1 - Ti Biblia (1973)

¹ Ket ni Jetro a padi sadi Madian, a catugangan a lalaki ni Moises, naanmoanna ti amin nga inaramid ti Dios ken Moises ken iti Israel nga ilina, no casano ti panangiruar ni Jehova iti Israel sadi Egipto.

Ti Baro a Naimbag a Damag Biblia

¹ Nadamag ni Jetro, ti padi ti Midian ken katugangan ni Moises, ti amin nga impaay ti Dios ken ni Moises ken kadagiti Israelita idi inruar ni Yahweh ida idiay Egipto.

Exodo 18:1 Iomraidhean Croise

Dagiti Salmo 105:43

Ket inlapsutna ti ilina a siraragsac, ken dagiti pinilina a sicacantada.

Dagiti Salmo 105:5

Lagipenyo dagiti nacascasdaaw nga ar-aramid nga inaramidna, dagiti datdatlagna, ken dagiti panangikeddeng ti ngiwatna,

Dagiti Salmo 106:2

Siasino ti macaisao cadagiti nabileg a gapuanan ni Jehova, wenno, macaiparangarang amin a pacaidaydayawanna?

Dagiti Salmo 34:2

Ti cararwac pagpaspasindayagnanto ni Jehova: dagiti naemma mangngegdanto, ket agrag-oda.

Dagiti Salmo 44:1

Nangngegmi babaen cadagiti lapayagmi, O Dios, dagiti dadackelmi imbagada cadacami, no ania ti aramid nga inaramidmo cadagiti al-aldawda, cadagiti al-aldaw idi ununana.

Dagiti Salmo 78:4

Dicamto ilimed ida dadagiti putputotda, babaen ti panangibagami iti caputotan a sumaruno cadagiti pacaidaydayawan ni Jehova, ken ti kinapigsana, ken dagiti nacascasdaaw nga ar-aramid nga inaramidna.

Exodo 2:16

Ti padi sadi Madian adda pito nga annacna a babai: ket isuda immayda agsacdu, ket pinunnoda dagiti colcolloong a pamainumanda iti pangen ni amada.

Exodo 2:18

Ket idi nga simmangpetda ken Raquel nga amada, isu kinunana, Ania ti gapuna a nagsublicayo iti castoy a cabiitna ita nga aldaw?

Exodo 2:21

Ket ni Moises immannugot a nakipagnaed iti lalaki, ket isu intedna ken Moises ti anacna a babai a Sefora.

Exodo 3:1

Ni Moises agay-aywan idi cadagiti an-animal ni Jetro a catuganganna a lalaki a padi idiay Madian: ket impanna ti arban iti malicudan ti let-ang, ket dimmanon iti bantay ti Dios agingga iti Horeb.

Exodo 4:18

Ket ni Moises napan nagsubli ken Jetro a catuganganna a lalaki, ket kinunana kencuana, dawatec kenca, Palubosannac, nga agsubli cadagiti cacabsatco nga addada sadi Egipto, bareng no addada pay a sibibiag. Ket ni Jetro kinunana ken Moises, Inca a sitatalna.

Exodo 6:6

Gapuna a saoem cadagiti annac ti Israel, Siac ni Jehova ket siac ilapsutcayto cadagiti pammarparigat dagiti Egipcios cadacayo, ket ispalencayto iti panangadipenda, ket subbotencayto iti siuunnat a tackiag ken cadagiti naindaclan a panangocom:

Jeremias 33:9

Ket agpaayto caniac, daytoy nga ili iti nagan ti rag-o, iti panagdayaw ken iti dayag, iti sangoanan dagiti amin a nasnacion ditoy daga a dumngegto cadagiti amin a naimbag nga aramidec, cadacuada, ket agbutengdanto ken agpigergerdanto cadagiti amin a naimbag ken dagiti amin a talna nga paaddaec kencuana.

Zacarias 8:23

Castoy ti cuna ni Jehova dagiti buybuyot: Cadagidiay nga aldaw mapasamacto, a sangapulo a lallaki a naggapuda cadagiti amin a pagsasao dagiti nasnacion, cumpetdanto, wen cumpetdanto iti pingir ti cawes daydiay Judio, a cunada, Dacami cumuyogcaminto kenca, ta nangegmi a ti Dios adda kenca.

Numero 10:29

Ket ni Moises kinunana ken Hobab nga anac a lalaki ni Raguel a taga Madian, a catugangan ni Moises, Agbariw-ascami a mapan iti disso a sinao ni Jehova, Itedconto cadacayo: Umayca cadacami, ket naimbagto ti aramidenmi kenca: ta ni Jehova naimbag ti sinaona maipapan iti Israel.

Dagiti Aramid 14:27

Ket idi a nacagtengda ken naurnongda ti Iglesia, sinaritada dagiti amin a banag nga inaramid ti Dios nga inaramatna ida ken no casano ti pananglucatna ti ruangan ti pammati cadagiti Gentil.

Dagiti Aramid 15:12

Idin amin dagidi adu a tao nagulimecda ket dinengngegda ni Bernabe ken Pablo, a manarsarita idi cadagidi amin a datdatlag ken pagilasinan nga inaramid ti Dios cadagiti Gentil babaen ti pannacaaramatda.

Taga-Roma 15:18

Ta diac maituredto ti agsao iti aniaman no di ti maipapan cadagiti inaramid ni Cristo gapu caniac babaen ti tao ken aramid a maipaay iti kinatulnog dagiti Gentiles.

Josue 2:10

Ta nangngegmi a ni Jehova pinagmagana dagiti danum ti Baybay a Nalabaga iti sangoananyo, idi a rimmuarcayo sadi Egipto; ken daydi inaramidyo cadagiti dua nga ar-ari dagiti Amorreos, a nagyanda idi iti ballasiw ti Jordan, da Seon ken Og, isuda a pinapatayyo a tinalipupus.

Josue 9:9

Ket isuda kinunada kencuana, Nanipud iti adayu unay a daga dagiti ad-adipenmo immayda a gapu iti nagan ni Jehova a Diosmo: ta nangegmi ti damagna, ken isu-amin a banag nga inar-aramidna idiay Egipto,

Uk-ukom 1:16

Ket dagiti annac ti Cineo, a cayong ni Moises, simmang-atda a naggapu iti ili dagiti palpalma a naicuyogda cadagiti annac ni Juda a nagpalet-angda ti Juda, nga adda iti abagatan ti Arad; ket napanda ket nakipagnaedda cadagiti tattao.

Uk-ukom 4:11

Ket ni Heber a Cineo simmina idi cadagiti Cineos, a cadagiti met laeng annac ni Hobab a cayong ni Moises, ket insaadna ti toldana agingga iti cayo a lugo idiay Zaananim a nairaip iti Cedes.