Exodo 17:5 - Ti Biblia (1973)

⁵ Ket ni Jehova kinunana ken Moises, Inca iti sango dagiti tattao, ket icuyogmo ti dadduma cadagiti lallacay ti Israel; ket ti sarucodmo isu a pinangdidigram idi carayan, igganam, ket inca.

Ti Baro a Naimbag a Damag Biblia

⁵ Kinuna ni Yahweh ken ni Moises, “Mangikuyogka iti sumagmamano a pangulo ti Israel ket umun-unakayo a magna ngem dagiti tattao. Itugotmo ti sarukod nga imbautmo idi iti Karayan Nile.

Exodo 17:5 Iomraidhean Croise

Dagiti Salmo 74:15

Linuctam dagiti ubbog ken carcarayan: pinagmagam dagiti napegges nga ay-ayus.

Exodo 14:16

Ket sica itayagmo ta sarucodmo ket yunnatmo ta imam iti baybay, ket pagbisngayem: ket dagiti annac ti Israel sumrecdanto iti pagtengngaan ti baybay iti rabaw ti daga a namaga.

Exodo 3:16

Inca, ket gimongem dagiti lallacay ti Israel, ken cunam cadacuada, Dios ni Abraham, ni Isaac, ken ni Jacob, nagparang caniac a kinunana, Kinapudnona a sinarungcarancayon, ket nakitac ti maaramid cadacayo iti Egipto:

Exodo 3:18

Ket ipangagdanto ti timecmo: ket incanto, sica ken dagiti lallacay ti Israel, iti ari ti Egipto, ket cunayonto kencuana, Ni Jehova a Dios dagiti Hebreos nasaracannacami: Ket ita palubosannacami, dawatenmi kenca, nga incami iti let-ang iti bayat dagiti tallo nga aldaw, tapno aramidenmi ti daton ken Jehova a Diosmi.

Ezekiel 2:6

Ket sica, anac ti tao; dica agbuteng cadacuada, wenno agamac cadagiti sasaoda, uray pay calcalunay ken cascasumba addada coma kenca, ket agnaedca iti nagtengngaan dagiti manggagama: dica mabuteng cadagiti sasaoda, wenno agcullayaw iti panangkitada, nupay isuda nasukirda a balay.