Exodo 16:8 - Ti Biblia (1973)

⁸ Ket ni Moises kinunana, Daytoy ti maaramidto, no iccannacayonto ni Jehova no rumabii iti lasag a macan, ken iti bumigat ti tinapay a cacapnec; gapu ta ni Jehova mangngegna dagiti dandanengdengyo a panangdanengdengyo iti maicaniwas kencuana: ket siasinocami aya? dagiti tantanabutobyo saanda a maicaniwas cadacami no di ket maicaniwas ken Jehova.

Ti Baro a Naimbag a Damag Biblia

⁸ Innayon pay ni Moises, “Iti rabii, mangted ti Apo iti karne a sidayo. Iti bigat, ikkannakayo iti tinapay ingganat' mapnekkayo agsipud ta nangngegna ti nakaro a panagsaoyo iti maibusor kenkuana. No agreklamokayo kadakami, awan sabali a pagreklamoanyo no di ti Apo.”

Exodo 16:8 Iomraidhean Croise

Exodo 16:12

Nangngegcon dagiti dandanengdeng dagiti annac ti Israel: ibagam cadacuada, a cunam, Iti rumabii mangancayonto iti lasag, ket iti bumigat agrenneccayonto iti tinapay; ket ammoenyonto a siac ni Jehova a Diosyo.

Exodo 16:9

Ket ni Moises kinunana ken Aaron, Ibagam iti amin a sancagimongan dagiti annac ti Israel, Umasidegcayo iti sango ni Jehova; ta nangngegna dagiti dandanengdengyo.

Exodo 17:2

Gapuna a dagiti tattao nakisusicda ken Moises, ket kinunada, Iccannacami iti danum ta uminumcami. Ket ni Moises kinunana cadacuada. Apayapay a casusicdac? Ania ti gapuna a susuutenyo ni Jehova?

Isaias 32:6

Ta ti maag agsao a simamaag, ket ti pusona agaramidto iti kinadangkes, tapno paaduenna ti tabbaaw, ken mangibalicas iti allilaw a maibusor ken ni Jehova, tapno aramidenna nga awan ti agyan iti cararua ti mabisin, ken pagawanenna ti inumen ti mawaw.

Isaias 37:29

Gapu iti panagpungtotmo a maibusor caniac, ken agsipud ta ti kinacuspagmo immuli cadagiti lapayagco, gapuna nga icabilconto ti callawitco ita agongmo, ken ti frenoc cadagiti bibigmo, ket pagsubliencanto iti dalan nga immayam.

Numero 11:18

Ket cunam cadagiti tattao, Santificarenyo dagiti bagbagiyo a maipaay iti bigat, ket agsidacayto iti lasag: ta nagsangitcayo cadagiti pagdengngeg ni Jehova a kinunayo, Asino ti mangted cadacami iti lasag a sidaen? ta naimbag idi idiay Egipto: isu ti gapuna a ni Jehova iccannacayto iti lasag, ket agsidacayto.

Numero 14:27

Casanonto ti cabayag ti panaganuco itoy dakes a gimong nga agdanengdeng iti maicaniwas caniac? Nangngegco dagiti danengdeng dagiti annac ti Israel nga agdanengdengda iti maicaniwas caniac.

Numero 21:7

Ket dagiti tattao immayda ken Moises, ket kinunada, Nacabasolcami, gapu ta nagsaocami iti maicaniwas ken Jehova, ken maicaniwas kenca; agdawatca ken Jehova nga iccatenna coma cadacami dagiti ul-uleg. Ket ni Moises indawatanna ti umili.

San Mateo 10:40

Ti umawat cadacayo, siac ti awatenna; ket ti umawat caniac awatenna ti nangibaon caniac.

San Mateo 9:4

Ket idinto nga ammo ni Jesus dagiti panunutda, kinunana: Apay-apay agpanunutcay ti dakes cadagiti puspusoyo?

San Lucas 10:16

Ti dumngeg cadacayo, denggennac; ket ti mamagtalaw cadacayo, pagtalawennac, ket ti mamagtalaw caniac, pagtalawenna ti nangibaon caniac.

San Juan 13:20

Pudno, pudno, cunac cadacayo, ti umawat iti ibaonconto, siac ti awatenna; ket ti umawat caniac, awatenna ti nangibaon caniac.

Taga-Roma 13:2

Ti sumukir ngarud iti uray, sumukir iti linteg ti Dios, ket dagiti sumukir, awatendanto ti pannacadusa.

1 Taga-Corinto 10:10

Dicay agtanabutob, cas cadagiti dadduma cadacuada a nagtanabutobda, ket natayda gapu iti agpapatay.

1 Taga-Tesalonica 4:8

Gapuna, dagiti sumukir, saan a tao ti paidenda, no di ket ti Dios, isu a mangted cadacayo ti Santo nga Espirituna.

1 Samuel 8:7

Ket ni Jehova kinunana ken Samuel, Ipangagmo ti timec ti ili iti amin a cunada kenca; ta isuda didaca inumsi, no di ket siac ti inumsida tapno saanac coma nga agari cadacuada.