Exodo 16:4 - Ti Biblia (1973)

⁴ Idin ni Jehova kinunana ken Moises, Adtoy, manipud sadi langit pagtudoecto ti tinapay a taraonyo; ket dagiti tattao rumuardanto ket tunggal aldaw urnongenda iti maipaay iti inaldaw, tapno suutec ida, no pagdalanandanto met laeng ti lintegco wenno saan.

Ti Baro a Naimbag a Damag Biblia

⁴ Kinuna ni Yahweh ken ni Moises, “Pagtudoekto iti taraon nga agpaay kadakayo amin. Masapul a rummuar dagiti tattao nga agurnong iti umdas a kanenda iti tunggal aldaw. Kastoy ti panangsuotko kadakuada no tungpalenda met laeng dagiti bilinko.

Exodo 16:4 Iomraidhean Croise

Nehemias 11:23

Ta adda idi maysa a bilin a naggapu iti ari a maipapan cadacuada, ken maysa a nakedngan a taraon a maipaay cadagiti cumacanta, cas masapul iti tunggal aldaw.

Nehemias 9:15

Ket iniccam ida ti tinapay a naggapu iti langit a gapu iti bisinda, ket inruarmo ti danum a maipaay cadacuada a naggapu idi bato a gapu iti wawda, ket binilinmo ida tapno sumrecda coma a mangtagicua iti daga nga insapatam nga ited cadacuada.

Nehemias 9:20

Intedmo met ta naimbag nga Espiritum tapno mangisuro cadacuada, ket dica met inkedked ti manam iti ngiwatda, ket iniccam ida ti danum a gapu iti wawda.

Dagiti Salmo 105:40

Nagdawatda, ket nangyeg cadagiti tuctucling, ket pinennecna ida iti tinapay ti langit.

Dagiti Salmo 78:23

Nupay casta binilinna dagiti tangatang iti ngato, ket linuctanna dagiti ruangan ti langit;

Exodo 15:25

Ket isu immaoag ken Jehova; ket ni Jehova impatuldona kencuana ti maysa a cayo, ket intappuacna cadagiti dandanum, ket dagiti dandanum simmam-itda. Idiay nagaramid iti maipaay cadacuada iti maysa nga alagaden ken maysa a nagbilinan, ket idiay sinuutna ida;

Exodo 16:15

Ket idi dagiti annac ti Israel nakitada daydiay, kinunada iti maysa ken maysa cadacuada, Ania daytoy? ta dida ammo idi no ania daydi. Ket ni Moises kinunana cadacuada, Daytoy ti tinapay a canen nga ited ni Jehova cadacayo.

Dagiti Proverbio 30:8

Iyadayum caniac ti kinapasaw ken ululbod; dica cadi itden caniac ti kinapanglaw wenno ti kinabacnang; taraonannac iti taraon a mayanatup caniac:

San Mateo 6:11

Itedmo cadacam ita ti taraonmi iti inaldaw.

San Lucas 11:3

Itdem coma cadacami ti taraonmi nga inaldaw.

1 Taga-Corinto 10:3

Ket nanganda amin iti daydiay met la a pagtaraon a naespirituan;

Deuteronomio 8:16

A nangtaraon kenca iti mana idiay tay-ac a di-naam-ammo dagiti ammam; tapno pinagpacumbabanaca ken pinadasnaca, tapno aramidenna kenca ti naimbag iti maudi a banagmo:

Deuteronomio 8:2

Ket laglagipemto amin a dalan a nangiturongan kenca ni Jehova a Diosmo cadagitoy uppat a pulo a tawtawen iti let-ang, tapno pagpacumbabaennaca, tapno masuutca, tapno maammoan ti adda ita pusom, no salimetmetamto met laeng dagiti bilbilinna wenno saan.

Josue 24:15

Ket no dakes ti panangipagarupyo iti panagservi ken Jehova, agpilicayo ita nga aldaw no siasino ti pagservianyonto: no ketdi dagiti didios a nagservian idi dagiti ammayo idi addada dita ballasiw ti Carayan, wenno cadagiti didios dagiti Amorreos, a ti dagada pagtaenganyo: ngem siac ken ti balayco agservicamto ken Jehova.