Exodo 17:7 - Ti Biblia (1973)

⁷ Ket ninaganna daydi a disso iti Massah ken Meribah, maipuon iti pannakisusic dagiti annac ti Israel, ken maipuon iti panangsuutda ken Jehova, a cunada, Adda ni Jehova cadatayo, wenno awan?

Ti Baro a Naimbag a Damag Biblia

⁷ Napanaganan ti disso iti Massa ken Meriba gapu ta nakisuppiat dagiti Israelita ken sinuotda ni Yahweh idi saludsodenda, “Adda met la ti Apo kadatayo wenno awan?”

Exodo 17:7 Iomraidhean Croise

Dagiti Salmo 106:32

Ket isu pinagpungtotda met idiay dandanum ti Meriba, iti casta isu ti nacapadakes ken ni Moises maipuon cadacuada;

Dagiti Salmo 78:18

Ken sinuutda ti Dios iti pusoda gapu iti panagkiddawda iti taraon a cas maitutop iti tarigagayda.

Dagiti Salmo 81:7

Sica immawagca iti pannacariribuc ket siac inispalca; sinungbatanca iti nalmeng a yan ti gurruood; sinuutca idiay danum ti Meriba. (Selah)

Dagiti Salmo 81:8

Denggem, O ilic, ket mamanecnecacto kenca: O Israel, no comano ipangagnac!

Dagiti Salmo 95:8

Dicayo patangkenen ta pusoyo, a cas idiay Meriba, a cas iti aldaw ti Masa iti let-ang,

Exodo 17:2

Gapuna a dagiti tattao nakisusicda ken Moises, ket kinunada, Iccannacami iti danum ta uminumcami. Ket ni Moises kinunana cadacuada. Apayapay a casusicdac? Ania ti gapuna a susuutenyo ni Jehova?

Exodo 34:9

Ket kinunana, No ita natumpungacon ti parabur iti imatangmo, O Apo, dawatec kenca, magna coma ti Apo iti baetmi; ta isu ili a natangken ti panagtelteltelna; ket pacawanem ti kinadakesmi ken ti basolmi, ket alaennacami a tawidmo.

Isaias 12:6

Apdir-ica ken agriawca sica nga agtaeng iti Sion; ta ti Santo ti Israel dackel iti nagtengngaam.

Mikias 3:11

Dagiti pangulona mangocomda gapu iti gunguna, ket dagiti papadina mangisuroda gapu iti tangdan, ket dagiti mammadtona agipadlesda maipuon iti pirac; ket nupay casta agsanggirda ken Jehova, a cunada, Awan aya ni Jehova iti nagtengngaantayo? awan ti dakes nga umayto cadatayo.

Numero 14:22

Gapu ta amin dagidiay a tattao a nacakita iti dayagco, ken dagiti pagilasinac a gapuanac sadi Egipto ken iti let-ang, nupay casta sinuutdac cadagitoy naminsangapulo daras, ket dida impangag ti timecco.

Numero 20:13

Dagitoy isuda dagiti dandanum ti Meriba; gapu ta dagiti annac ti Israel nakisubangda ken Jehova, ket isu nasantificar idi cadacuada.

Numero 20:24

Ni Aaron maitiponto iti ilina: ta isu saanto a sumrec iti daga nga intedco cadagiti annac ti Israel, gapu ta sinupringyo ti saoc idiay dandanum ti Meriba.

Numero 27:14

Ta dacayo nagsungitcayo iti saoc idiay let-ang ti Zin, iti pannakisusic ti gimong, tapno santificarendac coma cadagidiay dandanum iti sango dagiti matada. (Dagitoy isuda dagiti dandanum ti Meriba ti Cades iti let-ang ti Zin.)

San Juan 1:14

Ket daydi a Verbo nagbalin a lasag, ket nakipaggian cadatayo: (ket nakitami ti dayagna, a cas la iti dayag ti Bugbugtong nga Anac ti Ama), napno ti parabur ken pudno.

Deuteronomio 31:17

Iti casta sumgedto ti pungtotco cadacuada iti daydiay nga aldaw, ket baybay-acto ida, ket ilemmengconto cadacuada ti rupac, ket maalunundanto ket adu dagiti dakes ken rigat a umaydanto cadacuada; iti casta cunadanto iti daydiay nga aldaw, Saan aya nga immay cadatayo dagitoy a dakes a gapu ta awan cadatayo ti Diostayo?

Deuteronomio 33:8

Ket ti maipapan ken Levi, isu kinunana, ti Tumimmo ken Urimmo addada iti nasantoan a taom, isu a sinuutmo idiay Massa, isu a kinasusicmo idiay dandanum ti Meriba;

Deuteronomio 6:16

Dicay suuten ni Jehova a Diosyo, cas pinangsuutyo kencuana idiay Massa.

Deuteronomio 9:22

Ket idiay Tabera ken idiay Massa ken idiay Kibroth-haatavah, ginargariyo a nagpungtot ni Jehova.

Josue 22:31

Ket ni Finees nga anac ni Eleazar a padi kinunana cadagiti annac ni Ruben, cadagiti annac ni Gad, ken cadagiti annac ni Manases, Ita nga aldaw maammoanmi ni Jehova adda iti nagtengngaantayo, agsipud ta dicayo inaramid daytoy a panglabsing a maicaniwas ken Jehova: itatta inyanawayo dagiti annac ti Israel iti ima ni Jehova.