Biblia Todo Logo
Bìoball air-loidhne

- Sanasan -




Exodo 17:6 - Ti Biblia (1973)

6 Adtoy, addaacto iti sangoanam idiay iti rabaw ti bato sadi Horeb; ket ibaotmonto iti bato, ket rumuarto idiay ti danum, tapno uminum dagiti tattao. Ket ni Moises inaramidna ti casta iti imatang dagiti lallacay ti Israel.

Faic an caibideil Dèan lethbhreac

Ti Baro a Naimbag a Damag Biblia

6 Agtakderakto iti imatangyo iti bato iti Bantay Horeb. Ibautmo ti sarukodmo iti bato ket agpussuakto iti danum nga inumen dagiti tattao.” Kasta ti inaramid ni Moises iti imatang dagiti pangulo ti Israel.

Faic an caibideil Dèan lethbhreac




Exodo 17:6
24 Iomraidhean Croise  

Ket iniccam ida ti tinapay a naggapu iti langit a gapu iti bisinda, ket inruarmo ti danum a maipaay cadacuada a naggapu idi bato a gapu iti wawda, ket binilinmo ida tapno sumrecda coma a mangtagicua iti daga nga insapatam nga ited cadacuada.


Binettacna ti bato, ket dagiti danum nagparucpocda; nagayusda cadagiti namaga a yan a cas carayan.


Isu a namagbalin ti bato a libtong ti danum: ti pamulinawen, pagbalinenna nga ubbog ti dandanum.


Adda maysa a carayan a dagiti ayusna paragsakenda ti ili ti Dios, ti nasantoan a yan dagiti tabernaculo ti Cangatoan.


Linuctam dagiti ubbog ken carcarayan: pinagmagam dagiti napegges nga ay-ayus.


Ken sinuutda ti Dios iti pusoda gapu iti panagkiddawda iti taraon a cas maitutop iti tarigagayda.


Adtoy, dinugsolna ti bato, ket iti casta pimsuac dagiti dandanum, ket dagiti carayan naglippiasda; macaited met ngata iti tinapay? mangipaayto ngata iti carne iti ilina?


Sica immawagca iti pannacariribuc ket siac inispalca; sinungbatanca iti nalmeng a yan ti gurruood; sinuutca idiay danum ti Meriba. (Selah)


Ket sica itayagmo ta sarucodmo ket yunnatmo ta imam iti baybay, ket pagbisngayem: ket dagiti annac ti Israel sumrecdanto iti pagtengngaan ti baybay iti rabaw ti daga a namaga.


Ket naaramid nga idi nga agsasaon ni Aaron iti amin a gimong dagiti annac ti Israel, kimmitada iti agpalet-ang, ket, adtoy, ti dayag ni Jehova nagparang iti ulep.


Ket dida nawaw idi inturongna ida nga inlasat cadagiti langlangalang: isu pinaayusna dagiti dandanum a naggapu iti bato a maipaay cadacuada; pinisina met ti bato ket nagsayasay dagiti dandanum.


Alaenyo ti sarucod ket tiptiponenyo ti gimong, sica ken ni Aaron a cabsatmo, ket saoenyo iti bato iti sango dagiti matmatada, nga itedna coma ti danumna, ket sica ipanmonto cadacuada ti danum nga aggapu iti bato; iti casta itedmonto ti inumen ti gimong ken dagiti an-animalda.


Simmungbat ni Jesus ket kinunana kencuana: No mailasinmo coma ti sagut ti Dios, ken no siasino ti agcuna kenca: Iccannac ti inumen, dimmawatca coma kencuana, ket iniccannaca coma ti danum a nabiag.


Ngem siasinoman nga uminum iti danum nga itdecto kencuana, uray caano saanto a mawawen; no di ket ti danum nga itdecto kencuana agbalinto kencuana nga ubbog ti danum nga agburayoc a maipaay iti biag nga agnanayon.


Ket imminumda amin iti daydiay met la nga inumen a naespirituan; ta imminumda iti daydiay a bato a naespirituan a sumursurot cadacuada idi: ket daydi a bato isu idi ni Cristo.


Sangapulo ket maysa nga aldaw a panagbaliasat manipud Horeb a magna iti bantay Seir inggana iti Cades-barnea.


Ken nangilasat kenca iti dackel ken nacabutbuteng a tay-ac, a yan idi dagiti immapuy nga ul-uleg ken manggagama, ken naticag a daga nga awanan danum idi, nga inruarannaca ti danum idi pamulinawen:


Ket daydi Espiritu ken daydi novia cunada: Umayca! ket ti dumngeg, cunaenna coma: Umayca! Ket ti mawaw, umay coma. Ket ti mayat, awatenna ti danum ti biag, nga awan baybayadna.


Lean sinn:

Sanasan


Sanasan